އިންޑިއާ އައުޓް ޙަރަކާތަށް ރައީސް ޔާމީން ނައިފަރަށް ވަޑައިގަތުމަށް ނިންމަވައިފިއެވެ.

ރާއްޖޭގައިތިބި އިންޑިޔާ ސިފައިން ބޭލުމަށް ގޮވާލާ އިދިކޮޅު ކޯލިޝަނުން ހިންގާ އިންޑިޔާ އައުޓް ކެމްޕޭނަށް ރައީސް އަބުދުﷲ ޔާމީން އަންނަ ހޮނިހިރު ދުވަހު ޅ. ނައިފަރަށް ވަޑައިގަންނަވަަން ނިއްމަވައިފިއެެވެ.

ޕީޕިއެމްގެ ނައިބުރައީސް އަދި ނައިފަރު ދާއިރާގެ މެންބަރު އަޙްމަދު ޝިޔާމް ވިދާޅުވީ، އިންޑިޔާ އައުޓް ހަރަކާތް ކުރިއަށް ގެންދިޔުމަށް އަންނަ ހޮނިހިރު ދުވަހު ރައީސް އަބުދުﷲ ޔާމިން ޅ. ނައިފަރަށް ވަޑައިގަތުމަށް ނިންމަވާފައިވާ ކަމަށެވެ.

19 March vaa Honihiru Dhuvahu Raees Yameen Naifarah vadaigen kuriyah gendhava #IndiaOut harakaathah thayyaaruvumuge gothun Progressive Congress Coalition ge supporterunna eku beyvvunu etherey bahdhaluvun. #IndiaOut

15.03.2022 pic.twitter.com/fKuLvD9CM8

— Ahmed Shiyam (@Shiyamaldives) March 16, 2022

"އިންޑިއާ އައުޓް" ހަރަކާތަކީ ސީދާ އިދިކޮޅު ޕީޕީއެމާއި ޕީއެންސީން އިސްވެ ހިންގާ ހަރަކާތެއް ކަމަށް މީގެ ކުރިން އެދެޕާޓީން އެއްބަސް ވެފައި ނުވި ނަމަވެސް އިދިކޮޅު ލީޑަރު ރައީސް ޔާމީން ޖަލު ހުކުމުން މިނިވަން ވެވަޑައިގެން ފުރަތަމަ ބޭއްވި ބޮޑު ސިޔާސީ އެއްވުމުގައި އެމަނިކުފާނު ވަނީ، އިންޑިއާ އައުޓް ކެމްޕޭނަކީ ސީދާ އެމަނިކުފާނު އިސްވެ ފެއްޓެވި ހަރަކާތެއް ކަމުގައި ވިދާޅުވެފައެވެ.

އިދިކޮޅުން ކުރިއަށް ގެންދާ އިންޑިއާ އައުޓް ހަރަކާތް ރަށްރަށުގައި ފުޅާކުރުމުގެ ގޮތުން، ރައީސް ޔާމީން ވަނީ އަތޮޅުތެރޭގެ ރަށްރަށަށް ވަޑައިގެން، އެ ހަރަކާތްތަކުގައި ބައިވެރިވެ ވަޑައިގެންފައެވެ. ހަމަ އެއާއެކު މާލޭގައިވެސް ސިލްސިލާކޮށް އިހުތިޖާޖުތައް ބާއްވައި، އިދިކޮޅުން ދަނީ އިންޑިއާ ސިފައިން މިގައުމުން ބޭރު ކުރުމަށް ގޮވާލަމުންނެވެ.