ރައީސް ޞާލިޙް ފުވައްމުލަކު "ބާބާ ގާޑިޔަލުން" ޚިދުމަތްހޯއްދަވައި ކުދި ވިޔަފާރިތަކަށް ހިތްވަރުދެއްވައިފިއެވެ.
ރައީސް ޞާލިޙްގެ ދެކަނބަލުންނާއި، ނައިބުރައީސް ގެ އިތުރުން ސަރުކާރުގެ އިސް ބޭފުޅުންވަނީ "ބާބާ ގާޑިޔަލަށް" ޒިޔާރަތްކުރަށްވައި ޚިދުމަތް ހޯއްދަވާފައެވެ. ބާބާ ގާޑިޔަލަކީ މީސްމީޑިއާގައާއި ފުވައްމުލަކަށް ޒިޔާރަތްކުރާ މެހެމާނުންގެ މެދުގައި ބޮޑު މަޤުބޫލުކަމެއް ހޯދާފައިވާ ތަނެކެވެ.
ބާބާ ގާޑިޔަލުގެ ރަސްމީ ފޭސްބުކް ޕޭޖްގައި މިއަދު ބުނެފައިވަނީ ރައީސުލްޖުމްހޫރިއްޔާ އަލްފާޟިލް އިބްރާހީމް މުޙައްމަދު ޞާލިޙް ފުވައްމުލައްސިޓީއަށް ކުރެއްވި ޒިޔާރަތުގައި ބާބާ ގާޑިޔަލަށް ވަޑައިގެން ޙިދުމަތް ހޯއްދެވިކަމީ އެމަނިކުފާނު ކުދި ވިޔަފާރި ކުރާ ފަރާތްތަކުގެ އަގު ވަޒަންކުރާ ކަމުގެ އަލިގަދަ ހެއްކެއް ކަމަށެވެ.
"ބާބާ ގާޑިޔާގެ މަޢުލޫމާތު މީޑިއާތަކުން ފެނިވަޑައިގެންނެވި ކަމަށާއި ޒުވާނަކަށްވެ ހުރެ ހަސަން އަތީޤް ކުރައްވަމުން ގެންދަވަނީ އެހެން ޒުވާނުންނަށް ނަމޫނާ މަސައްކަތެއް ކަމަށާއި މި ގޮތުގައި ކުރިއަށް ދިއުމަށް ހިތްވަރު ދެއްވާކަމަށް ވިދާޅުވުމުން އަޅުގަނޑުގެ މި މަސައްކަތަށް އިތުރު ހިތްވަރެއް ލިބިގެންދިޔަ." ބާބާ ގާޑިޔަލުގެ ރަސްމީ ފޭސްބުކް ޕޭޖްގައި ހާމަކޮށްފައިވެއެވެ.
ބާބާ ގާޑިޔަލުން ބުނެފައިވަނީ މި ޒިޔާރަތުގައި ނައިބުރައީސް އަލްފާޟިލް ފައިސަލް ނަސީމްވެސް ބައިވެރިވެ ހިތްވަރު ދެއްވާފައި ވާތީ ބާބާ ގާޑިޔާގެ ފަރާތުން ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނައިބަށް އިޙްލާސްތެރި ކަމާއިއިއެކު ހިތުގެ އެންމެ ފުންމިނުން ޝުކުރު އަދާކުރާ ކަމަށެވެ.
ރައީސް ޞާލިޙް ދެކުނުގެ އަތޮޅުތަކަށް ކުރަށްވާ ރަސްމީ ދަތުރުފުޅުގައި ފުވައްމުލަކަށް ކުރެއްވި ޒިޔާރަތް ނިންމަވާލެއްވުމަށްފަހު މިއަދު ހަވީރު މިހާރުވަނީ އައްޑޫ ސިޓީއަށް ވަޑައިގެންފައެވެ.
ބާބާ ގާޑިޔަލުގެ ރަސްމީ ފޭސްބުކް ޕޭޖްގައި މިއަދު ބުނެފައިވަނީ ރައީސުލްޖުމްހޫރިއްޔާ އަލްފާޟިލް އިބްރާހީމް މުޙައްމަދު ޞާލިޙް ފުވައްމުލައްސިޓީއަށް ކުރެއްވި ޒިޔާރަތުގައި ބާބާ ގާޑިޔަލަށް ވަޑައިގެން ޙިދުމަތް ހޯއްދެވިކަމީ އެމަނިކުފާނު ކުދި ވިޔަފާރި ކުރާ ފަރާތްތަކުގެ އަގު ވަޒަންކުރާ ކަމުގެ އަލިގަދަ ހެއްކެއް ކަމަށެވެ.
"ބާބާ ގާޑިޔާގެ މަޢުލޫމާތު މީޑިއާތަކުން ފެނިވަޑައިގެންނެވި ކަމަށާއި ޒުވާނަކަށްވެ ހުރެ ހަސަން އަތީޤް ކުރައްވަމުން ގެންދަވަނީ އެހެން ޒުވާނުންނަށް ނަމޫނާ މަސައްކަތެއް ކަމަށާއި މި ގޮތުގައި ކުރިއަށް ދިއުމަށް ހިތްވަރު ދެއްވާކަމަށް ވިދާޅުވުމުން އަޅުގަނޑުގެ މި މަސައްކަތަށް އިތުރު ހިތްވަރެއް ލިބިގެންދިޔަ." ބާބާ ގާޑިޔަލުގެ ރަސްމީ ފޭސްބުކް ޕޭޖްގައި ހާމަކޮށްފައިވެއެވެ.
ދިވެހިރާއްޖޭގެ ޢިއްޒަތްތެރި ރައީސުލް ޖުމްހޫރިއްޔާ އަލްފާޟިލް އިބްރާހީމް މުޙައްމަދު ޞާލިޙް ފުވައްމުލައްސިޓީ އަށް...
Posted by Baaba Gaadiya on Saturday, March 26, 2022
ރައީސް ޞާލިޙް ދެކުނުގެ އަތޮޅުތަކަށް ކުރަށްވާ ރަސްމީ ދަތުރުފުޅުގައި ފުވައްމުލަކަށް ކުރެއްވި ޒިޔާރަތް ނިންމަވާލެއްވުމަށްފަހު މިއަދު ހަވީރު މިހާރުވަނީ އައްޑޫ ސިޓީއަށް ވަޑައިގެންފައެވެ.
ކިޔުންތެރިންގެ ހިޔާލު