މިސަރުކާރުން އުފެއްދި ރިޔާސީ ކޮމިޝަނާއި އެސެޓް ރިކަވަރީ ކޮމިޝަނުން ތައްޔާރުކުރި މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ) ގެ ކޮރަޕްޝަނާ ގުޅޭ ރިޕޯޓް އެބައޮތްކަމަށާއި، އެރިޕޯޓުގައިވެސް އަދި އެހެން ކޮރަޕްޝަންގެ ރިޕޯޓެއްގައިވެސް އެމްޑީޕީގެ ޗެއާޕާސަންގެ މަގާމަށް ވާދަކުރައްވާ އިކޮނޮމިކް މިނިސްޓަރ ފައްޔާޒު އިސްމާޢީލްގެ ނަމެއް ނެތްކަމަށް ރައްޔިތުންގެ މަޖިލީހުގެ ހަނިމާދޫ ދާއިރާގެ މެމްބަރު ޢަބްދުލްޣަފޫރު މޫސާ ވިދާޅުވެއްޖެއެވެ.
ޣަފޫރު މިފަދައިން ވިދާޅުވީ، އެމްއެމްޕީއާރުސީގެ ކޮރަޕްޝަނާ ގުޅޭ ރިޕޯޓް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު އަތްޕުޅުގައި އެބައޮތްކަމަށް އެމަނިކުފާނު ވިދާޅުވެ، އެ ރިޕޯޓުގައި ހިމެނޭ ނުހައްގުން ފައިސާ ލިބުނު މީހުންގެ ލިސްޓުގައި ފަޔާގެ ނަން އޮތްކަމަށް ދޭހަވާ ގޮތަކަށް ދެއްކެވި ވާހަތަކާއި ގުޅިގެންނެވެ.
ޗެއަރޕާސަންގެ އިންތިހާބުގައި ފައްޔާޒަށް ތާއީދު ކުރައްވާކަން ހާމަ ކުރައްވައި ޣަފޫރު ދެއްވި އިންޓަވިއުއެއްގައި ވިދާޅުވީ، ވާދަވެރި ފަރާތްތަކުންނާއި، އަދި އެހެން ބޭފުޅުންވެސް ވިދާޅުވާފަދަ ޑޮކިއުމަންޓްތަކާއި ރިޕޯޓްތައް އެބޭފުޅުންގެ އަތްޕުޅުގައިވެސް އެބަހުރިކަމަށެވެ. އަދި އެއިންއެއްވެސް ރިޕޯޓެއްގައިވެސް ފައްޔާޒުގެ ނަން ނެތްކަމަށް އޭނާ ވިދާޅުވިއެވެ.
ޣަފޫރު ވިދާޅުވީ، މިއަދު ފައްޔާޒަށް ކެމްޕެއިން ކުރަމުންދާތީ ފާޑުކިޔާ މީހުން ފާޑުކިޔަނީ އެހެން މަގުސަދެއްގައި ކަމަށާއި، ފަޔާ އިންތިހާބު ކުރަން ނުކުމެތިބީ ލައްކަ ކަންކަން އެގޭތީކަމަށް ޣަފޫރު ވިދާޅުވިއެވެ.
"އަޅުގަނޑުމެން އަތުގައި އެބަހުރި މާލިއްޔަތު ކޮމެޓީގެ ހުރިހާ ޑޮކިއުމަންޓެއް. އަދި ނުވިތާކަށް 241 ކޮމެޓީގެ ހުރިހާ ލިޔެކިޔުންތަކެއްވެސް އެބަހުރި، އަޅުގަނޑުމެން އަތުގައި އެބަހުއްޓޭ އެމްއެމްޕީއާރުސީ ތިލިސްޓުގައި ހިމެނޭ ބޭފުޅުންނާއި، މިހުރިހާ އެއްޗަކާއި، މިހުރިހާ ޑޮކިއުމަންޓްތަކެއް އެއެއްޗެއްސަކު ނެތޭ ފަޔާގެ ނަމެއް. އެހެންވީމާ ކޮރަޕްޝަނޭ ކިޔައިގެން ދެން ކޮން ވާހަކައެއް." އިންޓަވިއުގައި ޣަފޫރު ވިދާޅުވިއެވެ.
އޭނާ ވިދާޅުވީ، ފައްޔާޒުގެ ވާދަވެރިންނަށް ނުފެންނަ ކިތަންމެ ޑޮކިއުމަންޓެއް، ކިތަންމެ މައުލޫމާތެއް އެބަހުރި ކަމަށާއި ނަމަވެސް އެއިން އެއްވެސް ލިސްޓެއްގައި ފައްޔާޒުގެ ނަން ނެތްކަމަށާއި، ފައްޔާޒާއި ގުޅޭ ކޮރަޕްޝަނާ ގުޅޭ އެއްވެސް މައްސަލައެއް ނެތޭ ވިދާޅުވަނީ އެ ސަބަބުތަކާހުރެ ކަމަށް ޣަފޫރު ވިދާޅުވިއެވެ.
