ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙު، ފުވައްމުލަކު ސިޓީއަށް ގެންގުޅުއްވާ ތަސައްވުރު ހާމަކޮށްދެއްވައިފިއެވެ.
ފުވައްމުލަކު ސިޓީއަށް ގެންގުޅުއްވާ ތަސައްވުރު ހާމަކޮށްދެއްވީ ފުވައްމުލަކު ރައްޔިތުންނަށް ރައީސްގެ ދެކަނބަލުން ދެއްވި މާހެފުމުގެ ޚާއްޞަ ހަފްލާގައި ދެއްކެވި ވާހަކަފުޅުގައެވެ.
ފުވައްމުލަކު ސިޓީގެ ރައްޔިތުންނަށް ރައީސްގެ ދެކަނބަލުން ދެއްވި މާހެފުމުގެ ފަރިއްކޮޅުގެ ކުރިން ރައްޔިތުންނާއި ބައްދަލުކުރައްވާ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ދެއްކެވި ވާހަަކަފުޅުގައި އެންމެ ބޮޑު އެންމެ މުހިންމު އެއް މަޝްރޫޢެއްގެ ގޮތުގައި ފާހަގަކުރެއްވީ ފުވައްމުލަކު އެއަރޕޯޓް އިތުރަށް ބޮޑުކޮށް ތަރައްޤީކުރުމެވެ.
ފުވައްމުލަކު އެއަރޕޯޓް އިތުރަށް ބޮޑުކޮށް ތަރައްޤީކުރުމަކީ މިހާރު ކޮންމެހެން ކުރަންޖެހޭ ކަމެއްކަމަށް ދެކެވަޑައިގަންނަވާ ކަމަށް ވިދާޅުވެ ރައީސް ވަނީ އެއަރޕޯޓް ބޮޑުކުރުމުގެ ޓެކްނިކަލް ސާރވޭއެއް ކުރުމަށް ޕްލޭނިން މިނިސްޓަރަށް ދަންނަވާފައިވާނެކަމަށް ވިދާޅުވެފައެވެ. އަދި އެ ޓެކްނިކަލް ސާރވޭއަށްފަހު ފުވައްމުލަކު އެއަރޕޯޓް ބޮޑުކުރެވެން އޮތް އެންމެ ބޮޑެއް ކުރައްވާނެކަމުގެ ޔަޤީންކަން ރައީސް ދެއްވިއެވެ.
ރައީސްގެ ވާހަކަފުޅުގައި ވިދާޅުވީ ފުވައްމުލަކަށް ދެންއޮތް އެންމެ ބޮޑު މައްސަލައަކީ ބޯހިޔާވަހިކަމުގެ މައްސަލަކަމަށެވެ. އެގޮތުން ފުވައްމުލަކުގައި 200 ހައުސިންގ ޔުނިޓް ޢިމާރާތްކުރުމަށް ޓެންޑަރިންއަށް ލާފައިވާއިރު، އިތުރު 200 ހައުސިން ޔުނިޓާއެކު ޖުމްލަ 400 ހައުސިން ޔުނިޓް އަޅުއްވާނެކަމަށް ރައީސް ވިދާޅުވިއެވެ.
ރައީސް ވިދާޅުވީ ފުވައްމުލަކުގައި 18 ކިލޯމީޓަރުގެ މަގުހެދުމުގެ މަޝްރޫއު ކުރިއަށްދާއިރު އިތުރު މަގުތަކެއް ހެދުމަކީވެސް މުހިންމުކަމެއްކަމަށެވެ. އެހެންކަމުން މަގުހެދުމުގެ މަޝްރޫޢު މެދުކެނޑުމެއް ނެތި އިތުރު 10 ކިލޯމީޓަރުގެ މަގު ފުވައްމުލަކުގައި ޒަމާނީ ފެންވަރަށް ތަރައްޤީ ކުރަން ނިންމަވާފައިވާ ކަމަށް ރައީސް ވިދާޅުވިއެވެ.
ރައީސްގެ ވާހަކަފުޅުގައި ރިޔާސީ އިންތިޚާބުގެ ވަޢުދާއި އެއްގޮތަށް ފުވައްމުލަކުގައި ފަތާ ފެންގަނޑެއް ހަދާނެކަމުގެ ޔަޤީންކަން ރައްޔިތުންނަށް ދެއްވިއެވެ. ފުވައްމުލަކުގައި ސްވިމިން ޕޫލަކާއެކު ގިނަ ކުޅިވަރުތައް ކުޅެވޭނެ ސްޕޯޓްސް ކޮމްޕްލެކްސެއް ތަރައްޤީކުރުމަށް ޓެންޑަރ ކުރެވިފައިވާކަމަށްވެސް އެމަނިކުފާނު ވިދާޅުވިއެވެ.
ރައީސްގެ ވާހަކަފުޅުގައި ފުވައްމުލަކުގައި ތަރައްޤީގެ މަޝްރޫޢުތައް ކުރިއަށްގެންދަވާނީ މިއީ ބަޔޮސްފިޔަރ ރިޒާވެއްކަން ދަނެ ތިމާވެއްޓާއި ގުދުރަތީ ނިޒާމަށް ގެއްލުން ނުވާނެގޮތަށްކަމަށް ވިދާޅުވިއެވެ.
