ހއ. ދިއްދޫގައިހުރި ހިރިގައު މަހާނަގައުތައް ބެލެހެއްޓުމަށް އެރަށު ކައުންސިލްގެ އެއްބާރުލުން ބޭނުންވާ ކަމަށް ސަގާފީ ތަރިކަ ރައްކާތެރިކުރާ ގައުމީ މަރުކަޒުން ހާމަކޮށްފިއެވެ.
ހެރިޓޭޖް މިނިސްޓްރީގެ ދަށުން ހިންގާ ސަގާފީ ތަރިކަ ރައްކާތެރިކުރާ ގައުމީ މަރުކަޒުން މިއަދު ބުނީ ތިލަދުންމަތީ އުތުރުބުރީ ދިއްދޫގެ ޤަބުރުސްޠާނުގައި ހުރި ދުވަސްވީ ހިރިގައު މަހާނަގައުތަކެއް ނަގައި، ގާފުންޏަކަށް ވާހެން އުކާލާފައިވާތަން ފެންނަ ފޮޓޯތަކެއް ސޯޝަލް މީޑިއާގައި ދައުރުވަމުންދާ ކަމަށެވެ. އަދި އެކަން ބައެއް ނޫސްތަކުގެ ފަރާތުންވެސް ސަމާލުކަމަށް ގެނެސްފައިވާކަމަށް އެ ވުޒާރާއިން ބުނެއެވެ.
"މި މަރުކަޒުން ބެލި ބެލުމުން އެނގުނު ގޮތުގައި ދިއްދޫ ޤަބުރުސްޠާނުގެ ޖާގަ ކުޑަވެގެން އެ ޤަބުރުސްޠާނުގައި ކުރިން މީހުން ވަޅުލާފައިވާ ސަރަޙައްދު އަލުން ބޭނުންކުރުމަށްޓަކާ އެތަން ސާފުކުރުމަށް މި ގައުތަށް ނަގާފައިވަނީ 2017 ވަނަ އަހަރުގެ ތެރޭގައެވެ." ބަޔާނުގައިވެއެވެ.
ބަޔާނުގައި އިތުރަށް ބުނެފައިވަނީ އިހުގެ މިފަދަ މަހާނާގައުތަކަކީ ހިރިގަލު ވަޑާމުގެ މަސައްކަތްތެރިކަން މަތީފެންވަރަކަށް ދައްކުވައިދޭ ތަކެތި ކަމަށާއި، މަހާނާގަލުގައި ހުންނަ ލިޔުންތަކަކީ އެ ލިޔުންތައް ދިރާސާކޮށްގެން ދިވެހިރާއްޖޭގެ ތާރީޚަށް އައު މައުލޫމާތުތަކެއް ލިބިގެން ހިނގައިދާނެ ފަދަ ލިޔުންތަކެއް ކަމަށެވެ. އެހެންކަމުން ދިވެހިންގެ ތާރީޚާއި ސަގާފަތް ދެމެހެއްޓުމަށްޓަކައި މިފަދަ މަހާނަގައުތައް ރައްކާތެރިކަމާއެކު ބެލެހެއްޓުމަކީ ނުހަނު މުހިއްމު ކަމެއް ކަމަށްވެސް ބަޔާނުގައިވެއެވެ.
ދިވެހިރާއްޖޭގެ ސަގާފީ ތަރިކައިގެ ޤާނޫނުގައިވާ ގޮތުގެ މަތިން މީހުން ދިރިއުޅޭ ރަށްރަށުގެ އިޚްތިޞާޞްގެ ތެރޭގައި ހިމެނޭ ސަގާފީ ތަރިކަ ރައްކާތެރިކޮށް ދެމެހެއްޓުމަކީ އެ ރަށެއްގެ ނުވަތަ ސިޓީއެއްގެ ކައުންސިލްގެ ޒިންމާގެ ތެރޭގައި ހިމެނިފައި އޮންނަ ކަމެއް ކަމަށް ބަޔާނުގައިވެއެވެ.
"މި މަރުކަޒުން ދެކޭ ގޮތުގައި ދިއްދޫ ޤަބުރުސްޠާނުން ނަގާފައި ހުރި ހިރިގައު މަހާނަގައުތައް ރައްކާތެރިކަމާއެކު ބެލެހެއްޓުމަށް ތިލަދުންމަތީ އުތުރުބުރީ ދިއްދޫ ކައުންސިލްގެ އެއްބާރުލުން ބޭނުންވެއެވެ. އެހެންކަމުން މި މަރުކަޒުން މިހާރު މި ދަނީ މި މަހާނަގައުތައް ރައްކާތެރިކުރުމާއި ގުޅޭގޮތުން ދިއްދޫ ކައުންސިލާއި މަޝްވަރާ ކުރަމުންނެވެ." ސަގާފީ ތަރިކަ ރައްކާތެރިކުރާ ގައުމީ މަރުކަޒުގެ ބަޔާނުގައި ބުނެފައިއެވެ.
