1443 ވަނަ އަހަރުގެ ރަމަޟާންމަހުގެ ރޭތައް އިޙްޔާކުރުމަށް ކުރިއަށްގެންދިޔަ އިޙްޔާ ފޯރަމްތަކުގެ ބައިވެރިންގެ ތެރެއިން ފައިނަލް ގުރުއަތުން ވަނަތަކަށް ދިޔަ ފަރާތްތަކުގެ ނަންބަރުތައް އިޢުލާންކޮށްފިއެވެ.

ރޭ އިސްލާމީ މަރުކަޒުގެ ޖަލްސާކުރާ މާލަމުގައި ކުރިއަށް ގެންދިޔަ މި ރަސްމިއްޔާތުގައި ގުރުއަތުން ހޮވުނު ފަރާތްތަކުގެ ތެރެއިން އެއްވަނަ އަށް ދިޔަ ފަރާތްތަކަށް އިނާމު ހަވާލުކޮށްދެއްވީ ދިވެހިރާއްޖޭގެ ރައީސުލްޖުމްހޫރިއްޔާގެ ނައިބު ފައިސަލް ނަސީމެވެ.

އަތޮޅުތަކާއި މާލެ ވަކިން ނެގި މި ގުރުއަތުން އަތޮޅުތެރޭގެ ބައިން 1 ވަނަ އަށް ހޮވިފައިވާ ނަންބަރަކީ 4665 އެވެ. މިފަރާތަށް ލިބޭ އިނާމަކީ މޯލްޑިވްސް އެއަރޕޯޓްސް ކޮމްޕެނީން ސްޕޮންސަރ ކުރައްވާފައިވާ ޢުމްރާ ދަތުރެކެވެ. އަދި މާލޭގެ ބައިން 1 ވަނަ އަށް ހޮވިފައިވާ ނަންބަރަކީ 2346 އެވެ. މިފަރާތަށް ލިބިފައިވަނީ މޯލްޑިވްސް ޙައްޖު ކޯޕަރޭޝަނުން ސްޕޮންސަރ ކުރައްވާފައިވާ ޢުމްރާ ދަތުރެކެވެ.

އަތޮޅުތެރޭގެ ބައިން 2 ވަނަ އަށް ހޮވިފައިވާ ނަންބަރަކީ 6822 އެވެ. އަދި މާލޭގެ ބައިން 2 ވަނަ އަށް ހޮވިފައިވާ ނަންބަރަކީ 11016 އެވެ. މި ދެފަރާތަށްވެސް ލިބިފައިވަނީ ސަމްސަން ގެލެކްސީ އެސް22 ޕްލަސް ފޯނެކެވެ.

އަތޮޅުތެރޭގެ ބައިން 3 ވަނަ އަށް ހޮވިފައިވާ ނަންބަރަކީ 3201 އެވެ. އަދި މާލޭގެ ބައިން 3 ވަނަ އަށް ހޮވިފައިވާ ނަންބަރަކީ 10007 އެވެ. މި ދެފަރާތަށްވެސް ލިބިފައިވަނީ 65 އިންޗީގެ ޓީވީއެކެވެ.

އިޙްޔާ ފޯރަމްތަކުގެ ބައިވެރިންގެ ތެރެއިން ފައިނަލް ގުރުއަތުން ވަނަތަކަށް ދިޔަ ފަރާތްތަކުގެ ތެރެއިން މިރޭ އިނާމާއި ޙަވާލުނުވެވޭ ބޭފުޅުންނަށް އިނާމާއި ޙަވާލުވެވޭނެ ގޮތް މިނިސްޓްރީން ވަނީ ހަމަޖައްސާފައެވެ. އެގޮތުން ގުރުއަތުން ހޮވުނު ފަރާތްތަކުން ނަންބަރުކޮޅުތަކުގެ ފޮޓޯއާއި އައިޑީކާޑުގެ ފޮޓޯ 7924881 ނަންބަރަށް ވައިބަރ ކުރެއްވުމަށް މިނިސްޓްރީން ވަނީ އެދިފައެވެ.