ކުރިޔަށް އޮތް 2023 ވަނަ އަހަރު އޮންނަ ރިޔާސީ އިންތިހާބު އެމްޑީޕީއަށް ގެއްލުވާލާފައި، 2028 ގައި އަންނަ ރިޔާސީ އިންތިހާބު ކާމިޔާބު ކުރެވޭނެކަމަށް ހީކުރުމަކީ ކުށްހީއެއްކަމަށް ރައްޔިތުންގެ މަޖިލީހުގެ ހަނިމާދޫ ދާއިރާގެ މެންބަރު ޢަބްދުލް ޣަފޫރު މޫސާ ވިދާޅުވެއްޖެއެވެ.
ޣަފޫރު މިފަދައިން ވިދާޅުވީ، މިރޭ ޓީވީ ޕްރޮގްރާމެއްގައި ވާހަކަ ދައްކަވަމުންނެވެ. އޭނާ ވިދާޅުވީ، ޗެއަރޕާސަންގެ އިންތިހާބުގައި އިކޮނޮމިކް މިނިސްޓަރު ފައްޔާޒު އިސްމާޢީލު ހޮވުމަކީ ވަރަށް މުހިންމު ކަމެއް ކަމަށާއި ސަރުކާރާއިއެކު މަސައްކަތް ކުރެވޭނީ ފައްޔާޒަށް ކަމަށެވެ.
އޭނާ އިތުރަށް ވިދާޅުވީ، 2023 ގެއްލުވާލަން މަސައްކަތް ކުރަނީ ސަރުކާރުން ކަމަށް ބައެއް ފަރާތްތަކުން ބުނަމުން ދާކަމަށާއި، ނަމަވެސް، އެއީ ހަގީގަތާއި ހިލާފު ވާހަކައެއްކަމަށެވެ. އަދި އެމްޑީޕީއަށް 2023 ގެއްލުވާލާފައި 2028 ހޯދަން މަސައްކަތް ކުރުމަކީ ކުށްހީއެއް ކަމަށާއި އެކަން އެގޮތަށް ވިޔަ ނުދިނުމަށް ކުރެވެންހުރި މަސައްކަތް ކުރައްވާނެ ކަމަށް ޣަފޫރު ވިދާޅުވިއެވެ.
"އެމްޑީޕީއަށް 2023 ކާމިޔާބު ކުރެވެން އޮތް މަގަކީ ޗެއަރޕާސަންކަމަށް ފައްޔާޒު އިސްމާޢީލް ހޮވުން." ޣަފޫރު ވިދާޅުވިއެވެ.
ޣަފޫރު މިފަދައިން ވާހަކަ ދައްކަވާފައި މިވަނީ، އެމްޑީޕީއަށް 2023 ގެއްލުވާލުމަށް ރައީސް ނަޝީދުގެ ފެކްޝަނުން މަސައްކަތް ކުރާކަމަށް ގިނަބަޔަކު ތުހުމަތު ކުރަމުން ދަނިކޮށެވެ. އަދި އެއީ ރައީސް ނަޝީދުގެ ވިސްނުންފުޅު މިހާރު ހުރި ގޮތްކަމަށް ވެސް ގިނަބަޔަކު ދަނީ ބުނަމުންނެވެ.
މިމަހުގެ 14 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ޗެއާޕާސަން އިންތިހާބާއި ގުޅިގެން އެމްޑީޕީ ވަރަށް ބޮޑަށް ދެބައިވެފައިވާއިރު ސަރުކާރަށް ތާއީދުކުރާ މެންބަރުންނާއި ރައީސް ނަޝީދަށް ތާއީދު ކުރާ މެންބަރުންގެ މެދުގައި ވަނީ ދެ ފެކްޝަން އުފެދިފައެވެ. އަދި އެއްބަޔަކު އަނެއް ބަޔަކަށް މިފަދަ ބަހުގެ ހަމަލާތަކާއި އެކިކަހަލަ ތުހުމަތުތައް ކުރުންވަނީ ވަރަށް ބޮޑަށް އިތުރުވެފައެވެ.
