ސިޔާސީ ކަންކަމާހުރެ ވެސް ރަހިމުގެ ގުޅުން ކަނޑައިގެން ނުވާނެކަމަށް ރާއްޖޭގެ މަޝްހޫރު ދީނީ ޢިލްމުވެރިޔާ އައްޝެއިޚް އަލީ ޒައިދު ވިދާޅުވެއްޖެއެވެ.
"ރަހިމުގެ ގުޅުން ވެސް ޔާމީނާއެކު ނުބޭއްވޭނެ" މި ސުރުހީގައި އޮންލައިން ނޫހެއްގައި ލިޔެފައިވާ ހަބަރަކާއި ގުޅިގެން ޝެއިހު މިއަދު ވިދާޅުވީ، ރަހިމުގެ ގުޅުމަކީ ވަރަށް މާތް މުގައްދަސް ގުޅުމެއް ކަމަށެވެ. އަދި ސިޔާސީ ކަންކަމާހުރެ އެއްވެސް ބޭފުޅަކު ރަހިމުގެ ގުޅުން ކެނޑުމަކީ ރަނގަޅު ގޮތެއް ނޫން ކަމަށް ވެސް ޝެއިހު ވިދާޅުވިއެވެ.
ރަހިމުގެ ގުޅުމުގެ މުހިންމުކަން ހާމަ ކުރައްވަމުން ޝެއިޚު އިތުރަށް ވިދާޅުވީ، މާތް މީހަކީ، ގުޅުން ކެނޑިފައި އޮންނައިރު ވެސް އެ ގުޅުން ބޭއްވޭތޯ މަސައްކަތްކުރާ މީހާ ކަމަށާއި އަނެކާ ނުބޭއްވިޔަސް އެ ގުޅުން ބޭއްވޭތޯ އުޅޭ މީހާ ކަމަށެވެ.
ރަހިމުގެ ގުޅުމަކީ ކިތަންމެ މާތް ގުޅުމެއް ނަމަވެސް، ކޮއްކޯފުޅު ކުރީގެ ރައީސް ޔާމިން ޢަބްދުލްގައްޔޫމް އެގުޅުން ނުބާއްވަވާތީ ރަހިމުގެ ގުޅުން ވެސް ނުބޭއްވޭނެ ކަމަށް އޮންލައިން ނޫހަކަށް ދިން އިންޓަވިއުއެއްގައި ކުރީގެ ރައީސް އަލްއުސްތާޒު މައުމޫން އަބްދުލްގައްޔޫމް މިއަދުވަނީ ވިދާޅުވެފައެވެ.
''އަޅުގަނޑު އެކަންޏެއް ނޫން. އަޅުގަނޑުގެ ކުދިން ފާރިޝް ވެސް ހައްޔަރު ކުރި. ނަދީމް ވެސް ހައްޔަރު ކުރި. ދެން މިހެން ގޮސް ބައިވަރު ކަންތައް ކޮށްފަހުރީ. އެހެންވީމަ ރަހިމުގެ ގުޅުމަކީ ކިތަންމެ މާތް ގުޅުމަކަށްވިޔަސް އެއްކޮޅުން އެ ގުޅުން ނުބަހައްޓަންޏާ ކިހިނެއްތޯ ބަހައްޓާނީ'' ރައީސް މައުމޫން ވިދާޅުވިއެވެ.
ރަހިމުގެ ގުޅުމުގެ މުހިންމުކަން ހާމަ ކުރައްވަމުން ޝެއިޚު އިތުރަށް ވިދާޅުވީ، މާތް މީހަކީ، ގުޅުން ކެނޑިފައި އޮންނައިރު ވެސް އެ ގުޅުން ބޭއްވޭތޯ މަސައްކަތްކުރާ މީހާ ކަމަށާއި އަނެކާ ނުބޭއްވިޔަސް އެ ގުޅުން ބޭއްވޭތޯ އުޅޭ މީހާ ކަމަށެވެ.
''އަޅުގަނޑު އެކަންޏެއް ނޫން. އަޅުގަނޑުގެ ކުދިން ފާރިޝް ވެސް ހައްޔަރު ކުރި. ނަދީމް ވެސް ހައްޔަރު ކުރި. ދެން މިހެން ގޮސް ބައިވަރު ކަންތައް ކޮށްފަހުރީ. އެހެންވީމަ ރަހިމުގެ ގުޅުމަކީ ކިތަންމެ މާތް ގުޅުމަކަށްވިޔަސް އެއްކޮޅުން އެ ގުޅުން ނުބަހައްޓަންޏާ ކިހިނެއްތޯ ބަހައްޓާނީ'' ރައީސް މައުމޫން ވިދާޅުވިއެވެ.
ކިޔުންތެރިންގެ ހިޔާލު