ސަމާލުކަން ދީފިނަމަ ކަރަންޓުބިލުން 15 އިންސައްތަ ކުޑަކުރެވޭނެ ކަމަށް ސްޓޭޓް އިލެކްޓްރިކް ކޮމްޕެނީ، ސްޓެލްކޯގެ މެނޭޖިންގ ޑިރެކްޓަރ ހަސަން މުޣުނީ ވިދާޅުވެއްޖެއެވެ.
ސްޓެލްކޯ އިން ކުރިއަށް ގެންދާ ސޭވް އެނާޖީ ޕްރޮގްރާމް މިއަހަރަށް ރަސްމީކޮށް ފެށުމަށް މިއަދު ހެނދުނު ބޭއްވި ރަސްމިއްޔާތުގައި ވާހަކަފުޅު ދައްކަވަމުން މުޣުނީ ވިދާޅުވީ މި ޕްރޮގްރާމުގެ މަގުސަދަކީ ގޭބީސީތަކުން ކަރަންޓު ބިލަށް ކުރަންޖެހޭ ހޭދަ ކުޑަ ކުރުން ކަމަށެވެ. ކޮންމެ އަހަރެއްގެވެސް ފުރަތަމަ ދެތިންމަހު ހޫނު ގަދަވުމާއެކު ކަރަންޓު ބިލުތައް ބޮޑު ކަމުގެ ޝަކުވާ ލިބޭކަމަށާއި ފަހަކަށްއައިސް އެއަޑުތައް ގަދަވެފައިވަނީ ރައްޔިތުންގެ އަޑު އިއްވުމަށް އޮތް ފުރުސަތު މިސަރުކާރުން ފުޅާކޮށް ހުޅުވާލާފައިވާތީ ކަމަށް މުޣުނީ ވިދާޅުވިއެވެ.
މުޣުނީ ވިދާޅުވީ ސްޓެލްކޯގެ އަމާޒަކީ ކަރަންޓު ބިލު ބޮޑުވާ ސަބަބުތަކާމެދު ރައްޔިތުން ހޭލުންތެރިކުރުމަށް ކަމާބެހޭ މަޢުލޫމާތު ރައްޔިތުންނަށް ފޯރުކޮށްދިނުން ކަމަށެވެ.
"މީގެ ކުރީގެ އަހަރުތަކާ އަޅާބަލާއިރު 2020 އަދި 2021 ގައި އަޅުގަނޑުމެންނަށް އައި ޝަކުވާތައް މިވަނީ މަދުކުރެވިފައި. އުންމީދުކުރަނީ ޢާއްމުރައްޔިތުންނަށް މިކަމާގުޅޭ މަޢުލޫމާތުތައް ލިބެމުންދާ މިންވަރަކުން އަޅުގަނޑުމެންނަށް އަންނަ ޝަކުވާތައްވެސް މަދުވާނެ ކަމަށް." ނޫސްވެރިންގެ ބައްދަލުވުމުގައި މުޣުނީ ވިދާޅުވިއެވެ.
މުޣުނީ ވިދާޅުވީ އާއްމުރައްޔިތުން މިހާރަށްވުރެބޮޑަށް ކަރަންޓު ބޭނުންކުރެއްވުމުގައި ވިސްނަވައި އިޤްތިޞާދު ކުރުމަށް ވިސްނަވާނެކަމަށް އުންމީދުކުރަށްވާ ކަމަށެވެ. އަދި އެގޮތަށް ޢަމަލުކޮށްފިނަމަ ކަރަންޓުބިލު އަތްނުފޯރާފަށަށް ބޮޑުވެގެން ނުދާނެ ކަމަށެވެ.
"އަޅުގަނޑުމެންނަށް ޕްރިވިއަސް ސްޓެޓިސްޓިކްސް އިން ފެންނަން އެބަހުރި ކަނޑައެޅިގެން މިކަންކަމަށް ވިސްނައިގެން ބަލާނަމަ ކަރަންޓުބިލް އެބަ ކުޑަކޮށްލެވޭ 15 ވަރަކަށް ޕަސެންޓަށް. އަޅުގަނޑުމެން ބޭނުންވަނީ މި މަޢުލޫމާތުތައް ޢާއްމުންނަށް ލިބިގެން ދިއުން." މުޣުނީ ވިދާޅުވިއެވެ.
