ރާއްޖޭގައި އޮތް ޑްރަގާ ގޭންގުތަކުގެ މައްސަލަ ހައްލު ކޮށްދެއްވާނެ ކަމަށް ރައީސް އިބްރާހިމް މުހައްމަދު ޞާލިޙް ރޭ ވިދާޅުވެއްޖެއެެވެ.

ރައީސް ސާލިޙު މިހެން ވިދާޅުވީ އައްޑޫ ސިޓީއަށް ފައްޓަވާފައިވާ ދެ ދުވަހުގެ ދަތުރުފުޅުގައި އެމަނިކުފާނުގެ ދެކަނބަލުންގެ ފަރާތުން އައްޑޫ ސިޓީގެ ރައްޔިތުންނަށް ދެއްވި ހާއްސަ މާހެފުމެެއްގައި ރޭ ވާހަކަފުޅު ދައްކަވަމުންނެވެ. ރައީސް ސާލިޙު ވިދާޅުވީ، ޑްރަގަކީ މުޖުތަމައުގައި ފެތުރިފައިވާ ވަަރަށް ބޮޑު ވަބާ އެއް ކަމަށާއި އައްޑޫ އާއި ފުވައްމުލަކުގައި ވެސް ޑްރަގްގެ މައްސަލަ އެބައޮތް ކަމަށެވެ. ޑްރަގްގެ މައްސަލަ ހައްލު ކުރުމަށްޓަކައި ސަރުކާރުގެ ކަމާ ބެހޭ ހުރިހާ އިދާރާތަށް ހިމަނައިގެން ޓާސްފޯސް އެއް އުފައްދާއިފައިވާ ކަމަށް ރައީސް ސާލިޙު ވިދާޅުވިއެވެ.

" ކޮންމެވެސް ވަރަކަށް ތިބޭފުޅުންނަށް ފާހަގަކުރެވޭނެ މިހާރު ހަރަކާތްތަކެއް މިކަމާ އިދިކޮޅަށް ހިގާތަން ޑްރަގު ހުއްޓުވުމަށްޓަކައި ފުލުހުންނާއި ސިފައިން އިސްވެ ތިބެ ވަރަށް ރަނގަޅު މަސައްކަތް ތަކެއް އެބަކުރޭ، ހަަމަ އެގޮތަށް އައްޑޫ ސިޓީގައި ދިމާވެފައި އޮތް އެމައްސަލަ ހައްލުކުރުމަށް އަޅުގަނޑުމެން މަސައްކަތް ފަށާނަން އިރާދަކުރެއްވިޔާ މިކަމެއް ހުއްޓައެއް ނުލާނަން ރަނގަޅު ހައްލެއް މިކަމަށް ނުގެނެސް" ރައީސް ސާލިޙު ވިދާޅުވިއެވެ.

މީގެ އިތުރުން ރައީސް ސާލިޙު ވިދާޅުވީ، ޑްރަގާ ކުށްކުރުން ގުޅިފައިވަނީ ގޭންގު ތަކާއި ކަމަށާއި އެމައްސަލަ ހައްލު ކުރުމަށް މިހާރު މަސައްކަތް ފަށާފައިވާ ކަމަށެވެ.

" ޑްރަގު ގޭންގުތަށް މިއީ ގުޅިފައި އޮތް ދެ ކަންތައް ގޭންގުތަށް ކޮންޓްރޯލް ކުރުން ހައްލު ކުރުމަށްޓަކައި ވެސް މަސައްކަތްތަކެއް އެބަކުރަމު އިރާދަކުރެއްވިޔާ މިކަމުގައި އަޅުގަނޑުމެން ހައްލު ހޯދައިދޭނަން" ރައީސް ސާލިޙު ވިދާޅުވިއެވެ.