ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު އިންޑިއާއަށް ވަޑައިގަންނަވާ ކޮންމެ ފަހަރަކު ޗައިނާއާއި ރާއްޖެއާދެމެދު އޮންނަ ގުޅުމަށް ބުރޫއަރާފަދަ ވާހަކަފުޅުތަކެއް ދައްކަވާނެކަމަށް، މޯލްޑިވްސް ނެޝަނަލް ޕާޓީގެ ނާއިބު ރައީސް އަޙްމަދު ޝަރީފް ވިދާޅުވެއްޖެއެވެ.
އިންޑިއާއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން އިއްޔެ އެ ގައުމުގެ ވެރިރަށް، ނިއު ދިއްލީގައި ދެއްވި ތަގުރީރެއްގައި ރައީސް ނަޝީދު ވިދާޅުވީ ދިވެހިން ބޭނުން ވަނީ އިންޑިއާއާއެކު ގުޅުން އިތުރަށް ވަރުގަދަ ކުރަން ކަމަށެވެ. އަދި ރާއްޖޭގެ ހާރިޖީ ސިޔާސަތުގައި އިސްކަންދޭނީ އިންޑިއާއަށް ކަމަށާއި "ބިން ފޭރުމަށް" ޗައިނާއަށް ޖާގައެއް ނެތްކަމަށް އެމަނިކުފާނުވަނީ ވިދާޅުވެފައެވެ.
"ބިން ފޭރުމަށް ފަހިވާ ގޮތަށް ހެދި ގާނޫނުތައް އަޅުގަނޑުމެން އުވާލައިފިން. އެކަމަކުވެސް ހަގީގަތް އަދިވެސް ބަދަލެއް ނުވޭ. ޗައިނާގެ ސަރުކާރުގެ ކުންފުނިތަކަށް ބޮޑެތި އުމްރާނީ މަޝްރޫއުތައް ދީފައި އެބަހުރި." ރައީސް ނަޝީދު ވިދާޅުވިއެވެ.
ރައީސް ނަޝީދު ވަނީ، ޗައިނާއިން ހިންގާ ޕްރޮޖެކްޓްތަކުގެ އަގު އާދަޔާ ހިލާފަށް ބޮޑު ކަމަށާއި، އެހެން ހަދަނީ ގަސްދުގައި ރާއްޖެ ދަރަނިވެރި ކުރުވަން ކަމަށް ވިދާޅުވެފައެވެ. އަދި ޗައިނާއިން ބޭނުންވަނީ ރާއްޖޭގެ ޑިމޮކްރަސީ ފޮހެލަން ކަމަށް ވިދާޅުވެ ބޮޑެތި ތުހުމަތުތަކެއް އެމަނިކުފާނުވަނީ ކުރައްވާފައެވެ.
ރައީސް ނަޝީދުގެ މިވާހަކަތަކާއި ގުޅިގެން އަޙްމަދު ޝަރީފް ވިދާޅުވީ، ރައީސް ނަޝީދު އިންޑިއާއަށް ވަޑައިގަންނަވާ ކޮންމެފަހަރަކު ޗައިނާއާއި ރާއްޖެއާއި ދެމެދު އޮންނަ ގާތް ގުޅުމަށް ބުރޫއަރާފަދަ ވާހަކަފުޅުތަކެއް ދައްކަވާ ކަމަށެވެ. އަދި ޗައިނާއިން ރާއްޖެއަށް ދިން ލޯނުތަކާ ރާއްޖޭގެ ޑިމޮކްރަސީއާއި އޮތީ ކޮން ގުޅުމެއްތޯ ވިދާޅުވެ ޝަރީފް ވަނީ ސުވާލު ކުރައްވާފައެވެ.
"ރާއްޖޭގެ ގާނޫނު ހަދާ މަޖިލީހުގެ ރައީސް މި ވިދާޅުވާ ވާހަކަތައް ދިވެހި ސަރުކާރުން ރައްޔިތުންނަށް ސާފު ކޮށްދޭންޖެހޭ. އެގޮތުން ޗައިނާ އާއި އިންޑިއާއިން ނަގާފައިވާ ލޯނުތަކުގެ އަދަދާއި، ދައްކަންޖެހޭ ތާވަލާއި، ޗައިނާއިން ރާއްޖޭގައި ބިމެއް ހިފާފައިވޭތޯ ސާފުވާންޖެހޭ." ރައީސް ނަޝީދުގެ ވާހަކަފުޅުތަކާއި ގުޅިގެން ޝަރީފު ވިދާޅުވިއެވެ.
ޗައިނާއާއި ގުޅޭގޮތުން ރައީސް ނަޝީދު ދެއްކެވި ވާހަކަފުޅުތަކަކީ އެހެން ގައުމުތަކާއިމެދު ނަފުރަތު އުފެދޭގޮތަށް ދައްކާފައިވާ ވާހަކަތަކެއްކަމަށް ބުނެ މީސްމީޑިއާގައި ގިނަބަޔަކުވަނީ އެމަނިކުފާނަށް ފާޑުކިޔާފައެވެ.
