މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން މަސްވެރިންނަށް ވަނީ އޮޅުވާލާފައިކަމަށާއި މަސްވެރިންނަށް ކެހިދިނީ އެޖެންޑާ 19 ވިއްކައިގެން ކަމަށް ކުރީގެ ނާއިބު ރައީސް ޑރ. މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ރާއްޖޭގެ މަސްވެރިކަން ތިޔާގިވެ މަސްކިރޭނެ ގޮތެއްނެތި މަސްވެރިން އިއްޔެ ބޮޑު އިހުތިޖާޖެއް ބާއްވާފައިވަނިކޮށް ޑރ. ޖަމީލް މިއަދު ވިދާޅުވީ އެމްޑީޕީން މަސްވެރިންނަށް ކެހިދިނީ އެޖެންޑާ19 ވިއްކައިގެން ކަމަށާއި ދޮގު ވައުދު ވިއްކަން ދިޔައީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދާއި އެކުއެކީގައި ކަމަށެވެ. ޖަމީލް ވިދާޅުވީ، ހަމަ އަގާއި ބިޔަ ކަނޑުގެ މެދުގައި ކަންނެލި ޖަގަހަ ހަދާ ވާހަކައަކީ އެފަދަ ވާހަކައެއް ކަމަށެވެ.
އެމްޑީޕީގެ އެޖެންޑާ19 ގެ މެނިފެސްޓޯގެ ފޮޓޯއެއް ހިމެނޭގޮތަށް ޓްވިޓާގައި އާންމު ކުރައްވަމުން ޖަމީލު ވިދާޅުވީ، އެއީ ނާގާބިލު، ނާއަހްލު އެމްޑީޕީގެ 2 މާލިމީން ގަސްދުގައި ރާވައިގެން މަސްވެރިންނަށް އޮޅުވާލަންވީ ވައުދުތަކެއް ކަމަށެވެ. އަދި ދިވެހި ޤައުމު ހަމަ މިސްރާބަށް ހިފަން ރައީސް ޔާމީނާއެކު ނުކުތުމަށް ޖަމީލް ގޮވާލެއްވިއެވެ.
މިދިޔަ ހަފްތާގައި މަސްވެރިކަން ރަނގަޅުވެ ކޫއްޑޫގެ ކެޕޭސިޓީއަށްވުރެ ގިނައިން މަސްބާނަމުން ދިއުމާއި ގުޅިގެން މިފްކޯއިންވަނީ މަސްކިރުން ކޮންމެ ދޯންޏަކަށް ދުވާލަކު 5 ޓަނަށް ލިމިޓް ކޮށްފައެވެ. އެކަމާ ގުޅިގެން ކޫއްޑޫގައި މަސްވެރިން އިއްޔެ އިހުތިޖާޖު ކުރުމުން ކޫއްޑޫގެ އޮޕަރޭޝަން ހުއްޓުނެވެ. ނަމަވެސް، މަސްވެރިންގެ ހުރި ޝަކުވާތައް އަޑުއެހުމަށްފަހު ސަރުކާރާއި މިފްކޯގެ މަޝްވަރާގެމަތިން މަސްވެރިންގެ ދަތިތަކަށް ހައްލު ހޯދުމަށްފަހު އަލުން ވަނީ މަސްކިރަން ފަށާފައެވެ.
ސަރުކާރުން އިއްޔެ ނެރުނު ބަޔާނެއްގައި ބުނީ، މަސްވެރިންނަށް އެއްބަސްވެވޭ ފަދަ ގޮތަކަށް ސަރުކާރުން އެކަން ކުރިއަށް ގެންދާނެ ޕްލޭނެއް ހަދާފައިވާ ކަމަށާއި މަސްވެރިންނަށް ކިއު އޯޑަރެއް ހަމަޖައްސައި އެ އޯޑަރާ އެއްގޮތައް މަސްކިރޭނެ އިންތިޒާމްތައް ކޫއްޑޫގައި ސަރުކާރުން މިހާރު ހަމަޖައްސާފައިވާކަމަށް ބަޔާނުގައި ބުނެފައިވެއެވެ. އެއާއިއެކު މިވަގުތު ކޫއްޑޫ ފަޅުގައި ހުރި ހުރިހާ މަސް ދޯންޏެއްގެ ހުރިހާ މަހެއް ކިރޭނެ ކަމަށްވެސް ސަރުކާރުން ވަނީ ބުނެފައެވެ.
އެމްޑީޕީގެ އެޖެންޑާ19 ގެ މެނިފެސްޓޯގެ ފޮޓޯއެއް ހިމެނޭގޮތަށް ޓްވިޓާގައި އާންމު ކުރައްވަމުން ޖަމީލު ވިދާޅުވީ، އެއީ ނާގާބިލު، ނާއަހްލު އެމްޑީޕީގެ 2 މާލިމީން ގަސްދުގައި ރާވައިގެން މަސްވެރިންނަށް އޮޅުވާލަންވީ ވައުދުތަކެއް ކަމަށެވެ. އަދި ދިވެހި ޤައުމު ހަމަ މިސްރާބަށް ހިފަން ރައީސް ޔާމީނާއެކު ނުކުތުމަށް ޖަމީލް ގޮވާލެއްވިއެވެ.
އެމްޑީޕީން މަސްވެރިންނަށް ކެހިދިނީ އެޖެންޑާ19 ވިއްކައިގެން. ދޮގު ވަޢުދު ވިއްކަން ދިޔައީ ރައީސް ޞާލިޙާއި ނަޝީދު އެކުގައި. ހަމަ އަގާއި ކަންނެލި ޖަގަހަ ބިޔަކަނޑުގެ މެދުގައި ހަދާ ވާހަކަ ފަދަ އެތައް ކަމެއް.
— Mohamed Jameel Ahmed (@MJameelAhmed) April 13, 2022
ސަރުކާރުން އިއްޔެ ނެރުނު ބަޔާނެއްގައި ބުނީ، މަސްވެރިންނަށް އެއްބަސްވެވޭ ފަދަ ގޮތަކަށް ސަރުކާރުން އެކަން ކުރިއަށް ގެންދާނެ ޕްލޭނެއް ހަދާފައިވާ ކަމަށާއި މަސްވެރިންނަށް ކިއު އޯޑަރެއް ހަމަޖައްސައި އެ އޯޑަރާ އެއްގޮތައް މަސްކިރޭނެ އިންތިޒާމްތައް ކޫއްޑޫގައި ސަރުކާރުން މިހާރު ހަމަޖައްސާފައިވާކަމަށް ބަޔާނުގައި ބުނެފައިވެއެވެ. އެއާއިއެކު މިވަގުތު ކޫއްޑޫ ފަޅުގައި ހުރި ހުރިހާ މަސް ދޯންޏެއްގެ ހުރިހާ މަހެއް ކިރޭނެ ކަމަށްވެސް ސަރުކާރުން ވަނީ ބުނެފައެވެ.
ކިޔުންތެރިންގެ ހިޔާލު