ރޯދައަށް މާލޭގައި ތަރައްޤީކުރާ ވަގުތީ މާރުކޭޓުގެ ގޮޅިއަށް ކުރިމަތިލުމަށް ހުޅުވާލި މުއްދަތު އިތުރުކޮށްފިއެވެ.
މާލޭ ސިޓީ ކައުންސިލުން ބުނީ ރަމަޟާން މަހަށް ޚާއްސަކޮށްގެން މާލޭގެ ދެސަރަޙައްދެއްގައި ވަގުތީ މާރުކޭޓު ހެދުމަށް ނިންމާފައިވާކަމަށެވެ. އެގޮތުން ދެ މަސް ދުވަހުގެ މުއްދަތަކަށް ވަގުތީ ދެ މާރުކޭޓް ހެދުމަށް ނިންމާފައިވަނީ ދަރުބާރުގޭގެ އިރުން އޮންނަ ހުސްބިމުގައާއި ތާޖުއްދީން ސްކޫލުގެ ހުޅަނގުން އޮންނަ ހުސް ބިމުގައެވެ.
ވަގުތީ މާރުކޭޓުގެ ގޮޅިއަށް އެދި ކުރިމަތިލުމުގެ މުއްދަތު މިމަހު 20 ވާ އާދިއްތަ ދުވަހުގެ 2:00ގެ ނިޔަލަށް އިތުރު ކޮށްފައިވާ ކަމަށް ސިޓީ ކައުންސިލުން ވަނީ ބުނެފައެވެ.
ވަގުތީ މާރުކޭޓުގެ ގޮޅިއަށްއެދި ފޯމް ހުށަހަޅަންޖެހެނީ ތައިސޭކޮށީގައި ހުންނަ ސިޓީ ކައުންސިލްގެ އާންމު ހިދުމަތްތަކާބެހޭ ބަޔަށެވެ.
ވަގުތީ މާރުކޭޓުގެ ގޮޅިއަށްއެދި ފޯމް ހުށަހަޅަންޖެހެނީ ތައިސޭކޮށީގައި ހުންނަ ސިޓީ ކައުންސިލްގެ އާންމު ހިދުމަތްތަކާބެހޭ ބަޔަށެވެ.
ކިޔުންތެރިންގެ ހިޔާލު