މޯލްޑިވިއަން ޑިމޮކްރެޓިކް ޕާޓީ އެމްޑީީޕީގެ ޗެއަރޕާސަންގެ މަޤާމަށް ކުރިމަތިލުމަށް ހުޅުވާލައިފިއެވެ.

އެމްޑީޕީގެ އިންތިހާބާ ބެހޭ ކޮމިޓީއާއި އިސްތިއުނާފް ފަނޑިޔާރުންގެ މަޖިލީހުން މިއަދު ބޭއްވި ނޫސްވެރިންގެ ބައްދަލުވުމުގައި އިންތިޚާބާބެހޭ ކޮމިޓީގެ މުގައްރިރު މުހައްމަދު އިބްރާހިމް މަނިކު ވިދާޅުވީ އެޕާޓީގެ ޗެއަރޕާސަންގެ މަޤާމާއި ޔޫތު ވިންގާއި އަންހެނުންގެ ރޫހުގެ އިންތިހާބަށް ކުރިމަތިމަތި ލުމުގެ ފުރުސަތު މިއަދު ހުޅުވައިލައިފައިވާ ކަމަށެވެ.

މަނިކު ވިދާޅުވީ މި މަގާމުތަކަށް ކުރިމަތިލުމުގެ ސުންގަޑިއަކީ މިމަހުގެ 19 ވަނަ ދުވަހުގެ 4:00 ކަމަށެވެ. މަގާމުތަކަށް ކުރިމަތިލާ ކެންޑިޑޭޓުންގެ ނަންތައް މިމަހުގެ 22 ވަނަ ދުވަހު އިއުލާނު ކުރާނެ ކަމަށްވެސް މަނިކު ވިދާޅުވި އެވެ.

އިއުލާން: MDP/2022/02 ޗެއަރޕާސަން، އަންހެނުންގެ ރޫހު، ޒުވާނުންގެ ހިއްވަރުގެ އިންތިޚާބު 2202 – Maldivian Democratic Party https://t.co/OaGRpZtRQA

— MDP Secretariat (@MDPSecretariat) February 12, 2022

އެމްޑީޕީގެ ޗެއަރޕާސަން އަލްއުސްތާޛު ޙަސަން ލަޠީފް ޗެއާޕާރސަންކަމުގެ މަޤާމާ ޙަވާލުވެވަޑައިގެންފައި ވަނީ 12 ފެބްރުއަރީ 2017 ވަނަ ދުވަހުގައެވެ. އެމަނިކުފާނުގެ ޗެއަރޕާސަންގެ ދައުރު މިއަދަށްވަނީ ހަަމަވެފައެވެ.

އެމްޑީޕީގެ ޗެއަރޕާސަންގެ މަޤާމަށް އިޤްތިޞާދީ ވަޒީރު ފައްޔާޒު އިސްމާޢީލާއި އެސްޓީއޯގެ މެނޭޖިން ޑިރެކްޓަރ ޙުސައިން އަމްރާއި ރައްޔިތުންގެ މަޖިލީހުގެ މާފަންނު އުތުރުދާއިރާގެ މެންބަރު އިމްތިޔާޒް ފަހުމީ ވާދަކުރަށްވާކަމުގެ އަޑުތައް ވަނީ ފެތުރިފައެވެ.

އެމްޑީޕީން ނިންމާފައިވަނީ ޗެއަރޕާސަންގެ އިންތިޚާބު އޭޕްރީލްމަހުގެ 16 ވަނަ ދުވަހު ބޭއްވުމަށެވެ.