އެތައް އަނިޔާއަކަށްފަހު އެމްޑީޕީއަށް ވެރިކަން ލިބުމުން ވެސް މި ވެރިކަން ވައްޓާލަން ބަޔަކު މަސައްކަތް ކުރަމުންދަނީ ކީއްވެތޯއޭ ވިދާޅުވެ ފޭދޫ ދާއިރާގެ މަޖިލިސް މެންބަރު މުޙައްމަދު ނިހާދު ސުވާލު ކުރައްވައިފިއެވެ.
އެމްޑީޕީގެ އެންމެ ބޮޑު ހިއްސާއެއް އޮވެގެން އައި މި ސަރުކާރުގެ ބޮޑެތި ގޯސްތަކެއް ހުރިކަމަށާއި ސަރުކާރު ނުހިނގާކަމަށާއި ރާއްޖޭގައި ހިންގަން ބުނި ތަރައްގީގެ މަޝްރޫއުތައް ވެސް ނުހިނގާކަމަށް ބުނެ އެމްޑީޕީގެ އެތެރޭގައި އުފެދިފައިވާ ދެ ފެކްޝަންގެ ތެރެއިން އެމްޑީޕީގެ ރައީސް، މުޙައްމަދު ނަޝީދުގެ ފެކްޝަނުންދަނީ ތުހުމަތު ކުރަމުންނެވެ. އަދި ސަރުކާރުގެ ތެރޭގައި ކޮރަޕްޝަން އޮތްކަމަށާއި ސަރުކާރަކީ ފެތެމުންދާ އޮޑިއެއްކަމަށާއި އެ އޮޑިން އެމްޑީޕީ ފައިބަން ޚުދު ރައީސް ނަޝީދު ވެސް ވަނީ ގޮވާލައްވާފައެވެ.
އެމްޑީޕީގެ އެތެރޭގައި ދެކެވޭ މިފަދަ ވާހަކަތަކާއި ގުޅިގެން، އެފަރާތްތަކަށް ނިހާދު މިއަދުވަނީ މުހިންމު ސުވާލުތަކެއް އަމާޒު ކުރައްވާފައެވެ. އެގޮތުން ނިހާދުވަނީ، ފިތުނައިން އެމްޑީޕީ ބައިބައިކޮށް ފުނޑާލަން މަސައްކަތް ކުރަނީ ކޮން މަގުސަދެއްގައި ތޯ ސުވާލު ކުރައްވާފައެވެ. އަދި އެމްޑީޕީ ބައިބައި ކޮށްލަން ކުރެވޭ ހުރިހާ މަސައްކަތެއްގެ ހުރިހާ ގެއްލުމެއް ލިބޭނީ ނިކަމެތި އާންމު މެންބަރުންނަށް ކަމަށް ވެސް އޭނާ ވިދާޅުވިއެވެ.
"އެމްޑީޕީ ބައިބައިކޮށްލަން ކުރެވޭ މަސައްކަތުގެ ހުރިހާ ދެރައެއް ލިބޭނީ ނިކަމެތި އާންމު މެންބަރުންނަށް. އެތައް އަނިޔާއަކަށްފަހު ލިބުނު ވެރިކަން ވައްޓާލަން އުޅެނީ ކީއްވެބާ؟ ވެރިކަން ވައްޓާލުމުން ވެސް ދެރައާއި އަނިޔާ ލިބޭނީ ނިކަމެތި އާންމު މެންބަރުންނަށް." ނިހާދު ފޭސްބޫކް ޕޯސްޓެއްގައި ލިޔުއްވާފައިވެއެވެ.