ސަގާފީ ތަރިކަ ރައްކާތެރިކުރާ ގައުމީ މަރުކަޒުން އިތުރަށް ބުނެފައިވަނީ ދިވެހިރާއްޖޭގެ ހުރިހާ ސަރަޙައްދެއްގައިވެސް ހުރި ދިވެހިންގެ މަސައްކަތްތެރިކަމާއި، ތާރީޚު ފެންނަ ތަރިކަ ރައްކާތެރިކޮށް ބެލެހެއްޓުމަކީ މި މަރުކަޒާއި، ކައުންސިލްތަކާއި އަދި އާންމު ފަރުދުންގެވެސް ޤާނޫނީ ޒިންމާއަކަށްވާއިރު، މިފަދަ ތަކެތި ރައްކާތެރިކޮށް ބެލެހެއްޓުމަށް ޚާއްސަ އިސްކަމެއް ދީގެން، ތާރީޚީ ގޮތުންނާއި، އަދި ސަގާފީ ފަތުރުވެރިކަމުގެ ތެރެއިން އިޤުތިޞާދީ ގޮތުން އެތަކެތީގެ ބޭނުން ހިފޭނެ ވިސްނުންތައް އިސްކުރެއްވުމަށް އިލްތިމާސްކުރާކަމަށެވެ.
"މި މަރުކަޒުން ބެލި ބެލުމުން އެނގުނު ގޮތުގައި ދިއްދޫ ޤަބުރުސްޠާނުގެ ޖާގަ ކުޑަވެގެން އެ ޤަބުރުސްޠާނުގައި ކުރިން މީހުން ވަޅުލާފައިވާ ސަރަޙައްދު އަލުން ބޭނުންކުރުމަށްޓަކާ އެތަން ސާފުކުރުމަށް މި ގައުތަށް ނަގާފައިވަނީ 2017 ވަނަ އަހަރުގެ ތެރޭގައެވެ." ބަޔާނުގައިވެއެވެ.
ބަޔާނުގައި އިތުރަށް ބުނެފައިވަނީ އިހުގެ މިފަދަ މަހާނާގައުތަކަކީ ހިރިގަލު ވަޑާމުގެ މަސައްކަތްތެރިކަން މަތީފެންވަރަކަށް ދައްކުވައިދޭ ތަކެތި ކަމަށާއި، މަހާނާގަލުގައި ހުންނަ ލިޔުންތަކަކީ އެ ލިޔުންތައް ދިރާސާކޮށްގެން ދިވެހިރާއްޖޭގެ ތާރީޚަށް އައު މައުލޫމާތުތަކެއް ލިބިގެން ހިނގައިދާނެ ފަދަ ލިޔުންތަކެއް ކަމަށެވެ. އެހެންކަމުން ދިވެހިންގެ ތާރީޚާއި ސަގާފަތް ދެމެހެއްޓުމަށްޓަކައި މިފަދަ މަހާނަގައުތައް ރައްކާތެރިކަމާއެކު ބެލެހެއްޓުމަކީ ނުހަނު މުހިއްމު ކަމެއް ކަމަށްވެސް ބަޔާނުގައިވެއެވެ.
ދިވެހިރާއްޖޭގެ ސަގާފީ ތަރިކައިގެ ޤާނޫނުގައިވާ ގޮތުގެ މަތިން މީހުން ދިރިއުޅޭ ރަށްރަށުގެ އިޚްތިޞާޞްގެ ތެރޭގައި ހިމެނޭ ސަގާފީ ތަރިކަ ރައްކާތެރިކޮށް ދެމެހެއްޓުމަކީ އެ ރަށެއްގެ ނުވަތަ ސިޓީއެއްގެ ކައުންސިލްގެ ޒިންމާގެ ތެރޭގައި ހިމެނިފައި އޮންނަ ކަމެއް ކަމަށް ބަޔާނުގައިވެއެވެ.
ސަގާފީ ތަރިކަ ރައްކާތެރިކުރާ ގައުމީ މަރުކަޒުން އިތުރަށް ބުނެފައިވަނީ ދިވެހިރާއްޖޭގެ ހުރިހާ ސަރަޙައްދެއްގައިވެސް ހުރި ދިވެހިންގެ މަސައްކަތްތެރިކަމާއި، ތާރީޚު ފެންނަ ތަރިކަ ރައްކާތެރިކޮށް ބެލެހެއްޓުމަކީ މި މަރުކަޒާއި، ކައުންސިލްތަކާއި އަދި އާންމު ފަރުދުންގެވެސް ޤާނޫނީ ޒިންމާއަކަށްވާއިރު، މިފަދަ ތަކެތި ރައްކާތެރިކޮށް ބެލެހެއްޓުމަށް ޚާއްސަ އިސްކަމެއް ދީގެން، ތާރީޚީ ގޮތުންނާއި، އަދި ސަގާފީ ފަތުރުވެރިކަމުގެ ތެރެއިން އިޤުތިޞާދީ ގޮތުން އެތަކެތީގެ ބޭނުން ހިފޭނެ ވިސްނުންތައް އިސްކުރެއްވުމަށް އިލްތިމާސްކުރާކަމަށެވެ.
ކިޔުންތެރިންގެ ހިޔާލު