ތައިރޮއިޑް ސަރޖަރީއަށްފަހު ރައީސް ޞާލިޙް ހޮސްޕިޓަލުން ދޫކޮށްލައިފިއެވެ.

ފެބްރުއަރީ ތޭވީހުން ފެށިގެން ރައީސް ޞާލިޙް ހުންނެވީ ތައިރޮއިޑްގެ ފަރުވާއަކަށް ސިންގަޕޫރުގައެވެ. ރައީސް ސާޖަރީ ކުރެއްވި ވަގުތު ރައީސުލްޖުމްހޫރިއްޔާގެ ޒިންމާތައް ނެންގެވީ އެމަނިކުފާނުގެ ނާއިބް ފައިސަލް ނަސީމެވެ. ރައީސް އޮފީހުން ބުނީ ރައީސްގެ ސަރޖަރީ ކާމިޔާބުވުމާއެކު އެމަނިކުފާނު ވަނީ ވެރިކަމުގެ މަސްއޫލިއްޔަތުތަކާ އަލުން ހަވާލުވެވަޑައިގެންފައި ކަމަށެވެ.

ރައީސް ޞާލިޙް މިއަދު ވިދާޅުވީ ސަރޖަރީއަށްފަހު އެމަނިކުފާނު މިއަދު ހޮސްޕިޓަލުން ދޫކޮށްލާފައިވާ ކަމަށެވެ. އަދި ޙާލުކޮޅު ރަނގަޅު ކަމަށާއި ވަރަށް އަވަހަށް ރާއްޖެއަށް އެނބުރިވަޑައިގަންނަވާނެ ކަމަށް ރައީސް ޞާލިޙް ވަނީ ވިދާޅުވެފައެވެ.

Alhamdhulillaahi. Was discharged from the hospital this morning. I am doing well and will be returning home to the Maldives in a few days. Once again, thank you everyone for your well wishes.

— Ibrahim Mohamed Solih (@ibusolih) March 1, 2022

ރައީސްގެ ސަރޖަރީ ކުރިއަށް ގެންދިއުމަށްޓަކައި ގާތްގަނޑަކަށް 210 މިނެޓަށް ވެރިކަމުގެ މަސްއޫލިއްޔަތުތައް ނައިބުރައީސް ފައިސަލް ނަސީމާ ޙަވާލުކުރެއްވުމަށްފަހު ރައީސުލްޖުމްހޫރިއްޔާގެ މަސްއޫލިއްޔަތުތަކާއި ވާޖިބުތަކާ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އަލުން ހަވާލުވެވަޑައިގެންނެވީ ޤާނޫނު އަސާސީގެ 123 ވަނަ މާއްދާގެ (ހ)ގައި ވާގޮތުގެ މަތިން ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް އެކަން ލިއުމުން އެންގެވުމަށްފަހު ފެބްރުއަރީ 25 ވަނަ ދުވަހުގެ ހެނދުނު 9:30 ގައެވެ.