ޖަރާސީމުން ތަޣައްޔަރުވެފައިވާ ބާވަތެއް ރާއްޖެއަށް އެތެރެކޮށްފައިވާތީ އެކަމަށް ސަމާލުވުމަށް ފުޑް އެންޑް ޑްރަގް އޮތޯރިޓީން އިލްތިމާސްކޮށްފިއެވެ.
ފުޑް އެންޑް ޑްރަގް އޮތޯރިޓީން ނެރެފައިވާ ބަޔާނެއްގައި ބުނީ ނެދަލޭންޑްސްގެ އުފެއްދުމެއް ކަމަށްވާ "ވޭސްޓަޖެން ސްޕައިސަސް އެންޑް ސޯސަސް ބީވީ" ބުރޭންޑުގެ "ހާބަލް މިކްސްޑް" ދިވެހިރާއްޖެއަށް އެތެރެކޮށްފައިވާ ކަމުގެ މައުލޫމާތު ޔޫރަޕުގެ ރެޕިޑް އެލާޓު ސިސްޓަމް ފޯ ފުޑް އެންޑް ފީޑުން އެ އޮތޯރިޓީއަށް ދީފައިވާ ކަމަށެވެ. މިތަކެތި އެކްސްޕޯޓު ކޮށްފައިވަނީ ނެދަލޭންޑުގެ ކުންފުންޏެއް ކަމަށްވާ "އެންއެލް ފުޑް ބީވީ"ކުންފުނިން ކަމަށްވެސް އެމްއެފްޑީއޭ އިން ވަނީ ބުނެފަ އެވެ.
އެމްއެފްޑީއޭ އިން ބުނީ އެކަމާ ގުޅިގެން އެބާވަތުގެ އުފެއްދުންތަކުގެ ސަބަބުން ކާބޯތަކެތީގެ ރައްކާތެރިކަމަށް ނުރައްކާ އޮތް މިންވަރު ދެނެގަތުމުގެ މަސައްކަތް ކުރަމުންދާކަމަށެވެ.
ފުޑް އެންޑް ޑްރަގް އޮތޯރިޓީން ވަނީ "ވޭސްޓަޖެން ސްޕައިސަސް އެންޑް ސޯސަސް ބީވީ" ބުރޭންޑުގެ "ހާބަލް މިކްސްޑް" ބޭނުންކުރުމާއި ވިއްކުން ވަގުތީގޮތުން މަނާކޮށްފައެވެ.
ފުޑް އެންޑް ޑްރަގް އޮތޯރިޓީން ވަނީ "ވޭސްޓަޖެން ސްޕައިސަސް އެންޑް ސޯސަސް ބީވީ" ބުރޭންޑުގެ "ހާބަލް މިކްސްޑް" ބޭނުންކުރުމާއި ވިއްކުން ވަގުތީގޮތުން މަނާކޮށްފައެވެ.
ކިޔުންތެރިންގެ ހިޔާލު