ރައީސުލްޖުމްހޫރިއްޔާ ފުވައްމުލަކު ސިޓީއަށް ވަޑައިގަތީ މިއަދުއެވެ. މިދަތުރުފުޅުގައި އެމަނިކުފާނު އައްޑޫ ސިޓީއަށްވެސް ވަޑައިގަންނަވާނެއެވެ.
ފުވައްމުލަކު ސިޓީގެ ރައްޔިތުންނަށް ރައީސްގެ ދެކަނބަލުން ދެއްވި މާހެފުމުގެ ފަރިއްކޮޅުގެ ކުރިން ރައްޔިތުންނާއި ބައްދަލުކުރައްވާ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ދެއްކެވި ވާހަަކަފުޅުގައި އެންމެ ބޮޑު އެންމެ މުހިންމު އެއް މަޝްރޫޢެއްގެ ގޮތުގައި ފާހަގަކުރެއްވީ ފުވައްމުލަކު އެއަރޕޯޓް އިތުރަށް ބޮޑުކޮށް ތަރައްޤީކުރުމެވެ.
ފުވައްމުލަކު އެއަރޕޯޓް އިތުރަށް ބޮޑުކޮށް ތަރައްޤީކުރުމަކީ މިހާރު ކޮންމެހެން ކުރަންޖެހޭ ކަމެއްކަމަށް ދެކެވަޑައިގަންނަވާ ކަމަށް ވިދާޅުވެ ރައީސް ވަނީ އެއަރޕޯޓް ބޮޑުކުރުމުގެ ޓެކްނިކަލް ސާރވޭއެއް ކުރުމަށް ޕްލޭނިން މިނިސްޓަރަށް ދަންނަވާފައިވާނެކަމަށް ވިދާޅުވެފައެވެ. އަދި އެ ޓެކްނިކަލް ސާރވޭއަށްފަހު ފުވައްމުލަކު އެއަރޕޯޓް ބޮޑުކުރެވެން އޮތް އެންމެ ބޮޑެއް ކުރައްވާނެކަމުގެ ޔަޤީންކަން ރައީސް ދެއްވިއެވެ.
ރައީސްގެ ވާހަކަފުޅުގައި ވިދާޅުވީ ފުވައްމުލަކަށް ދެންއޮތް އެންމެ ބޮޑު މައްސަލައަކީ ބޯހިޔާވަހިކަމުގެ މައްސަލަކަމަށެވެ. އެގޮތުން ފުވައްމުލަކުގައި 200 ހައުސިންގ ޔުނިޓް ޢިމާރާތްކުރުމަށް ޓެންޑަރިންއަށް ލާފައިވާއިރު، އިތުރު 200 ހައުސިން ޔުނިޓާއެކު ޖުމްލަ 400 ހައުސިން ޔުނިޓް އަޅުއްވާނެކަމަށް ރައީސް ވިދާޅުވިއެވެ.
ރައީސް ވިދާޅުވީ ފުވައްމުލަކުގައި 18 ކިލޯމީޓަރުގެ މަގުހެދުމުގެ މަޝްރޫއު ކުރިއަށްދާއިރު އިތުރު މަގުތަކެއް ހެދުމަކީވެސް މުހިންމުކަމެއްކަމަށެވެ. އެހެންކަމުން މަގުހެދުމުގެ މަޝްރޫޢު މެދުކެނޑުމެއް ނެތި އިތުރު 10 ކިލޯމީޓަރުގެ މަގު ފުވައްމުލަކުގައި ޒަމާނީ ފެންވަރަށް ތަރައްޤީ ކުރަން ނިންމަވާފައިވާ ކަމަށް ރައީސް ވިދާޅުވިއެވެ.
ރައީސްގެ ވާހަކަފުޅުގައި ރިޔާސީ އިންތިޚާބުގެ ވަޢުދާއި އެއްގޮތަށް ފުވައްމުލަކުގައި ފަތާ ފެންގަނޑެއް ހަދާނެކަމުގެ ޔަޤީންކަން ރައްޔިތުންނަށް ދެއްވިއެވެ. ފުވައްމުލަކުގައި ސްވިމިން ޕޫލަކާއެކު ގިނަ ކުޅިވަރުތައް ކުޅެވޭނެ ސްޕޯޓްސް ކޮމްޕްލެކްސެއް ތަރައްޤީކުރުމަށް ޓެންޑަރ ކުރެވިފައިވާކަމަށްވެސް އެމަނިކުފާނު ވިދާޅުވިއެވެ.
ރައީސުލްޖުމްހޫރިއްޔާ ފުވައްމުލަކު ސިޓީއަށް ވަޑައިގަތީ މިއަދުއެވެ. މިދަތުރުފުޅުގައި އެމަނިކުފާނު އައްޑޫ ސިޓީއަށްވެސް ވަޑައިގަންނަވާނެއެވެ.
ކިޔުންތެރިންގެ ހިޔާލު