މިއަދަކީ މާލޭ ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިޔު.އެސް.ސީ) ގެ 27 ވަނަ އަހަރީ ދުވަހެވެ.
އެމް.ޑަބްލިޔު.އެސް.ސީ. ވުޖޫދަށް އައިސްފައިވަނީ، 1995 ވަނަ އަހަރު އެޕްރީލް މަހުގެ 1 ވަނަ ދުވަހުގައެވެ. އެމް.ޑަބްލިޔު.އެސް.ސީ އުފެދުމުގެ މައިގަނޑު މަޤްސަދަކީ އެއިރު މާލެއަށް ދިމާވެފައިވާ ފެނާއި ނަރުދަމާގެ މައްސަލަތަކަށް ހައްލެއް ހޯދައި، މެދުކެނޑުމެއްނެތި ދެމެހެއްޓެނިވި ގޮތެއްގައި ރައްކާތެރި ސާފު ބޯފެނާއި ރައްކާތެރި ނަރުދަމާގެ ޚިދުމަތް ރައްޔިތުންނަށް ފޯރުކޮށްދިނުމާއެކު ދިވެހި މުޖްތަމައުގެ ދުޅަހެޔޮ ކަމާއި، ލާބައާއި މަންފާއަށް އެހީތެރިވެދިނުމެވެ.
އެމް.ޑަބްލިޔު.އެސް.ސީ އުފެދިގެން ދިޔުންވީ ދިވެހި މުޖުތަމަޢުގެ ސިއްޙީ ރައްކާތެރި ކަމަށާއި ގައުމުގެ ތަރައްޤީއަށް އެޅިގެންދިޔަ އެންމެ މުހިންމު އެއް ފިޔަވަޅަށެވެ. ކުންފުނީގެ 27 ވަނަ އަހަރީދުވަސް ފާހަގަކުރުމުގެ ގޮތުން، މުވައްޒަފުންގެ ޚާއްސަ އެސެމްބްލީއެއް ވަނީ ބާއްވާފައެވެ. މި އެސެމްބްލީގައި އެމްޑަބްލިއު.އެސް.ސީގެ ބޯޑް މެންބަރުންނާއި، މެނޭޖިން ޑިރެކްޓަރ އަލްފާޟިލް ހަސަން ޝާހު އާއި ކުންފުނީގެ އިސް މުވައްޒަފުން ވަނީ ބައިވެރިވެފައެވެ.
މި އެސެމްބްލީގައި ވާހަކަފުޅު ދައްކަވަމުން އެމް.ޑަބްލިއު.އެސް.ސީގެ މެނޭޖިން ޑިރެކްޓަރ ހަސަން ޝާހު ވިދާޅުވީ އެމް.ޑަބްލިޔު.އެސް.ސީ އަކީ މިހާރު ރާއްޖޭގައި އޮތް ފެނާއި ނަރުދަމާ ޤާއިމްކުރުމުގެ މަސައްކަތް އެންމެ ފުޅާ ދާއިރާއެއްގައި ކުރަމުން އަންނަ ކުންފުނިކަމަށާއި، ވޭތުވެދިޔަ 27 އަހަރު ތެރޭގައި މިދާއިރާއިން ގިނަ ގުނަ ކުރިއެރުންތަކެއް ހޯދާފައިވާކަމަށެވެ.
އެމް.ޑީ ޝާހު ވިދާޅުވީ މިއަހަރަކީ އެމް.ޑަބްލިޔު.އެސް.ސީގެ ހަޔާތުގައިވެސް ފެނާއި ނަރުދަމާ ނިޒާމް ޤާއިމް ކުރުމުގެ އެންމެ ގިނަ މަޝްރޫޢުތައް ހިންގަމުން އަންނަ އަހަރު ކަމަށެވެ. މި ގޮތުން މިހާރު 34 ރަށެއްގައި ފެނާއި ނަރުދަމާ ނިޒާމް ޤާއިމް ކުރުމުންދާ ކަމަށެވެ.
ފެނާއި ނަރުދަމާގެ ޚިދުމަތް މެދު ކެނޑުމެއްނެތި 24 ގަޑި އިރު ރައްޔިތުންނަށް ފޯރުކޮށްދިނުމުގައާއި އަދި ކުންފުނިން ހިންގާ މަޝްރޫއުތައް ހިންގުމުގައި މުވައްޒަފުން ކުރަމުންގެންދާ ބުރަ މަސައްކަތާއި ހިތްވަރަށް އެމްޑީ ޝުކުރު އަދާކުރެއްވިއެވެ. އަދި މުވައްޒަފުންނަށް ބޯހިޔާވަހިކަން ފޯރުކޮށްދިނުމުގެ ގޮތުން ހުޅުމާލޭ ފޭސް 2 ގައި ހިޔާ މަޝްރޫޢުގެ ދަށުން ޤާއިމްކުރާ ޓަވަރުގެ މަސައްކަތް ނިންމައި، މިއަހަރު ޖޫން މަހުގައި މުވައްޒަފުންނާއި ހަވާލުކުރުމަށް ހަމަޖެހިފައިވާކަމަށްވެސް އެމްޑީ ޝާހު ވިދާޅުވިއެވެ.