ރައީސް ނަޝީދަށް ޣަފޫރު ރައްދު ދެއްވާފައިވާއިރު، ޗެއަރޕާސަންގެ އިންތިހާބުގައި ވާދަކުރައްވާނެކަން އިއުލާނު ކުރެއްވުމުގެ ކުރިންވެސް ފައްޔާޒަށް އަމާޒުކޮށް ކޮރަޕްޝަންގެ ގިނަ ތުހުމަތުތަކެއް ރައީސް ނަޝީދުވަނީ ކުރައްވާފައެވެ. ނަމަވެސް، އެ ތުހުމަތުތަކާ ގުޅޭ އެއްވެސް ހެއްކެއް އެމަނިކުފާނަށް ވެސް އަދި އެހެން އެއްވެސް ފަރާތަކަށް ވެސް މިހާތަނަށް ދެއްކިފައެއް ނުވެއެވެ. އެމްޑީޕީގެ ޗެއަރޕާސަންގެ މަގާމަށް ވާދަކުރެއްވުމަށް ފައްޔާޒު ނުކުމެވަޑައިގެންނެވުމާއިއެކު ރައީސް ނަޝީދު ވަނީ ކުރިއަށްވުރެ ވެސް ބޮޑަށް ފައްޔާޒަށް ފާޑުވިދާޅުވާން ފަށްޓަވާފައެވެ. ނަމަވެސް މިފަހަރު ވެސް އެމަނިކުފާނަށް އެފަދަ އެއްވެސް ހެއްކެއް ދެއްކިފައިނުވާކަން ގިނަބަޔަކު ފާހަގަ ކުރެއެވެ.
ޗެއަރޕާސަންގެ އިންތިހާބުގައި ފައްޔާޒަށް ތާއީދު ކުރައްވާކަން ހާމަ ކުރައްވައި ޣަފޫރު ދެއްވި އިންޓަވިއުއެއްގައި ވިދާޅުވީ، ވާދަވެރި ފަރާތްތަކުންނާއި، އަދި އެހެން ބޭފުޅުންވެސް ވިދާޅުވާފަދަ ޑޮކިއުމަންޓްތަކާއި ރިޕޯޓްތައް އެބޭފުޅުންގެ އަތްޕުޅުގައިވެސް އެބަހުރިކަމަށެވެ. އަދި އެއިންއެއްވެސް ރިޕޯޓެއްގައިވެސް ފައްޔާޒުގެ ނަން ނެތްކަމަށް އޭނާ ވިދާޅުވިއެވެ.
ޣަފޫރު ވިދާޅުވީ، މިއަދު ފައްޔާޒަށް ކެމްޕެއިން ކުރަމުންދާތީ ފާޑުކިޔާ މީހުން ފާޑުކިޔަނީ އެހެން މަގުސަދެއްގައި ކަމަށާއި، ފަޔާ އިންތިހާބު ކުރަން ނުކުމެތިބީ ލައްކަ ކަންކަން އެގޭތީކަމަށް ޣަފޫރު ވިދާޅުވިއެވެ.
"އަޅުގަނޑުމެން އަތުގައި އެބަހުރި މާލިއްޔަތު ކޮމެޓީގެ ހުރިހާ ޑޮކިއުމަންޓެއް. އަދި ނުވިތާކަށް 241 ކޮމެޓީގެ ހުރިހާ ލިޔެކިޔުންތަކެއްވެސް އެބަހުރި، އަޅުގަނޑުމެން އަތުގައި އެބަހުއްޓޭ އެމްއެމްޕީއާރުސީ ތިލިސްޓުގައި ހިމެނޭ ބޭފުޅުންނާއި، މިހުރިހާ އެއްޗަކާއި، މިހުރިހާ ޑޮކިއުމަންޓްތަކެއް އެއެއްޗެއްސަކު ނެތޭ ފަޔާގެ ނަމެއް. އެހެންވީމާ ކޮރަޕްޝަނޭ ކިޔައިގެން ދެން ކޮން ވާހަކައެއް." އިންޓަވިއުގައި ޣަފޫރު ވިދާޅުވިއެވެ.
ރައީސް ނަޝީދަށް ޣަފޫރު ރައްދު ދެއްވާފައިވާއިރު، ޗެއަރޕާސަންގެ އިންތިހާބުގައި ވާދަކުރައްވާނެކަން އިއުލާނު ކުރެއްވުމުގެ ކުރިންވެސް ފައްޔާޒަށް އަމާޒުކޮށް ކޮރަޕްޝަންގެ ގިނަ ތުހުމަތުތަކެއް ރައީސް ނަޝީދުވަނީ ކުރައްވާފައެވެ. ނަމަވެސް، އެ ތުހުމަތުތަކާ ގުޅޭ އެއްވެސް ހެއްކެއް އެމަނިކުފާނަށް ވެސް އަދި އެހެން އެއްވެސް ފަރާތަކަށް ވެސް މިހާތަނަށް ދެއްކިފައެއް ނުވެއެވެ. އެމްޑީޕީގެ ޗެއަރޕާސަންގެ މަގާމަށް ވާދަކުރެއްވުމަށް ފައްޔާޒު ނުކުމެވަޑައިގެންނެވުމާއިއެކު ރައީސް ނަޝީދު ވަނީ ކުރިއަށްވުރެ ވެސް ބޮޑަށް ފައްޔާޒަށް ފާޑުވިދާޅުވާން ފަށްޓަވާފައެވެ. ނަމަވެސް މިފަހަރު ވެސް އެމަނިކުފާނަށް އެފަދަ އެއްވެސް ހެއްކެއް ދެއްކިފައިނުވާކަން ގިނަބަޔަކު ފާހަގަ ކުރެއެވެ.
ކިޔުންތެރިންގެ ހިޔާލު