ރައީސް ނަޝީދު މި މޭރުމުން ވާހަކަފުޅު ދައްކަވާފައި މިވަނީ އިދިކޮޅު ފަރާތްތަކުން އިސްވެ ހިންގާ "އިންޑިއާ އައުޓް" ކެމްޕޭނަކި ރާއްޖެއާއި އަވަށްޓެރި ގައުމަކާއި ދެމެދު އޮންނަ ޚާރިޖީ ގުޅުމަށް ބުރޫއަރާފަދަ ކަމެއްކަމަށް ބުނެ އެކަން ހުއްޓުވަން ރައީސްގެ ގަރާރެއް ވެސް ނެރެފައި ވަނިކޮށެވެ.
"ބިން ފޭރުމަށް ފަހިވާ ގޮތަށް ހެދި ގާނޫނުތައް އަޅުގަނޑުމެން އުވާލައިފިން. އެކަމަކުވެސް ހަގީގަތް އަދިވެސް ބަދަލެއް ނުވޭ. ޗައިނާގެ ސަރުކާރުގެ ކުންފުނިތަކަށް ބޮޑެތި އުމްރާނީ މަޝްރޫއުތައް ދީފައި އެބަހުރި." ރައީސް ނަޝީދު ވިދާޅުވިއެވެ.
ރައީސް ނަޝީދު ވަނީ، ޗައިނާއިން ހިންގާ ޕްރޮޖެކްޓްތަކުގެ އަގު އާދަޔާ ހިލާފަށް ބޮޑު ކަމަށާއި، އެހެން ހަދަނީ ގަސްދުގައި ރާއްޖެ ދަރަނިވެރި ކުރުވަން ކަމަށް ވިދާޅުވެފައެވެ. އަދި ޗައިނާއިން ބޭނުންވަނީ ރާއްޖޭގެ ޑިމޮކްރަސީ ފޮހެލަން ކަމަށް ވިދާޅުވެ ބޮޑެތި ތުހުމަތުތަކެއް އެމަނިކުފާނުވަނީ ކުރައްވާފައެވެ.
ރައީސް ނަޝީދުގެ މިވާހަކަތަކާއި ގުޅިގެން އަޙްމަދު ޝަރީފް ވިދާޅުވީ، ރައީސް ނަޝީދު އިންޑިއާއަށް ވަޑައިގަންނަވާ ކޮންމެފަހަރަކު ޗައިނާއާއި ރާއްޖެއާއި ދެމެދު އޮންނަ ގާތް ގުޅުމަށް ބުރޫއަރާފަދަ ވާހަކަފުޅުތަކެއް ދައްކަވާ ކަމަށެވެ. އަދި ޗައިނާއިން ރާއްޖެއަށް ދިން ލޯނުތަކާ ރާއްޖޭގެ ޑިމޮކްރަސީއާއި އޮތީ ކޮން ގުޅުމެއްތޯ ވިދާޅުވެ ޝަރީފް ވަނީ ސުވާލު ކުރައްވާފައެވެ.
"ރާއްޖޭގެ ގާނޫނު ހަދާ މަޖިލީހުގެ ރައީސް މި ވިދާޅުވާ ވާހަކަތައް ދިވެހި ސަރުކާރުން ރައްޔިތުންނަށް ސާފު ކޮށްދޭންޖެހޭ. އެގޮތުން ޗައިނާ އާއި އިންޑިއާއިން ނަގާފައިވާ ލޯނުތަކުގެ އަދަދާއި، ދައްކަންޖެހޭ ތާވަލާއި، ޗައިނާއިން ރާއްޖޭގައި ބިމެއް ހިފާފައިވޭތޯ ސާފުވާންޖެހޭ." ރައީސް ނަޝީދުގެ ވާހަކަފުޅުތަކާއި ގުޅިގެން ޝަރީފު ވިދާޅުވިއެވެ.
ރައީސް ނަޝީދު މި މޭރުމުން ވާހަކަފުޅު ދައްކަވާފައި މިވަނީ އިދިކޮޅު ފަރާތްތަކުން އިސްވެ ހިންގާ "އިންޑިއާ އައުޓް" ކެމްޕޭނަކި ރާއްޖެއާއި އަވަށްޓެރި ގައުމަކާއި ދެމެދު އޮންނަ ޚާރިޖީ ގުޅުމަށް ބުރޫއަރާފަދަ ކަމެއްކަމަށް ބުނެ އެކަން ހުއްޓުވަން ރައީސްގެ ގަރާރެއް ވެސް ނެރެފައި ވަނިކޮށެވެ.
ކިޔުންތެރިންގެ ހިޔާލު