އެމްޑަބްލިޔު.އެސް.ސީ އަށް 27 އަހަރު ފުރިގެންދާއިރު ކުންފުނިން ވަނީ ތަފާތު އެކި އެކި ރޮނގުތަކުން ގިނަ ކުރި އެރުންތަކެއް ހޯދައިފައެވެ. މިގޮތުން، ވޯޓަރ ސިކުރިޓިއާއި، ފެނާއި ނަރުދަމާގެ ޚިދުމަތުގެ ކެޕޭސިޓީ އާއި، މުވައިޒަފުންގެ އަދަދާއި އަދި މީހުން ބިނާ ކުރުމާއި، ޒަމާނީ ޓެކްނޮލޯޖީގެ ވަސީލަތްތައް ގާއިމްކުރުމާއި، އިންފްރާސްޓްރަކްޗާތައް ބިނާކުރުމާއި، ކުންފުނީގެ ހިންގުމާއި، ޚިދުމަތްތައް ލުއިފަސޭހަ ގޮތެއްގައި ފޯރުކޮށްދިނުމުގައި އައިސްފައިވާ ކުރި އެރުންތައް ފާހަގަކޮށްލެވެއެވެ.
މާލޭ ސަރަހައްދުގެ އިތުރުން ކ.މާފުށި، ހދ.ކުޅުދުއްފުށި އަދި ރ.ދުވާފަރުގައި އެމް.ޑަބްލިޔު.އެސް.ސީއިން މިހާރު އަންނަނީ ފެނާއި ނަރުދަމާގެ ޚިދުމަތް ފޯރުކޮށްދެމުންނެވެ. އަދި ރ.ދުވާފަރުގައި ކަރަންޓުގެ ޚިދުމަތާއި، ރައްކާތެރިކަމާއެކު ކުނި ނައްތާލުމުގެ ޚިދުމަތާއި، އަދި މަސްވެރިންނަށް އައިސް ފޯރުކޮށްދިނުމުގެ ޚިދުމަތްވެސް ދަނީ ފޯރުކޮށްދެމުންނެވެ. އެމް.ޑަބްލިޔު.އެސް.ސީއިން އުފެދިގެން އައީ ފެނާއި ނަރުދަމާ އަށް ޚާއްސަ ކުންފުންނެއް ގޮތުގައި ނަމަވެސް، މިއަދު އެމް.ޑަބްލިޔު.އެސް.ސީ އަކީ އިންޖީނިއަރިންގ، ޓްރޭޑިންގ އަދި މެނުފެކްޗަރިންގް ގެ ދާއިރާއިންވެސް ފާހަގަކޮށްލެވޭ ކުންފުންޏެކެވެ.
އެމް.ޑަބް.ލިޔު.އެސް.ސީ އަކީ އަމިއްލައަށް، ފެނާއި ނަރުދަމާ ނިޒާމު ފަރުމާކުރުމާއި، ޤާއިމްކުރުމާއި، އޮޕަރޭޓް ކުރުމާއި އަދި ފެން ޕްލާންޓް އަމިއްލައަށް ޑިޒައިންކޮށް ފެބްރިކޭޓް ކުރުމުގެ ގާބިލްކަންވެސް ހޯދައި އެ މަސައްކަތްވެސް ކުރަމުންދާކުންފުންޏެކެވެ. އަދި ހުޅުމާލޭގައި ކާރުޚާނާއެއް ގާއިމްކޮށް،އެމް.ޑަބް.ލިޔު.އެސް.ސީ އިން އަންނަނީ ފުޅީގައި ބަންދުކުރި ފެނާއި ޕްރިފޯމް އުފައްދަމުންނެވެ. މީގެ އިތުރުން ކ.ގުޅީފަޅުގައި ޕައިޕް ފެކްޓަރީއެއް ގާއިމްކޮށް، ދުނިޔޭގައި ނަން ހިނގާ ބްރޭންޑްތަކާއި އެއް ފެންވަރެއްގައި އެމްޑަބްލިއު.އެސް.ސީ އިން އަންނަނީ އެކިވައްތަރުގެ ޕައިޕް އުފައްދާ ވިއްކަމުނެވެ. ފެނާއި ނަރުދަމާގެ ނިޒާމާ ގުޅުންހުރި، ދުނިޔޭގައި މަޝްހޫރު ބްރޭންޑްތަކުގެ ތަކެތި ފަސޭހަކަމާއިއެކު ކަސްޓަމަރުންނަށް ލިބޭނެ މަގުތަނަވަސްކޮށްދިނުމުގެ ގޮތުން 2016 ވަނަ އަހަރު ވަނީ ޝޯރޫމެއް ހުޅުވައިފައެވެ.
