ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ޅ. އޮޅުވެލިފުއްޓަށް ވަޑައިގެންފި އެވެ.

ޅ. އަތޮޅުގެ ރަށްތަކަށް ރައީސް ޞާލިޙް ކުރައްވަމުން ގެންދަވާ ދަތުރުފުޅުގެ ތެރެއިން އޮޅުވެލިފުއްޓަށް މިއަދު ވަޑައިގަތުމުން އެރަށުންވަނީ އެމަނިކުފާނަށް ހޫނު މަރުހަބާއެއް ދަންނަވާފައެވެ.

ރައީސްގެ މިދަތުރުފުޅުގައި އެމަނިކުފާނުވަނީ އޮޅުވެލިފުށީ ރަށު ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ މެމްބަރުންގެ އިތުރުން އެރަށު ރައްޔިތުންނާ ބައްދަލުކުރައްވާފައެވެ. ރައީސްގެ މި ދަތުރުފުޅުގައި އޮޅުވެލިފުށީ ސްކޫލަށްވެސް އެމަނިކުފާނު ޒިޔާރަތް ކުރެއްވިއެވެ.

ރައީސުލްޖުމްހޫރިއްޔާ ޅ. އަތޮޅަށް ކުރައްވާ މި ދަތުރުފުޅުގައި ނައިފަރުގެ އިތުރުން މަޑިވަރާއި ހިންނަވަރާއި ފެލިވަރަށް އެމަނިކުފާނު ވަނީ އިއްޔެ ވަޑައިގެންފައެވެ. އަދި މި ދަތުރުފުޅުގައި އެމަނިކުފާނު މިއަދު އޮޅުވެލިފުށްޓާއި ކުރެންދޫއަށް ވަޑައިގަންނަވާނެއެވެ. މި ދަތުރުފުޅުގައި އެމަނިކުފާނުގެ އަރިހުގައި ވަޒީރުންނާއި ސަރުކާރުގެ ބައެއް އިސްވެރިން ބައިވެރިވެވަޑައިގަންނަވައެވެ.