ސްޓޭޓް އިލެކްޓްރިކް ކޮމްޕެނީ (ސްޓެލްކޯ) ގެ ސަރވަރ އަށް ދިން ރެންސަމްވެއަރ ހަމަލާގެ ސަބަބުން ލިބުނު ގެއްލުންތައް އަދިވެސް ރިކަވަރ ނުކުރެވޭ ކަމަށް އެ ކުންފުނިން ބުނެފިއެވެ.
2022 މާރިޗު 24 ގައި އެ ކުންފުނީގެ ސަރވަރ އަށް ރެންސަމްވެއަރ ހަމަލާއެއް ދިނުމާއި ގުޅިގެން، ކުންފުނީގެ އައިޓީ ނެޓްވާރކް މެދުވެރިކޮށް ދެމުންދޭ ހިދުމަތްތަކާއެކު ކުންފުނީގެ ވެބްސައިޓާއި، މޯބައިލް އެޕްލިކޭޝަނާއި، މޯބައިލް އައުޓްލެޓްތަކާއި، އަދި ހިދުމަތްދޭ ކައުންޓަރުތަކުން ދެމުންދާ ހިދުމަތްތަށް އެތާރީހުން ފެށިގެން ވަނީ މެދުކެނޑިފައެވެ.
އެ ކުންފުނިން ބުނީ އެ ހަމަލާއިން ކުންފުނީގެ އައިޓީ ނެޓްވޯރކަށް ލިބުނު ގެއްލުންތަކުގެ ސަބަބުން، ކުންފުނީގެ ހިދުމަތްތައް ހޯދުމުގައި ކަސްޓަމަރުންނަށް ވަރަށް ގިނަ ދަތިތަކާއި ކުރިމަތިލާން ޖެހިފައިވާކަން ހިތާމައާއި އެކު ފާހަގަ ކުރާ ކަމަށެވެ.
ސްޓެލްކޯއިން މިއަދު ނެރުނު ބަޔާނެއްގައި އިތުރަށް ބުނީ، މިހަމަލާގެ ސަބަބުން ދިމާވި މައްސަލަތައް އަދިވެސް އެއްކޮށް ރަނގަޅުކުރެވޭ ކަމަށާއި ނަމަވެސް، މިހާތަނަށް ކުރެވުނު މަސައްކަތުން ކުންފުނީގެ ހެޑް އޮފީހުން ފޯރުކޮށްދޭ ހިދުމަތަށް އެދި ފޯމް ހުށަހެޅުމާއި، ބިލްދެއްކުމުގެ ހިދުމަތް ވަނީ ފެށިފައި ކަމަށެވެ. އަދި މިހަމަލާގެ ސަބަބުން ދިމާވެފައިވާ ހުރިހާ މައްސަލަތައް ހައްލުކޮށް، މެދުކެނޑިފައިވާ ހުރިހާ ހިދުމަތްތައް އަލުން ދިނުމުގެ މަސައްކަތް ކުންފުނިން ގެންދަނީ ކުރަމުން ކަމަށް ވެސް ބުނެފައިވެއެވެ.
މި މައްސަލަތައް ވީހާވެސް އަވަހަށް ހައްލު ކުރުމަށް ދައުލަތުގެ ކަމާބެހޭ މުއައްސަސާތަކާއި މަޝްވަރާކޮށްގެން އެފަރާތްތަކުގެ ލަފާއާއި އެހީތެރިކަމާއިއެކު ގިނަ މަސައްކަތްތަކެއް މިހާރުވެސް ދަނީ ކުރަމުންނެވެ. އަދި ކުންފުނީގެ ސާވަރ އަށްދިން މި ހަމަލާ ތަހުގީގު ކޮށްދޭން އެދި އެ ކުންފުނިން މިހާރުވަނީ ފުލުހުންނަށް މައްސަލަ ހުށަހަޅާފައެވެ.
