ސްޓެލްކޯގެ ސޭވް އެނާޖީ ކެމްޕޭނުގެ ދަށުން މާދަމާ ހުޅުމާލޭގައި ކުޑަކުދިންގެ ހަވީރެއް ބޭއްވުމަށް ހަމަޖެހިފައިވާކަމަށް އެކުންފުނިން ހާމަކޮށްފިއެވެ.
ސްޓެލްކޯ އިން ކުރިއަށް ގެންދާ ސޭވް އެނާޖީ ޕްރޮގްރާމުގެ މަގުސަދަކީ ގޭބީސީތަކުން ކަރަންޓު ބިލަށް ކުރަންޖެހޭ ހޭދަ ކުޑަ ކުރުމެވެ. އެގޮތުން ކޮންމެ އަހަރެއްގެވެސް ފުރަތަމަ ދެތިންމަހު ހޫނު ގަދަވުމާއެކު ކަރަންޓު ބިލުތައް ބޮޑު ކަމުގެ ޝަކުވާ ލިބޭކަމަށް ސްޓޭޓް އިލެކްޓްރިކް ކޮމްޕެނީ، ސްޓެލްކޯގެ މެނޭޖިންގ ޑިރެކްޓަރ ހަސަން މުޣުނީ ވަނީ ވިދާޅުވެފައެވެ.
ސޭވް އެނާޖީ ކެމްޕޭނުގެ ދަށުން ސްޓެލްކޯގެ ކުޑަކުދިންގެ ހަވީރު ބޭއްވުމަށް ހަމަޖައްސާފައިވަނީ މާދަމާ ހަވީރު 4:30 އިން އިރުއޮއްސި 6:30 އަށް ހުޅުމާލޭގެ ސެންޓްރަލް ޕާކުގައެވެ. މި ހަވީރުގައި ކުޑަކުދިންނަށް އަމާޒުކޮށްގެން ތަފާތު އެކި ކުޅިވަރު ޙަރަކާތްތަކާއި ރޮބޯމޭންގެ ހުށަހެޅުންތައްވެސް ކުރިއަށް ގެންދިއުމަށްވަނީ ހަމަޖެހިފައެވެ.
މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ސްޓެލްކޯގެ އެމްޑީ ޙަސަން މުޣުނީ ވިދާޅުވީ ސްޓެލްކޯގެ އަމާޒަކީ ކަރަންޓު ބިލު ބޮޑުވާ ސަބަބުތަކާމެދު ރައްޔިތުން ހޭލުންތެރިކުރުމަށް ކަމާބެހޭ މަޢުލޫމާތު ރައްޔިތުންނަށް ފޯރުކޮށްދިނުން ކަމަށެވެ. މުޣުނީ ވިދާޅުވީ އާއްމުރައްޔިތުން މިހާރަށްވުރެބޮޑަށް ކަރަންޓު ބޭނުންކުރެއްވުމުގައި ވިސްނަވައި އިޤްތިޞާދު ކުރުމަށް ވިސްނަވާނެކަމަށް އުންމީދުކުރަށްވާ ކަމަށެވެ. އަދި އެގޮތަށް ޢަމަލުކޮށްފިނަމަ ކަރަންޓުބިލު އަތްނުފޯރާފަށަށް ބޮޑުވެގެން ނުދާނެ ކަމަށް މުޣުނީ ވިދާޅުވިއެވެ.
ސޭވް އެނާޖީ ކެމްޕޭނުގެ ދަށުން ސްޓެލްކޯއިން ވަނީ ރައްޔިތުން ހޭލުންތެރި ކުރުވުމަށް ތަފާތު ގިނަ ކަންކަން ރާވާފައެވެ. އެގޮތުން، ކަރަންޓު އިގްތިސާދު ކުރާ ފަރާތްތަކުގެ ތެރޭގައި ޕްރޮމޯޝަނެއް ބާއްވައި، އަދި އެ ޕްރޮމޯޝަނުން ހޮވޭ ފަރާތްތަކަށް ފައިސާގެ އިނާމެއް ދިނުން ހިމެނެއެވެ. ހަމަ އެއާއެކު އާންމުންނަށް މައުލޫމާތު ދިނުމުގެ ގޮތުން ޓީވީ ޗެނަލްތަކާއި، ރޭޑިއޯއާއި، މިނޫންވެސް ސޯޝަލް މީޑިއާގެ އެކިއެކި ޕްލެޓްފޯމްތައް މެދުވެރިކޮށް އިންޓެރެކްޓިވް ސެޝަންތަކެއް ވެސް ކުރިޔަށް ގެންދާނެކަމަށް ސްޓެލްކޯއިން ހާމަކޮށްފައިވެއެވެ.
ސޭވް އެނާޖީ ކެމްޕޭނުގެ ދަށުން ސްޓެލްކޯގެ ކުޑަކުދިންގެ ހަވީރު ބޭއްވުމަށް ހަމަޖައްސާފައިވަނީ މާދަމާ ހަވީރު 4:30 އިން އިރުއޮއްސި 6:30 އަށް ހުޅުމާލޭގެ ސެންޓްރަލް ޕާކުގައެވެ. މި ހަވީރުގައި ކުޑަކުދިންނަށް އަމާޒުކޮށްގެން ތަފާތު އެކި ކުޅިވަރު ޙަރަކާތްތަކާއި ރޮބޯމޭންގެ ހުށަހެޅުންތައްވެސް ކުރިއަށް ގެންދިއުމަށްވަނީ ހަމަޖެހިފައެވެ.
ސޭވް އެނާޖީ ކެމްޕޭނުގެ ދަށުން ސްޓެލްކޯއިން ވަނީ ރައްޔިތުން ހޭލުންތެރި ކުރުވުމަށް ތަފާތު ގިނަ ކަންކަން ރާވާފައެވެ. އެގޮތުން، ކަރަންޓު އިގްތިސާދު ކުރާ ފަރާތްތަކުގެ ތެރޭގައި ޕްރޮމޯޝަނެއް ބާއްވައި، އަދި އެ ޕްރޮމޯޝަނުން ހޮވޭ ފަރާތްތަކަށް ފައިސާގެ އިނާމެއް ދިނުން ހިމެނެއެވެ. ހަމަ އެއާއެކު އާންމުންނަށް މައުލޫމާތު ދިނުމުގެ ގޮތުން ޓީވީ ޗެނަލްތަކާއި، ރޭޑިއޯއާއި، މިނޫންވެސް ސޯޝަލް މީޑިއާގެ އެކިއެކި ޕްލެޓްފޯމްތައް މެދުވެރިކޮށް އިންޓެރެކްޓިވް ސެޝަންތަކެއް ވެސް ކުރިޔަށް ގެންދާނެކަމަށް ސްޓެލްކޯއިން ހާމަކޮށްފައިވެއެވެ.
ކިޔުންތެރިންގެ ހިޔާލު