މިފްކޯއިން އަނެއްކާވެސް މަސްގަންނަ އަދަދު ލިމިޓްކޮށް މަސްގަތުން ކޮންޓްރޯލް ކޮށްފިއެވެ.
މިފްކޯއިން މިއަދު ނެރުނު ބަޔާނެއްގައި ބުނެފައިވަނީ، ދެކުނުގެ މަސްވެރިކަން އާދަޔާއި ހިލާފަށް ރަނގަޅުވެ މިފްކޯގެ ފްރީޒިން ކެޕޭސިޓީއަށްވުރެ އިތުރަށް މަސް ލިބެމުން ދިޔުމާއިއެކު، މަސްކިރާ ފްރީޒް ކުރަން ވަގުތު ބޭނުންވާތީ ދިމާވާ ދަތިތައް ހައްލު ކުރުމުގެ ގޮތުން 6 އޭޕްރީލުން ފެށިގެން މަސްގަންނަމުން ދިޔައީ ކިއުތަރުތީބުން ކޮންޓްރޯލް ކޮށްގެން ކަމަށެވެ.
ނަމަވެސް އައިސްއަޅާފައިވާ ދޯނިތަކުގައި މަސްތައް ހަލާކުވެދާނެތީ އަވަސް ކުރުމުގެ ގޮތުން 12 އޭޕްރީލްއިން ފެށިގެން ކޮންޓްރޯލް ކުރުމަކާނުލާ މަސް ކިރުމުގެ މަސައްކަތް ކުރިޔަށް ގެންގޮސް މިއަދުގެ ނިޔަލަށް ކިއުތަރުތީބުން ހުރިހާ ދޯންޏެއްގެ މަސް ކިރައި ނިމިފައިވާ ކަމަށް އެ ކުންފުނިން ބުނެފައިވެއެވެ.
އެ ކުންފުނިން ބުނީ، މިދިޔަ ދުވަސްތަކުގައި އެގޮތަށް އަމަލުކުރި ނަމަވެސް ބާނާ މިންވަރު އެއްވަރެއްގައި ހުރުމާއިއެކު ކެޕޭސިޓީއާއި އެއްވަރަށް މެނޭޖުކޮށްގެން ކުރިޔަށް ގެންދިޔުމަށް މާދަމާއިން ފެށިގެން ދޯންޏަކުން 7 ޓަނު މަސް ކިރާގޮތަށް މިހާރު ނިންމާފައިވާ ކަމަށެވެ.
މިފްކޯގެ ބަޔާނުގައި އިތުރަށް ބުނެފައިވަނީ، އެ ކުންފުނިން އަބަދުވެސް މަސައްކަތް ކުރަމުންދަނީ މަސްވެރިންނަށް ދެވޭ ހިދުމަތުގެ ފެންވަރު ރަނގަޅު ކުރުމަށާއި އަވަސްކަމާއެކު ހިދުމަތް ފޯރުކޮށްދޭން ކަމަށެވެ. އަދި މަސްވެރިންގެ ކަންބޮޑުވުންތައް ބަލައިގަނެ މަސްވެރިންނަށް ދެވޭ ހިދުމަތަކީ ފަސޭހަކަމާއިއެކު ދެވޭ ހިދުމަތްތަކަކަށް ހެދުމަށް ވެސް މަސައްކަތް ކުރަމުން ދާކަމަށެވެ. އަދި އެ ކަންކަމުގައި މަސްވެރިންގެ ފަރާތުން މިފްކޯއަށް ލިބެމުންދާ އެހީތެރިކަމަށް އެ ކުންފުނީގެ ބަޔާނުގައިވަނީ ޝުކުރު އަދާކޮށްފައެވެ.
މަސްވެރިކަން ރަނގަޅުވެ މަސްވެރިން ބޭނި މަސްކޮޅު ކިރުމުގައި މިފްކޯއިން ލިމިޓްތަކެއް ކަނޑައެޅުމުން ނިމުނު ހަފްތާގައި މަސްވެރިންވަނީ އިހުތިޖާޖު ވެސް ކޮށްފައެވެ.
ނަމަވެސް އައިސްއަޅާފައިވާ ދޯނިތަކުގައި މަސްތައް ހަލާކުވެދާނެތީ އަވަސް ކުރުމުގެ ގޮތުން 12 އޭޕްރީލްއިން ފެށިގެން ކޮންޓްރޯލް ކުރުމަކާނުލާ މަސް ކިރުމުގެ މަސައްކަތް ކުރިޔަށް ގެންގޮސް މިއަދުގެ ނިޔަލަށް ކިއުތަރުތީބުން ހުރިހާ ދޯންޏެއްގެ މަސް ކިރައި ނިމިފައިވާ ކަމަށް އެ ކުންފުނިން ބުނެފައިވެއެވެ.
އެ ކުންފުނިން ބުނީ، މިދިޔަ ދުވަސްތަކުގައި އެގޮތަށް އަމަލުކުރި ނަމަވެސް ބާނާ މިންވަރު އެއްވަރެއްގައި ހުރުމާއިއެކު ކެޕޭސިޓީއާއި އެއްވަރަށް މެނޭޖުކޮށްގެން ކުރިޔަށް ގެންދިޔުމަށް މާދަމާއިން ފެށިގެން ދޯންޏަކުން 7 ޓަނު މަސް ކިރާގޮތަށް މިހާރު ނިންމާފައިވާ ކަމަށެވެ.
ނޫސްބަޔާން
— MIFCO (@mifcomv) April 16, 2022
16 April 2022 pic.twitter.com/TQwDRlNhMm
މަސްވެރިކަން ރަނގަޅުވެ މަސްވެރިން ބޭނި މަސްކޮޅު ކިރުމުގައި މިފްކޯއިން ލިމިޓްތަކެއް ކަނޑައެޅުމުން ނިމުނު ހަފްތާގައި މަސްވެރިންވަނީ އިހުތިޖާޖު ވެސް ކޮށްފައެވެ.
ކިޔުންތެރިންގެ ހިޔާލު