މިއަދު މާލެއިން ކަރަންޓު ކެނޑެން މެދުވެރިވި މައްސަލަ ޙައްލުކޮށް ސްޓެލްކޯގެ އޮފަރޭޝަން އާއްމު ޙާލަތަށް ގެނެސްފިއެވެ.
ސްޓޭޓް އިލެކްޓްރިކް ކޮމްޕެނީ ލިމިޓެޑް، ސްޓެލްކޯއިން ބުނެފައިވަނީ މާލޭގެ ބައެއް ސަރަހައްދުތަކުން މިއަދު ކަރަންޓު ކެނޑިފައިވަނީ ހުޅުމާލޭގެ މަގުހެދުމުގެ ތެރޭގައި ސްޓެލްކޯގެ މައި ޑިސްޓްރިބިއުޝަން ކޭބަލަކަށް ގެއްލުންވެ، ގްރޭޓާމާލޭ އިންޓަކަނެކްޝަން ގްރިޑްގެ ހިދުމަތް މެދުކެނޑުމުން ކަމަށެވެ.
އެހެން ނަމަވެސް މިހާރު އެމައްސަލަ ޙައްލުކޮށްފައިވާ ކަމަށް ސްޓެލްކޯއިން ވަނީ ބުނެފައެވެ. އެގޮތުން ގްރޭޓާމާލެ އިންޓަކަނެކްޝަން ގްރިޑް އޮޕަރޭޝަނަށް ގެނެވި، މިހާރު ވަނީ ކަރަންޓުގެ ހިދުމަތް މެދުކެނޑުނު ހުރިހާ ހިސާބަކަށް އަލުން ކަރަންޓު ދެވިފައި ކަމަށް ސްޓެލްކޯއިން މަޢުލޫމާތުދެއެވެ.
"އެއްވެސް ކަސްޓަމަރަކަށް ކަރަންޓުގެ ހިދުމަތް ލިބިވަޑައި ނުގަންނަވާނަމަ އަޅުގަނޑުމެންގެ 104 ނަމްބަރަށް ގުޅުއްވުން އެދެން." ސްޓެލްކޯއިން ވަނީ ބުނެފައެވެ.
ސްޓެލްކޯއިން ވަނީ ކަރަންޓް ކެނޑުމުގެ ސަބަބުން ކަސްޓަމަރުންނަށް ދިމާވި ދަތިތަކަށް މަޢާފަށް އެދިފައެވެ.
އެހެން ނަމަވެސް މިހާރު އެމައްސަލަ ޙައްލުކޮށްފައިވާ ކަމަށް ސްޓެލްކޯއިން ވަނީ ބުނެފައެވެ. އެގޮތުން ގްރޭޓާމާލެ އިންޓަކަނެކްޝަން ގްރިޑް އޮޕަރޭޝަނަށް ގެނެވި، މިހާރު ވަނީ ކަރަންޓުގެ ހިދުމަތް މެދުކެނޑުނު ހުރިހާ ހިސާބަކަށް އަލުން ކަރަންޓު ދެވިފައި ކަމަށް ސްޓެލްކޯއިން މަޢުލޫމާތުދެއެވެ.
ސްޓެލްކޯއިން ވަނީ ކަރަންޓް ކެނޑުމުގެ ސަބަބުން ކަސްޓަމަރުންނަށް ދިމާވި ދަތިތަކަށް މަޢާފަށް އެދިފައެވެ.
ކިޔުންތެރިންގެ ހިޔާލު