އެމްޑީޕީގެ ޗެއަރޕާސަންގެ އިންތިހާބުގައި ދެ ފެކްޝަނަކުން ވާދަކުރާއިރު، އިކޮނޮމިކް މިނިސްޓަރު ފައްޔާޒުގެ ޓީމުން ބުނަމުންދަނީ، އެ ޓީމުން ބޭނުންވަނީ އެމްޑީޕީއަކީ ސަރުކާރު ހިންގާ ޕާޓީއެއްގެ ގޮތުގައި އޮންނަން ކަމަށެވެ. އަދި އެ ސިފަ އެ ޕާޓީގައި ޖެއްސުމަށްކަމަށެވެ. ނަމަވެސް، ފައްޔާޒުގެ ވާދަވެރިޔާ އިމްތިޔާޒު ފަހުމީގެ ޓީމުން ބުނަމުންދަނީ، އެމްޑީޕީގެ ސަރުކާރެއްގައި ހުރެގެން ނުވާނެ އެތައް ސިފައެއް މިސަރުކާރުން ފެންނަކަމަށާއި އެކަންކަން ހުއްޓުވަންޖެހޭކަމަށެވެ. އެ ޓީމުން މިފަދަ ވާހަކަތައް ތަކުރާރުކޮށް ދައްކާ މިންވަރު އިތުރުވެފައިވާތީ، އެމްޑީޕީގެ ބައެއް މެންބަރުން ދަނީ، ރައީސް ނަޝީދުގެ ފެކްޝަނަކީ އިދިކޮޅު ޕާޓީއެއްގެ ގޮތަށް މަސައްކަތް ކުރާ ބައެއްކަމަށް ބުނަމުންނެވެ.
އެމްޑީޕީގެ އެތެރޭގައި ދެކެވޭ މިފަދަ ވާހަކަތަކާއި ގުޅިގެން، އެފަރާތްތަކަށް ނިހާދު މިއަދުވަނީ މުހިންމު ސުވާލުތަކެއް އަމާޒު ކުރައްވާފައެވެ. އެގޮތުން ނިހާދުވަނީ، ފިތުނައިން އެމްޑީޕީ ބައިބައިކޮށް ފުނޑާލަން މަސައްކަތް ކުރަނީ ކޮން މަގުސަދެއްގައި ތޯ ސުވާލު ކުރައްވާފައެވެ. އަދި އެމްޑީޕީ ބައިބައި ކޮށްލަން ކުރެވޭ ހުރިހާ މަސައްކަތެއްގެ ހުރިހާ ގެއްލުމެއް ލިބޭނީ ނިކަމެތި އާންމު މެންބަރުންނަށް ކަމަށް ވެސް އޭނާ ވިދާޅުވިއެވެ.
އެމްޑީޕީގެ ޗެއަރޕާސަންގެ އިންތިހާބުގައި ދެ ފެކްޝަނަކުން ވާދަކުރާއިރު، އިކޮނޮމިކް މިނިސްޓަރު ފައްޔާޒުގެ ޓީމުން ބުނަމުންދަނީ، އެ ޓީމުން ބޭނުންވަނީ އެމްޑީޕީއަކީ ސަރުކާރު ހިންގާ ޕާޓީއެއްގެ ގޮތުގައި އޮންނަން ކަމަށެވެ. އަދި އެ ސިފަ އެ ޕާޓީގައި ޖެއްސުމަށްކަމަށެވެ. ނަމަވެސް، ފައްޔާޒުގެ ވާދަވެރިޔާ އިމްތިޔާޒު ފަހުމީގެ ޓީމުން ބުނަމުންދަނީ، އެމްޑީޕީގެ ސަރުކާރެއްގައި ހުރެގެން ނުވާނެ އެތައް ސިފައެއް މިސަރުކާރުން ފެންނަކަމަށާއި އެކަންކަން ހުއްޓުވަންޖެހޭކަމަށެވެ. އެ ޓީމުން މިފަދަ ވާހަކަތައް ތަކުރާރުކޮށް ދައްކާ މިންވަރު އިތުރުވެފައިވާތީ، އެމްޑީޕީގެ ބައެއް މެންބަރުން ދަނީ، ރައީސް ނަޝީދުގެ ފެކްޝަނަކީ އިދިކޮޅު ޕާޓީއެއްގެ ގޮތަށް މަސައްކަތް ކުރާ ބައެއްކަމަށް ބުނަމުންނެވެ.
ކިޔުންތެރިންގެ ހިޔާލު