އެމްޑީޕީގެ ޗެއަރޕާސަންކަމަށް ކުރިމަތިލައްވަނީ ޕާޓީގެ ހެޔޮވެރިކަން ދެމެހެއްޓުމަށް ކަމަށް އިޤްތިޞާދީ ވަޒީރު ފައްޔާޒް އިސްމާޢީލް ވިދާޅުވެއްޖެއެވެ.

އެމްޑީޕީގެ ޗެއަރޕާސަންކަމުގެ މަޤާމަށް ކުރިމަތިލައްވާނެކަން އިޢުލާނުކުރަށްވަމުން ފައްޔާޒް މިއަދު ވިދާޅުވީ އަމާޒަކީ ޕާޓީ އިތުރަށް ހަރުދަނާކޮށް އެމްޑީޕީގެ ހެޔޮ ވެރިކަން ދެމެހެއްޓުން ކަމަށެވެ. ފައްޔާޒް ވިދާޅުވީ އެމްޑީޕީގެ އެތެރޭގެ އިންތިޚާބުގެ ސަބަބުން ޕާޓީ އިތުރަށް ހަރުދަނާވެގެން ދާނެ ކަމާމެދު ޝައްކު ނުކުރަށްވާ ކަމަށެވެ.

MDP ge chairperson kamuge magaamah kurimathi lumah nimmaifin. Amaazakee party ithurah harudhanaakoh, MDP ge heyo verikan dhemehettun. Lobuvethi memberunge thaaeedhah edhen. Mi inthikhaabu ge sababun party ithurah harudhanaa vegendhaane kamaamedhu shakkeiy neiy.

— Fayyaz Ismail (@faya_i) February 13, 2022

ފައްޔާޒްގެ އިތުރުން އެމްޑީޕީގެ ޗެއަރޕާސަންކަމުގެ މަގާމަށް ވާދަކުރައްވާނެކަން މިހާތަނަށް އިޢުލާނުކުރަށްވާފައިވަނީ މާފަންނު އުތުރުދާއިރާގެ މެންބަރު އިމްތިޔާޒް ފަހުމީއެވެ. ޗެއަރޕާސަންކަމުގެ މަގާމަށް އިންތި ވާދަކުރައްވާނެކަން އިއުލާން ކުރެއްވީ ރޭ ކުރެއްވި ޓްވީޓެއްގައެވެ.

މީގެ ކުރިން ޗެއަރޕާސަންގެ މަޤާމަށް ވާދަކުރަށްވާނެކަން އިޢުލާނުކުރެއްވި އެސްޓީއޯގެ މެނޭޖިންގ ޑިރެކްޓަރ ޙުސައިން އަމްރު މިހާރު ވަނީ އެމަޤާމަށް ވާދަ ނުކުރެއްވުމަށް ނިންމަވާފައެވެ.

މޯލްޑިވިއަން ޑިމޮކްރެޓިކް ޕާޓީ އެމްޑީީޕީގެ ޗެއަރޕާސަންގެ މަޤާމަށް ކުރިމަތިލުމަށް ހުޅުވައިލީ އިއްޔެއެވެ. އެމްޑީޕީން ނިންމާފައިވަނީ ޗެއަރޕާސަންގެ އިންތިޚާބު އޭޕްރީލްމަހުގެ 16 ވަނަ ދުވަހު ބޭއްވުމަށެވެ.