ވައިގެ މަގުން ރާއްޖެ އައި އިނގިރޭސި ރައްޔިތެއްގެ އަތުން 12.7 ގްރާމުގެ މަސްތުވާތަކެތި އަތުލައިގެންފިއެވެ.

ދިވެހި ކަސްޓަމުން ބުނީ މި މަހުގެ ހަވަނަ ދުވަހު ވައިގެ މަގުން ސްރީލަންކާއިން ރާއްޖެ އައި އިނގިރޭސި ރައްޔިތެއްގެ އަތުން 12.7 ގްރާމުގެ މަސްތުވާތަކެތި އަތުލައިގެންފައިވާ ކަމަށެވެ. މިތަކެތި ފެނުނީ އޭނާގެ ޢަމަލުތައް ހުރިގޮތުން ޝައްކު ކުރެވިގެން އޭނާގެ ލަގެޖް ބަލައި ފާސްކުރުމުން ކަމަށް ކަސްޓަމުން ބުނެފައި ވެއެވެ.

ކަސްޓަމްސުން ބުނީ އަތުލައިގަނެވުނު ތަކެތި ފުރަތަމަ މަރުހަލާގައި އެ ތަކެތި ޓެސްޓުކުރިއިރު މަސްތުވާތަކެތީގެ ބާވަތެއްކަމަށްވާ ކެނަބިސްއަށް ޕޮޒިޓިވްވެފައިވާ ކަމަށެވެ. އޭގެތެރޭގައި ހިމެނެނީ 9.30 ގްރާމްގެ ކެނަބިސް އޮށާއި, 3.40 ގްރާމްގެ ކެނަބިސް ހާބަލްކަމަށް ކަސްޓަމްސުން ވަނީ ބުނެފައެވެ.

ކަސްޓަމްސުން ބުނީ މި މައްސަލައިގައި ޝާމިލްވާ މީހާއާއި, އަތުލައިގަތް މަސްތުވާތަކެތި ފުލުހުންނާއި ހަވާލުކޮށްފައިވާ ކަމަށެވެ.

ނަމަވެސް އޭނާއާބެހޭ އިތުރު މައުލޫމާތު ކަސްޓަމްސުން ހާމައެއް ނުކުރެއެވެ.