ސްޓެލްކޯއިން ބުނީ އެ ކުންފުނިން ދެމުންދާ ހިދުމަތްތައް ދެމެހެއްޓެނިވި އަދި އިތުބާރު ހުރި ގޮތެއްގައި ރައްޔިތުންނަށް ފޯރުކޮށްދިނުމަށް ކުންފުނިން ކެނޑިނޭޅި މަސައްކަތް ކުރަމުންދާ ކަމަށެވެ. އަދި މިފަދަ ކަންކަން ތަކުރާރުވިޔަ ނުދިނުމަށްޓަކައި އަޅަންޖެހޭ ފިޔަވަޅުތައް ވެސް އަޅަމުންދާކަމަށް ވެސް އެ ކުންފުނިން ވަނީ ބުނެފައެވެ. މި ހަމަލާގެ ސަބަބުން ކަސްޓަމަރުންނަށް ދިމާވި ދަތިތަކަށް ސްޓެލްކޯއިން ވަނީ މައާފަށްއެދިފައެވެ. އަދި މި ހާލަތުގައި ވެސް ރައްޔިތުން ދެމުންދާ އެއްބާރުލުމަށް ކުންފުނިން ވަނީ ޝުކުރު އަދާކޮށްފައެވެ.
ސްޓެލްކޯއަކީ ރާއްޖޭގައި އޮތް، ކަރަންޓުގެ ހިދުމަތްދޭ އެންމެ ގިނަ ދުވަސްވީ ކުންފުންޏެވެ.
އެ ކުންފުނިން ބުނީ އެ ހަމަލާއިން ކުންފުނީގެ އައިޓީ ނެޓްވޯރކަށް ލިބުނު ގެއްލުންތަކުގެ ސަބަބުން، ކުންފުނީގެ ހިދުމަތްތައް ހޯދުމުގައި ކަސްޓަމަރުންނަށް ވަރަށް ގިނަ ދަތިތަކާއި ކުރިމަތިލާން ޖެހިފައިވާކަން ހިތާމައާއި އެކު ފާހަގަ ކުރާ ކަމަށެވެ.
ސްޓެލްކޯއިން މިއަދު ނެރުނު ބަޔާނެއްގައި އިތުރަށް ބުނީ، މިހަމަލާގެ ސަބަބުން ދިމާވި މައްސަލަތައް އަދިވެސް އެއްކޮށް ރަނގަޅުކުރެވޭ ކަމަށާއި ނަމަވެސް، މިހާތަނަށް ކުރެވުނު މަސައްކަތުން ކުންފުނީގެ ހެޑް އޮފީހުން ފޯރުކޮށްދޭ ހިދުމަތަށް އެދި ފޯމް ހުށަހެޅުމާއި، ބިލްދެއްކުމުގެ ހިދުމަތް ވަނީ ފެށިފައި ކަމަށެވެ. އަދި މިހަމަލާގެ ސަބަބުން ދިމާވެފައިވާ ހުރިހާ މައްސަލަތައް ހައްލުކޮށް، މެދުކެނޑިފައިވާ ހުރިހާ ހިދުމަތްތައް އަލުން ދިނުމުގެ މަސައްކަތް ކުންފުނިން ގެންދަނީ ކުރަމުން ކަމަށް ވެސް ބުނެފައިވެއެވެ.
މި މައްސަލަތައް ވީހާވެސް އަވަހަށް ހައްލު ކުރުމަށް ދައުލަތުގެ ކަމާބެހޭ މުއައްސަސާތަކާއި މަޝްވަރާކޮށްގެން އެފަރާތްތަކުގެ ލަފާއާއި އެހީތެރިކަމާއިއެކު ގިނަ މަސައްކަތްތަކެއް މިހާރުވެސް ދަނީ ކުރަމުންނެވެ. އަދި ކުންފުނީގެ ސާވަރ އަށްދިން މި ހަމަލާ ތަހުގީގު ކޮށްދޭން އެދި އެ ކުންފުނިން މިހާރުވަނީ ފުލުހުންނަށް މައްސަލަ ހުށަހަޅާފައެވެ.
ސްޓެލްކޯއަކީ ރާއްޖޭގައި އޮތް، ކަރަންޓުގެ ހިދުމަތްދޭ އެންމެ ގިނަ ދުވަސްވީ ކުންފުންޏެވެ.
ކިޔުންތެރިންގެ ހިޔާލު