ފާދިއްޕޮޅަކީ އެމްޑީޕީ އުފެދުމުގައި މައި އެއް އަތޮޅު ކަމަށާއި އެ އަތޮޅުގެ ރައްޔިތުން އެދޭގޮތަށް އެމްޑީޕީ "ހިންގާލާނެ" ކަމަށް އެމްޑީޕީގެ ޗެއަރޕަރސަންގެ އިންތިޚާބުގައި ވާދަކުރަށްވާ އިޤްތިޞާދީ ވަޒީރު ފައްޔާޒް އިސްމާޢީލް ވިދާޅުވެއްޖެއެވެ.

މި މަހުގެ 14 ވަނަ ދުވަހު އޮންނަ އެމްޑީޕީގެ ޗެއަރޕަރސަންގެ އިންތިޚާބުގެ ކެމްޕޭނަށް ފާދިއްޕޮޅަށް ކުރެއްވި ދަތުރުފުޅަށްފަހު ފައްޔާޒް ވަނީ ފާދިއްޕޮޅުން އެމްޑީޕީ "ހިންގާލަން" ޓީމަށް ދިން ހިތްވަރަށާ ޔަޤީންކަމަށް ޝުކުރު އަދާކުރަށްވާފައެވެ. ހިންގާލަން ޓީމުން ވަނީ އިންތިޚާބުގެ ކެމްޕޭނަށް ފާދިއްޕޮޅުގެ ހުރިހާ ރަށަކަށް ޒިޔާރަތްކޮށް ތާޢީދު ހޯދުމުގެ މަސައްކަތް ކޮށްފައެވެ.

އެމްޑީޕީ އުފެދުމުގެ މައި އެއް އަތޮޅަކީ ފާދިއްޕޮޅުކަން ފާހަގަ ކުރަށްވަމުން ފައްޔާޒް ވިދާޅުވީ އިރާދަކުރެއްވިއްޔާ ފާދިއްޕޮޅުން އެދޭ ގޮތަށް އެމްޑީޕީއާއި ސަރުކާރު ގުޅިގެން 2023 ހޯދުމުގެ މަސައްކަތް ކާމިޔާބުވާނެ ކަމަށެވެ.

"ފާދިއްޕޮޅަކީ އެމްޑީޕީގެ އުފެދުމުގައި މައި އެއް އަތޮޅު." ފައްޔާޒް ވިދާޅުވެފައިވެއެވެ.

ފާދިއްޕޮޅުން މިއަދު އަޅުގަނޑުމެންނަށް MDPHingaalan# ދެއްވި ހިތްވަރަށާ ޔަޤީންކަމަށް ޝުކުރު ދަންނަވަން. ފާދިއްޕޮޅަކީ އެމްޑީޕީގެ އުފެދުމުގައި މައި އެއް އަތޮޅު. އިރާދަކުރެއްވިއްޔާ ފާދިއްޕޮޅުން އެދޭ ގޮތަށް ޕާޓީ އާއި ސަރުކާރު ގުޅިގެން 2023 ހޯދުމުގެ މަސައްކަތް ކާމިޔާބުވާނެ.

— Fayyaz Ismail (@faya_i) May 4, 2022

އެމްޑީޕީގެ ޕާލިމަންޓަރީ ގުރޫޕާއި ގައުމީ މަޖިލީހާއި ސަރުކާރުގެ ގިނަ ބޭފުޅުން މިހާރު ވަނީ މި އިންތިޚާބުގައި ފައްޔާޒަށް ތާއިދު އޮތްކަން ހާމަކުރައްވާފައެވެ. އިންތިޚާބުގައި ފައްޔާޒާއި ވާދަކުރައްވަނީ މާފަންނު އުތުރު ދާއިރާގެ މެންބަރު އިމްތިޔާޒް ފަހްމީ އެވެ.

އެމްޑީޕީގެ ޗެއާޕާސަން އިންތިޚާބު ބޭއްވުމަށް ހަމަޖެހިފައިވަނީ އަންނަ މަހުގެ 14 ވަނަ ދުވަހުއެވެ.