ނިވާކަންކުޑަ ހެދުމުގައި ތިބޭ މީހުންނަށް ޚިދުމަތް ނުދިނުމަށް އއ. އުކުޅަހު ސިއްޙީމަރުކަޒުން ނިންމައިފިއެވެ.
34 ގެސްޓްހައުސެއް ހިންގަމުންދާ އުކުޅަހު ސިއްހީ މަރުކަޒުން ކުރި އިއުލާނެއްގައި ބުނެފައިވަނީ ނިވާކަންކުޑަ ހެދުން އަޅައިގެން އެ މަރުކަޒަށް ހިދުމަތް ހޯދުމަށްދާ ފަތުރުވެރިންގެ އަދަދު އިތުރުވަމުންދާ ކަމަށެވެ. އަދި ނިވާކަންކުޑަ ހެދުމުގައި ޚިދުމަތް ހޯދުމަށް އަންނަ ފަރާތްތައް ފޮނުވާލާނެކަމަށާއި އެކަށީގެންވާ ހެދުމެއްގައި އެނބުރި އައުމުން ހިދުމަތް ދޭނެ ކަމަށް އިޢުލާނުގައި ވެއެވެ.
އުކުޅަހު ސިއްޙީ މަރުކަޒުން ބުނެފައިވަނީ އެގޮތަށް ނިންމި ނަމަވެސް ފުރާނައަށް ނުރައްކާވެފައިވާފަދަ ހާލަތެއްގައި ހިދުމަތް ހޯދަން އަންނަ މީހުންނާމެދު އެ އުސޫލު ނުހިނގާނެ ކަމަށެވެ.
އުކުޅަހު ސިއްޙީ މަރުކަޒުން މިފަދަ ނިންމުމެއް ނިންމާފައިވާއިރު ރާއްޖޭގައި އެންމެ ފުޅާދާއިރާއެއްގައި ގެސްޓްހައުސް ވިޔަފާރި ކުރަމުން ގެންދާ މާފުށީ ކައުންސިލުން ވެސް މީގެ ކުރިންވަނީ އިސްލާމީ މުޖުތަމަޢެއްގައި ކުރުން ބަލައި ނުގަނެވޭފަދަ ޢަމަލުތައް ހިންގާކަމުގެ ޝަކުވާ ލިބެމުންދާ ކަމަށާއި އެފަދަ ފަރާތްތަކާމެދު ފިޔަވަޅު އަޅާނެކަމުގެ އިންޒާރު ދީފައެވެ.
އުކުޅަހު ސިއްޙީ މަރުކަޒުން މިފަދަ ނިންމުމެއް ނިންމާފައިވާއިރު ރާއްޖޭގައި އެންމެ ފުޅާދާއިރާއެއްގައި ގެސްޓްހައުސް ވިޔަފާރި ކުރަމުން ގެންދާ މާފުށީ ކައުންސިލުން ވެސް މީގެ ކުރިންވަނީ އިސްލާމީ މުޖުތަމަޢެއްގައި ކުރުން ބަލައި ނުގަނެވޭފަދަ ޢަމަލުތައް ހިންގާކަމުގެ ޝަކުވާ ލިބެމުންދާ ކަމަށާއި އެފަދަ ފަރާތްތަކާމެދު ފިޔަވަޅު އަޅާނެކަމުގެ އިންޒާރު ދީފައެވެ.
ކިޔުންތެރިންގެ ހިޔާލު