ރައްޔިތުން ހޭލުންތެރި ކުރުވުމަށް ތަފާތު ގިނަ ކަންކަން ރާވާފައިވާކަމަށާއި، އެގޮތުން، ކަރަންޓު އިގްތިސާދު ކުރާ ފަރާތްތަކުގެ ތެރޭގައި ޕްރޮމޯޝަނެއް ބާއްވައި، އަދި އެ ޕްރޮމޯޝަނުން ހޮވޭ ފަރާތްތަކަށް ފައިސާގެ އިނާމެއް ދިނުން ހިމެނޭ ކަމަށް މުޣުނީ ވިދާޅުވިއެވެ. ހަމަ އެއާއެކު އާންމުންނަށް މައުލޫމާތު ދިނުމުގެ ގޮތުން ޓީވީ ޗެނަލްތަކާއި، ރޭޑިއޯއާއި، މިނޫންވެސް ސޯޝަލް މީޑިއާގެ އެކިއެކި ޕްލެޓްފޯމްތައް މެދުވެރިކޮށް އިންޓެރެކްޓިވް ސެޝަންތަކެއް ވެސް ކުރިޔަށް ގެންދާނެކަމަށް މުޣުނީ މިއަދު ވިދާޅުވިއެވެ.
މުޣުނީ ވިދާޅުވީ ސްޓެލްކޯގެ އަމާޒަކީ ކަރަންޓު ބިލު ބޮޑުވާ ސަބަބުތަކާމެދު ރައްޔިތުން ހޭލުންތެރިކުރުމަށް ކަމާބެހޭ މަޢުލޫމާތު ރައްޔިތުންނަށް ފޯރުކޮށްދިނުން ކަމަށެވެ.
"މީގެ ކުރީގެ އަހަރުތަކާ އަޅާބަލާއިރު 2020 އަދި 2021 ގައި އަޅުގަނޑުމެންނަށް އައި ޝަކުވާތައް މިވަނީ މަދުކުރެވިފައި. އުންމީދުކުރަނީ ޢާއްމުރައްޔިތުންނަށް މިކަމާގުޅޭ މަޢުލޫމާތުތައް ލިބެމުންދާ މިންވަރަކުން އަޅުގަނޑުމެންނަށް އަންނަ ޝަކުވާތައްވެސް މަދުވާނެ ކަމަށް." ނޫސްވެރިންގެ ބައްދަލުވުމުގައި މުޣުނީ ވިދާޅުވިއެވެ.
މުޣުނީ ވިދާޅުވީ އާއްމުރައްޔިތުން މިހާރަށްވުރެބޮޑަށް ކަރަންޓު ބޭނުންކުރެއްވުމުގައި ވިސްނަވައި އިޤްތިޞާދު ކުރުމަށް ވިސްނަވާނެކަމަށް އުންމީދުކުރަށްވާ ކަމަށެވެ. އަދި އެގޮތަށް ޢަމަލުކޮށްފިނަމަ ކަރަންޓުބިލު އަތްނުފޯރާފަށަށް ބޮޑުވެގެން ނުދާނެ ކަމަށެވެ.
ރައްޔިތުން ހޭލުންތެރި ކުރުވުމަށް ތަފާތު ގިނަ ކަންކަން ރާވާފައިވާކަމަށާއި، އެގޮތުން، ކަރަންޓު އިގްތިސާދު ކުރާ ފަރާތްތަކުގެ ތެރޭގައި ޕްރޮމޯޝަނެއް ބާއްވައި، އަދި އެ ޕްރޮމޯޝަނުން ހޮވޭ ފަރާތްތަކަށް ފައިސާގެ އިނާމެއް ދިނުން ހިމެނޭ ކަމަށް މުޣުނީ ވިދާޅުވިއެވެ. ހަމަ އެއާއެކު އާންމުންނަށް މައުލޫމާތު ދިނުމުގެ ގޮތުން ޓީވީ ޗެނަލްތަކާއި، ރޭޑިއޯއާއި، މިނޫންވެސް ސޯޝަލް މީޑިއާގެ އެކިއެކި ޕްލެޓްފޯމްތައް މެދުވެރިކޮށް އިންޓެރެކްޓިވް ސެޝަންތަކެއް ވެސް ކުރިޔަށް ގެންދާނެކަމަށް މުޣުނީ މިއަދު ވިދާޅުވިއެވެ.
ކިޔުންތެރިންގެ ހިޔާލު