ކުރިޔަށް އޮތް 2023 ވަނަ އަހަރު ބާއްވާ ރިޔާސީ އިންތިހާބުގައި ރައީސް ނަޝީދު ވާދަކުރައްވާނެކަމަށް އެމަނިކުފާނުގެ ކޮއްކޮ އަދި ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ އިއުލާނު ކުރައްވައިފިއެވެ.
އެމްޑީޕީގެ ޗެއަރޕާސަންގެ އިންތިހާބުގައި ވާދަކުރައްވާ އިމްތިޔާޒު ފަހުމީގެ ކެމްޕޭން ޓީމުގެ ފަރާތުން މިރޭ ބޭއްވި ތަރާވީހެއްގައި ވާހަކަދައްކަވަމުން، އީވާ ވިދާޅުވީ، 2023 ގައި ވެސް އޮންނަން ބޭނުންވަނީ އެމްޑީޕީގެ ވެރިކަމެއް ކަމަށާއި އެ އިންތިހާބުގައި ރައީސް ނަޝީދު ވާދަކުރައްވާނެކަމަށެވެ.
"2023 ގެ އިންތިހާބަށް އިރާދަކުރެއްވިއްޔާ ރައީސް ނަޝީދު ކުރިމަތިލައްވާނެ. 2023 ގެ އެމްޑީޕީގެ ޕްރައިމަރީއަށް ރައީސް ނަޝީދު ކުރިމަތިލައްވާނެ." އީވާ ވިދާޅުވިއެވެ.
އީވާ ވިދާޅުވީ، އެމްޑީޕީގެ ޕްރައިމަރީގެ ކުރިން ރައީސް ނަޝީދަކީ ޕާޓީން ބާކީ ކުރެވިފައިވާ މީހަކަށް ހެދުމަށް މިއަދުން ފެށިގެން ވެސް މަސައްކަތް ކުރަމުން އެބަ ގެންދާ ކަމަށެވެ. އީވާ ވިދާޅުވީ، ރައީސް ނަޝީދު ވާދަކުރައްވާނެކަން އިއުލާނުކުރައްވަން ބޭނުންވީ، ޗެއަރޕާސަންކަމުގެ އިންތިހާބުގެ ވޯޓު ނިމިގެންދާ ގޮތަކުން ޕާޓީގެ މުސްތަގުބަލަށް އަސަރުކުރާނެތީ ކަމަށެވެ.
އީވާ އެފަދައިން ވިދާޅުވިއިރު، ރައީސް ނަޝީދު ވެސް މީގެ ކުރިންވަނީ އެމްޑީޕީގެ ޕްރައިމަރީގައި ވާދަކުރައްވާނެކަން އިއުލާނު ކުރައްވާފައެވެ. މަޖިލީހުން ގެނެސްދޭ އާސްކް ސްޕީކަރ ޕްރޮގްރާމްގައި ވާހަކަ ދައްކަވަމުން ރައީސް ނަޝީދު ވަނީ 2023 ގައި ރިޔާސީ އިންތިހާބެއް ނޯންނާނެކަމަށާއި ނަމަވެސް، ރިޔާސީ ޕްރައިމަރީގައި އެމަނިކުފާނު ބައިވެރިވެވަޑައިގަންނަވާނެކަމަށް ވިދާޅުވެފައެވެ. އޭރު އެމަނިކުފާނު ގެންދެވީ ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރުމަށް ފާޅުގައި ގިނަ މަސައްކަތްތަކެއް ކުރައްވަމުންނެވެ. ނަމަވެސް އެމަސައްކަތުގައި މާބޮޑު ކާމިޔާބެއް އަދި ލިބިފައިވާތަނެއް ނުފެނެއެވެ.
ރައީސް ޞާލިހު ވެރިކަމުގެ ދެވަނަ ދައުރެއްގެ ވާހަކަ ރަސްމީކޮށް އަދި އިޢުލާން ނުކުރެއްވި ނަމަވެސް އެމަނިކުފާނުގެ އަރިސް ބޭފުޅުން ވަނީ އެކަން ކަށަވަރުކޮށްދެއްވާފައެވެ.
"2023 ގެ އިންތިހާބަށް އިރާދަކުރެއްވިއްޔާ ރައީސް ނަޝީދު ކުރިމަތިލައްވާނެ. 2023 ގެ އެމްޑީޕީގެ ޕްރައިމަރީއަށް ރައީސް ނަޝީދު ކުރިމަތިލައްވާނެ." އީވާ ވިދާޅުވިއެވެ.
އީވާ ވިދާޅުވީ، އެމްޑީޕީގެ ޕްރައިމަރީގެ ކުރިން ރައީސް ނަޝީދަކީ ޕާޓީން ބާކީ ކުރެވިފައިވާ މީހަކަށް ހެދުމަށް މިއަދުން ފެށިގެން ވެސް މަސައްކަތް ކުރަމުން އެބަ ގެންދާ ކަމަށެވެ. އީވާ ވިދާޅުވީ، ރައީސް ނަޝީދު ވާދަކުރައްވާނެކަން އިއުލާނުކުރައްވަން ބޭނުންވީ، ޗެއަރޕާސަންކަމުގެ އިންތިހާބުގެ ވޯޓު ނިމިގެންދާ ގޮތަކުން ޕާޓީގެ މުސްތަގުބަލަށް އަސަރުކުރާނެތީ ކަމަށެވެ.
ރައީސް ޞާލިހު ވެރިކަމުގެ ދެވަނަ ދައުރެއްގެ ވާހަކަ ރަސްމީކޮށް އަދި އިޢުލާން ނުކުރެއްވި ނަމަވެސް އެމަނިކުފާނުގެ އަރިސް ބޭފުޅުން ވަނީ އެކަން ކަށަވަރުކޮށްދެއްވާފައެވެ.
ކިޔުންތެރިންގެ ހިޔާލު