އެމް.ޑަބްލިޔު.އެސް.ސީ އަކީ ދިވެހިންގެ ސިއްހީ ރައްކާތެރިކަމަށް ހެޔޮ ބަދަލުތަކެއް ގެނެސްދީ، ދިވެހިންގެ ހިއްތަކަށް އުފާވެރިކަން ގެނެސްދިން ފަޚްރުވެރި ކާމިޔާބު ކުންފުންޏެކެވެ. އެމްޑަބްލިޔު.އެސް.ސީގެ ތަޞައްވަރާއި އަމާޒު އަބަދުވެސް ބިނާވެފައި އޮންނާނީ ރައްކާތެރި ބޯފެނާއި ނަރުދަމާގެ ޚިދުމަތް މެދު ކެނޑުމެއްނެތި، ދެމެހެއްޓެނިވި، އަދި ތިމާވެއްޓާއި ރައްޓެހިގޮތެއްގައި ރައްޔިތުންނަށް ފޯރުކޮށްދިނުމާއި އެކު ދިވެހި މުޖުތަމަޢުގެ ކުރި އެރުމާއި މަންފާއާއި ލާބައަށް ހިއްސާ ކޮށްދިނުމުގެ މައިގަނޑު އަސާސްގެ މައްޗަށެވެ.
އެމް.ޑަބްލިޔު.އެސް.ސީ އުފެދިގެން ދިޔުންވީ ދިވެހި މުޖުތަމަޢުގެ ސިއްޙީ ރައްކާތެރި ކަމަށާއި ގައުމުގެ ތަރައްޤީއަށް އެޅިގެންދިޔަ އެންމެ މުހިންމު އެއް ފިޔަވަޅަށެވެ. ކުންފުނީގެ 27 ވަނަ އަހަރީދުވަސް ފާހަގަކުރުމުގެ ގޮތުން، މުވައްޒަފުންގެ ޚާއްސަ އެސެމްބްލީއެއް ވަނީ ބާއްވާފައެވެ. މި އެސެމްބްލީގައި އެމްޑަބްލިއު.އެސް.ސީގެ ބޯޑް މެންބަރުންނާއި، މެނޭޖިން ޑިރެކްޓަރ އަލްފާޟިލް ހަސަން ޝާހު އާއި ކުންފުނީގެ އިސް މުވައްޒަފުން ވަނީ ބައިވެރިވެފައެވެ.
މި އެސެމްބްލީގައި ވާހަކަފުޅު ދައްކަވަމުން އެމް.ޑަބްލިއު.އެސް.ސީގެ މެނޭޖިން ޑިރެކްޓަރ ހަސަން ޝާހު ވިދާޅުވީ އެމް.ޑަބްލިޔު.އެސް.ސީ އަކީ މިހާރު ރާއްޖޭގައި އޮތް ފެނާއި ނަރުދަމާ ޤާއިމްކުރުމުގެ މަސައްކަތް އެންމެ ފުޅާ ދާއިރާއެއްގައި ކުރަމުން އަންނަ ކުންފުނިކަމަށާއި، ވޭތުވެދިޔަ 27 އަހަރު ތެރޭގައި މިދާއިރާއިން ގިނަ ގުނަ ކުރިއެރުންތަކެއް ހޯދާފައިވާކަމަށެވެ.
އެމް.ޑީ ޝާހު ވިދާޅުވީ މިއަހަރަކީ އެމް.ޑަބްލިޔު.އެސް.ސީގެ ހަޔާތުގައިވެސް ފެނާއި ނަރުދަމާ ނިޒާމް ޤާއިމް ކުރުމުގެ އެންމެ ގިނަ މަޝްރޫޢުތައް ހިންގަމުން އަންނަ އަހަރު ކަމަށެވެ. މި ގޮތުން މިހާރު 34 ރަށެއްގައި ފެނާއި ނަރުދަމާ ނިޒާމް ޤާއިމް ކުރުމުންދާ ކަމަށެވެ.
