އިތުރު 124 މީހުންނާއި އެކު، އައްޑޫ ސިޓީގައި ކޮވިޑް ޖެހިފައިތިބި މީހުންގެ ޖުމުލަ އަދަދު 927 އަށް އަރައިފިއެވެ.

އައްޑޫ އެމަރޖެންސީ އޮޕަރޭޝަން ސެންޓަރުން ބުނީ އިއްޔެ އިރުއޮއްސި 18:00ގެ ނިޔަލަށް އައްޑޫ ސިޓީން ނަގާފައިވާ ސާމްޕަލްތަކުގެ ތެރެއިން 124 މީހުން ކޯވިޑަށް ޕޮޒިޓިވް ވެފައިވާ ކަމަށެވެ. އެހެންކަމުން މިވަގުތު އައްޑޫސިޓީގައި ކޯވިޑަށް ޕޮޒިޓިވް މީހުންގެ ގޮތުގައި ރެކޯޑް ކުރެވިފައިވަނީ ޖުމުލަ 927 މީހުންނެވެ.

އައްޑޫ ސިޓީގައި އެންމެ ގިނަބަޔަކު ކޮވިޑަށް ފައްސިވެފައިވާ ކަމަށް ދައްކަނީ ހިތަދޫންނެވެ. އެ އަވަށުން އެކަނި 483 މީހަކު ކޮވިޑަށް ފައްސިވެފައިވާ ކަމަށް ދައްކައެވެ. މީގެ އިތުރުން، ފޭދޫން 113 މީހަކާއި، ހުޅުދޫ 103 މީހަކާއި، މީދޫން 49 މީހެއްގެ އިތުރުން، މަރަދޫފޭދޫ 40 މީހަކާއި މަރަދޫ 120 މީހެއްގެ އިތުރުން ރިސޯޓްތަކާއި އެހެނިހެން ސަރަޙައްދުތަކުން 5 މީހުން ވަނީ ބައްޔަށް ޕޮޒިޓިވްވެފައެވެ.

އައްޑޫ ސިޓީގައި އެޑްމިޓް ކޮށްގެން ފަރުވާ ދެމުން ދަނީ 4 މީހަކަށެވެ. މިހާތަނަށް އައްޑޫ ސިޓީއިން މި ބަލީގައި 15 މީހަކު ނިޔާވެފައިވެއެވެ.