މި ސަރުކާރުން މުޅިން އަލަށް ތަރައްޤީކުރާ ސަރަޙައްދީ އެއަރޕޯޓްތަކަށް 3 މިލިއަން ޑޮލަރު އިންވެސްޓްކުރުމުން ރިސޯޓުހަދަން ރަށެއް ލިބޭ ގޮތަށް ކަނޑައަޅުއްވައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ރިޔާސީ ޤަރާރެއް ނެރުއްވައިފިއެވެ.
ރައީސްގެ ޤަރާރު ގައި ވަނީ ފަތުރުވެރިކަމާބެހޭ ގާނޫނުގެ ދަށުން ދަޢުލަތުގެ ޢާއްމު މަންފާއަށްޓަކައި އިގުތިޞާދީ ނުވަތަ އިޖުތިމާއީ މަންފާއަށް ސަރުކާރުން ހިންގާ މަޝްރޫއުތަކަށް ރަށްތައް ދޫކުރާނަމަ އެ މަޝްރޫއަކަށް އެންމެ މަދުވެގެން އިންވެސްޓު ކުރަން ޖެހޭ އަދަދު ބަޔާންކުރާ ރައީސްގެ ގަރާރެއް ގެޒެޓުކުރަން ޖެހޭނެ ކަމަށެވެ.
ރައީސްގެ ޤަރާރުގައި އަލަށް އެޅުމަށް އިޢުލާނުކޮށްފައިވާ އެއަރޕޯޓުތަކަށް ފައިނޭންސް ކުރެވޭނެ ޢަދަދެއްކަމަށް ކަނޑައަޅާފައިވަނީ 3 މިލިއަން ޑޮލަރެވެ. އެގޮތުން ޤަރާރުގައި 6 އެއަރޕޯޓެއްގެ މަޝްރޫޢު ވަނީ ހިމަނުއްވާފައެވެ.
ރައީސް މިފަދަ ޤަރާރެއް ނެރުއްވާފައިވާއިރު ކްރޮސް-ސަބްސިޑީގެ ގޮތުގައި ފަތުރުވެރިކަމުގެ ބޭނުމަށް ރަށް ނުވަތަ ބިން ނުވަތަ ފަޅު ކުއްޔަށް ދިނުމާބެހޭ ގަވާއިދުގެ ދަށުން 6 ރަށެއްގައި ޑޮމެސްޓިކް އެއާޕޯޓްތައް ތަރައްގީކުރުމަށް ޕްލޭނިން މިނިސްޓްރީން މިހާރު ވަނީ އިޢުލާނުކޮށްފައެވެ. މި މޮޑެލްގެ ދަށުން އެއާޕޯޓް އެޅުމުގެ އިތުރުން އެއަރޕޯޓް އެޅުމަށް ފައިނޭންސްވެސް ކުރެވޭނެއެވެ. އެގޮތުން އެއަރޕޯޓް ތަރައްޤީ ކުރުމަށް މަދުވެގެން ހުށަހެޅޭ ކަމަށް މީގެކުރިން އިޢުލާނު ކޮށްފައިވާ 5 މިލިއަން ޑޮލަރު، 3 މިލިއަނަށް މިހާރު ވަނީ ކުޑަކޮށްފައެވެ. އެއާޕޯޓު ތަރައްގީކުރަން އިންވެސްޓު ކުރާ ފައިސާ އަކީ ރިސޯޓުގެ އެކުއިޒިޝަން ކޮސްޓާއި ރިސޯޓު ކުލިން އުނިކުރެވޭ ފައިސާ އެވެ.
އެގޮތުން އެއާޕޯޓް އެޅުމަށް އިޢުލާނު ކޮށްފައިވާ ރަށްތަކަކީ ހދ. މަކުނުދޫ އެއާޕޯޓަށް 23.3 މިލިއަން ޑޮލަރު، ށ. ބިލަތްފަހި އެއާޕޯޓަށް 23.6 މިލިއަން ޑޮލަރު، ބ. ތުޅާދޫ އެއާޕޯޓަށް 21.9 މިލިއަން ޑޮލަރު، ތ. ވިލުފުށި އެއާޕޯޓަށް 33.3 މިލިއަން ޑޮލަރު، ފ. މަގޫދޫ އެއާޕޯޓަށް 8.2 މިލިއަން ޑޮލަރު އަދި ރ. އަތޮޅު ދެކުނު ބިތުގައި އަޅާ އެއާޕޯޓަށް 23.6 މިލިއަން ޑޮލަރެވެ.
