އެމްޑީޕީ ވެރިކަމުގައި އޮތްއިރުވެސް 2023 ގެ ރިޔާސީ އިންތިހާބު ކާމިޔާބު ކުރިޔަ ނުދޭން ޕާޓީގެ ތެރޭން ބަޔަކު މަސައްކަތް ކުރާކަމުގެ ތުހުމަތު، އެ ޕާޓީގެ ޗެއަރޕާސަންގެ މަގާމަށް ވާދަކުރައްވާ، މި ސަރުކާރުގެ އިކޮނޮމިކް މިނިސްޓަރު ފައްޔާޒު އިސްމާޢީލް ކުރަށްވައިފިއެވެ.
ޗެއަރޕާސަންގެ އިންތިހާބުގެ ކެމްޕޭނުގައި ރ. އަލިފުއްޓަށް ވަޑައިގެން ޕާޓީގެ މެންބަރުންނާއެކު ބޭއްވި ބައްދަލުވުމެއްގައި ވާހަކަ ދައްކަވަމުން ފައްޔާޒު މިއަދު ވިދާޅުވީ، އެމްޑީޕީއަށް ރިޔާސީ އިންތިހާބު ކާމިޔާބު ކޮށްދިނުމަކީ ވަރަށް މުހިންމުކަމެއް ކަމަށާއި ނަމަވެސް ޕާޓީގެ ތެރެއިން އެ މަސައްކަތަށް ހުރަސް އަޅަމުންދާތަން ފެނިވަޑައިގަންނަވާ ކަމަށެވެ.
"އަޅުގަނޑުމެން ކޮޅަށް ގޯލެއްޖަހާފަ އޮންނައިރު ވެސް އަޅުގަނޑުމެންގެ ބައެއް މެންބަރުން އެބަ ކުޅުނަނުދީ ލަސްކުރޭ ވަގުތު ގެއްލުވާލަން! މިހެން ވެގެން 2023 އަޅުގަނޑުމެންނަށް ނުލިބޭނެ! އަޅުގަނޑުމެން ނުކުމެ އެކަން ހުއްޓުވާނަން! އިރާދަކުރެއްވިއްޔާ 2023 ވެސް ހޯދާނަން." ފައްޔާޒުގެ ވާހަކައިގައި ވިދާޅުވިއެވެ.
ފައްޔާޒު މިފަދައިން ވިދާޅުވެފައިވާއިރު، މީގެ ކުރިންވެސް ފައްޔާޒުވަނީ އެމްޑީޕީއަކީ ވެރިކަންކުރާ ޕާޓީއެއްގެ ގޮތުގައި މަސައްކަތް ކުރަންޖެހޭ ކަމަށް ވިދާޅުވެފައެވެ. އަދި މިހާރު ލީޑަރޝިޕުން ފެންނަނީ ސަރުކާރާއި އިދިކޮޅަށް މަސައްކަތް ކުރާ ބައެއްގެ ގޮތުގައި ކަމަށްވެސް ވަނީ ސިފަ ކުރައްވާފައެވެ.
ފައްޔާޒު މިފަދައިން ވިދާޅުވެފައިވާއިރު، މީގެ ކުރިންވެސް ފައްޔާޒުވަނީ އެމްޑީޕީއަކީ ވެރިކަންކުރާ ޕާޓީއެއްގެ ގޮތުގައި މަސައްކަތް ކުރަންޖެހޭ ކަމަށް ވިދާޅުވެފައެވެ. އަދި މިހާރު ލީޑަރޝިޕުން ފެންނަނީ ސަރުކާރާއި އިދިކޮޅަށް މަސައްކަތް ކުރާ ބައެއްގެ ގޮތުގައި ކަމަށްވެސް ވަނީ ސިފަ ކުރައްވާފައެވެ.
ކިޔުންތެރިންގެ ހިޔާލު