ފެނާއި ނަރުދަމާގެ ޚިދުމަތް މެދު ކެނޑުމެއްނެތި 24 ގަޑި އިރު ރައްޔިތުންނަށް ފޯރުކޮށްދިނުމުގައާއި އަދި ކުންފުނިން ހިންގާ މަޝްރޫއުތައް ހިންގުމުގައި މުވައްޒަފުން ކުރަމުންގެންދާ ބުރަ މަސައްކަތާއި ހިތްވަރަށް އެމްޑީ ޝުކުރު އަދާކުރެއްވިއެވެ. އަދި މުވައްޒަފުންނަށް ބޯހިޔާވަހިކަން ފޯރުކޮށްދިނުމުގެ ގޮތުން ހުޅުމާލޭ ފޭސް 2 ގައި ހިޔާ މަޝްރޫޢުގެ ދަށުން ޤާއިމްކުރާ ޓަވަރުގެ މަސައްކަތް ނިންމައި، މިއަހަރު ޖޫން މަހުގައި މުވައްޒަފުންނާއި ހަވާލުކުރުމަށް ހަމަޖެހިފައިވާކަމަށްވެސް އެމްޑީ ޝާހު ވިދާޅުވިއެވެ.
އެމްޑަބްލިޔު.އެސް.ސީ އަށް 27 އަހަރު ފުރިގެންދާއިރު ކުންފުނިން ވަނީ ތަފާތު އެކި އެކި ރޮނގުތަކުން ގިނަ ކުރި އެރުންތަކެއް ހޯދައިފައެވެ. މިގޮތުން، ވޯޓަރ ސިކުރިޓިއާއި، ފެނާއި ނަރުދަމާގެ ޚިދުމަތުގެ ކެޕޭސިޓީ އާއި، މުވައިޒަފުންގެ އަދަދާއި އަދި މީހުން ބިނާ ކުރުމާއި، ޒަމާނީ ޓެކްނޮލޯޖީގެ ވަސީލަތްތައް ގާއިމްކުރުމާއި، އިންފްރާސްޓްރަކްޗާތައް ބިނާކުރުމާއި، ކުންފުނީގެ ހިންގުމާއި، ޚިދުމަތްތައް ލުއިފަސޭހަ ގޮތެއްގައި ފޯރުކޮށްދިނުމުގައި އައިސްފައިވާ ކުރި އެރުންތައް ފާހަގަކޮށްލެވެއެވެ.
މާލޭ ސަރަހައްދުގެ އިތުރުން ކ.މާފުށި، ހދ.ކުޅުދުއްފުށި އަދި ރ.ދުވާފަރުގައި އެމް.ޑަބްލިޔު.އެސް.ސީއިން މިހާރު އަންނަނީ ފެނާއި ނަރުދަމާގެ ޚިދުމަތް ފޯރުކޮށްދެމުންނެވެ. އަދި ރ.ދުވާފަރުގައި ކަރަންޓުގެ ޚިދުމަތާއި، ރައްކާތެރިކަމާއެކު ކުނި ނައްތާލުމުގެ ޚިދުމަތާއި، އަދި މަސްވެރިންނަށް އައިސް ފޯރުކޮށްދިނުމުގެ ޚިދުމަތްވެސް ދަނީ ފޯރުކޮށްދެމުންނެވެ. އެމް.ޑަބްލިޔު.އެސް.ސީއިން އުފެދިގެން އައީ ފެނާއި ނަރުދަމާ އަށް ޚާއްސަ ކުންފުންނެއް ގޮތުގައި ނަމަވެސް، މިއަދު އެމް.ޑަބްލިޔު.އެސް.ސީ އަކީ އިންޖީނިއަރިންގ، ޓްރޭޑިންގ އަދި މެނުފެކްޗަރިންގް ގެ ދާއިރާއިންވެސް ފާހަގަކޮށްލެވޭ ކުންފުންޏެކެވެ.
އެމް.ޑަބްލިޔު.އެސް.ސީ އަކީ ދިވެހިންގެ ސިއްހީ ރައްކާތެރިކަމަށް ހެޔޮ ބަދަލުތަކެއް ގެނެސްދީ، ދިވެހިންގެ ހިއްތަކަށް އުފާވެރިކަން ގެނެސްދިން ފަޚްރުވެރި ކާމިޔާބު ކުންފުންޏެކެވެ. އެމްޑަބްލިޔު.އެސް.ސީގެ ތަޞައްވަރާއި އަމާޒު އަބަދުވެސް ބިނާވެފައި އޮންނާނީ ރައްކާތެރި ބޯފެނާއި ނަރުދަމާގެ ޚިދުމަތް މެދު ކެނޑުމެއްނެތި، ދެމެހެއްޓެނިވި، އަދި ތިމާވެއްޓާއި ރައްޓެހިގޮތެއްގައި ރައްޔިތުންނަށް ފޯރުކޮށްދިނުމާއި އެކު ދިވެހި މުޖުތަމަޢުގެ ކުރި އެރުމާއި މަންފާއާއި ލާބައަށް ހިއްސާ ކޮށްދިނުމުގެ މައިގަނޑު އަސާސްގެ މައްޗަށެވެ.
ކިޔުންތެރިންގެ ހިޔާލު