ރައްޔިތުންގެ މަޖިލީހުގެ މިދިޔަ އަހަރުގެ ފުރަތަމަ ދައުރުގެ ފުރަތަމަ ޖަލްސާއަށް ރިޔާސީ ބަޔާން އިއްވަވަމުން ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވީ، ތަރައްޤީ ލާމަރުކަޒު ކުރުމުގެ ނާރެހަކީ ފަސޭހަ ދަތުރުފަތުރުގެ ނިޒާމަކުން ރަށްތައް ގުޅައިލުން ކަމަށެވެ. އެގޮތުން އިތުރު 5 އެއަރޕޯޓެއް ޤާއިމް ކުރުމަށް މަސައްކަތް ކުރަމުން އަންނަ ކަމަށް ރައީސް ޞާލިޙް ވިދާޅުވެފައިވެއެވެ.
ރައީސްގެ ޤަރާރުގައި އަލަށް އެޅުމަށް އިޢުލާނުކޮށްފައިވާ އެއަރޕޯޓުތަކަށް ފައިނޭންސް ކުރެވޭނެ ޢަދަދެއްކަމަށް ކަނޑައަޅާފައިވަނީ 3 މިލިއަން ޑޮލަރެވެ. އެގޮތުން ޤަރާރުގައި 6 އެއަރޕޯޓެއްގެ މަޝްރޫޢު ވަނީ ހިމަނުއްވާފައެވެ.
ރައީސް މިފަދަ ޤަރާރެއް ނެރުއްވާފައިވާއިރު ކްރޮސް-ސަބްސިޑީގެ ގޮތުގައި ފަތުރުވެރިކަމުގެ ބޭނުމަށް ރަށް ނުވަތަ ބިން ނުވަތަ ފަޅު ކުއްޔަށް ދިނުމާބެހޭ ގަވާއިދުގެ ދަށުން 6 ރަށެއްގައި ޑޮމެސްޓިކް އެއާޕޯޓްތައް ތަރައްގީކުރުމަށް ޕްލޭނިން މިނިސްޓްރީން މިހާރު ވަނީ އިޢުލާނުކޮށްފައެވެ. މި މޮޑެލްގެ ދަށުން އެއާޕޯޓް އެޅުމުގެ އިތުރުން އެއަރޕޯޓް އެޅުމަށް ފައިނޭންސްވެސް ކުރެވޭނެއެވެ. އެގޮތުން އެއަރޕޯޓް ތަރައްޤީ ކުރުމަށް މަދުވެގެން ހުށަހެޅޭ ކަމަށް މީގެކުރިން އިޢުލާނު ކޮށްފައިވާ 5 މިލިއަން ޑޮލަރު، 3 މިލިއަނަށް މިހާރު ވަނީ ކުޑަކޮށްފައެވެ. އެއާޕޯޓު ތަރައްގީކުރަން އިންވެސްޓު ކުރާ ފައިސާ އަކީ ރިސޯޓުގެ އެކުއިޒިޝަން ކޮސްޓާއި ރިސޯޓު ކުލިން އުނިކުރެވޭ ފައިސާ އެވެ.
ރައްޔިތުންގެ މަޖިލީހުގެ މިދިޔަ އަހަރުގެ ފުރަތަމަ ދައުރުގެ ފުރަތަމަ ޖަލްސާއަށް ރިޔާސީ ބަޔާން އިއްވަވަމުން ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވީ، ތަރައްޤީ ލާމަރުކަޒު ކުރުމުގެ ނާރެހަކީ ފަސޭހަ ދަތުރުފަތުރުގެ ނިޒާމަކުން ރަށްތައް ގުޅައިލުން ކަމަށެވެ. އެގޮތުން އިތުރު 5 އެއަރޕޯޓެއް ޤާއިމް ކުރުމަށް މަސައްކަތް ކުރަމުން އަންނަ ކަމަށް ރައީސް ޞާލިޙް ވިދާޅުވެފައިވެއެވެ.
ކިޔުންތެރިންގެ ހިޔާލު