ޗެއަރޕާސަންގެ މަގާމަށް ގިނަ ބައެއްގެ ތާއީދާއެކު ވާދަކުރަށްވާ ފައްޔާޒުގެ ޓީމުން ބުނަމުން ދަނީ ޒާތީ ގޮތުން ދިމާކޮށް ޑިމޮކްރެސީގެ ރިވެތި އުސޫލުތަކުގެ ބޭރުން އަސްލެއް ނެތް ތުހުމަތުތައް ފައްޔާޒަށާއި ފައްޔާޒުގެ ކެމްޕޭން ޓީމަށް އަމާޒު ކުރަމުން ގެންދަނީ އިންތިހާބުން ބަލިވާނެކަން މިހާރު ޔަގީން ވުމުން ގޮތް ހުސްވެގެން ކަމަށެވެ.
ދެ ކެންޑިޑޭޓުންގެ ތެރެއިން ސަރުކާރުގެ ގިނަ އިސްބޭފުޅުންނާއި ރައްޔިތުންގެ މަޖިލީހުގެ މެޖޯރިޓީ މެންބަރުން ވަނީ ފައްޔާޒަށް ތާއީދު ކުރައްވާކަން ހާމަ ކުރައްވާފައެވެ.
އޭނާ އިތުރަށް ވިދާޅުވީ، 2023 ގެއްލުވާލަން މަސައްކަތް ކުރަނީ ސަރުކާރުން ކަމަށް ބައެއް ފަރާތްތަކުން ބުނަމުން ދާކަމަށާއި، ނަމަވެސް، އެއީ ހަގީގަތާއި ހިލާފު ވާހަކައެއްކަމަށެވެ. އަދި އެމްޑީޕީއަށް 2023 ގެއްލުވާލާފައި 2028 ހޯދަން މަސައްކަތް ކުރުމަކީ ކުށްހީއެއް ކަމަށާއި އެކަން އެގޮތަށް ވިޔަ ނުދިނުމަށް ކުރެވެންހުރި މަސައްކަތް ކުރައްވާނެ ކަމަށް ޣަފޫރު ވިދާޅުވިއެވެ.
"އެމްޑީޕީއަށް 2023 ކާމިޔާބު ކުރެވެން އޮތް މަގަކީ ޗެއަރޕާސަންކަމަށް ފައްޔާޒު އިސްމާޢީލް ހޮވުން." ޣަފޫރު ވިދާޅުވިއެވެ.
ޣަފޫރު މިފަދައިން ވާހަކަ ދައްކަވާފައި މިވަނީ، އެމްޑީޕީއަށް 2023 ގެއްލުވާލުމަށް ރައީސް ނަޝީދުގެ ފެކްޝަނުން މަސައްކަތް ކުރާކަމަށް ގިނަބަޔަކު ތުހުމަތު ކުރަމުން ދަނިކޮށެވެ. އަދި އެއީ ރައީސް ނަޝީދުގެ ވިސްނުންފުޅު މިހާރު ހުރި ގޮތްކަމަށް ވެސް ގިނަބަޔަކު ދަނީ ބުނަމުންނެވެ.
މިމަހުގެ 14 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ޗެއާޕާސަން އިންތިހާބާއި ގުޅިގެން އެމްޑީޕީ ވަރަށް ބޮޑަށް ދެބައިވެފައިވާއިރު ސަރުކާރަށް ތާއީދުކުރާ މެންބަރުންނާއި ރައީސް ނަޝީދަށް ތާއީދު ކުރާ މެންބަރުންގެ މެދުގައި ވަނީ ދެ ފެކްޝަން އުފެދިފައެވެ. އަދި އެއްބަޔަކު އަނެއް ބަޔަކަށް މިފަދަ ބަހުގެ ހަމަލާތަކާއި އެކިކަހަލަ ތުހުމަތުތައް ކުރުންވަނީ ވަރަށް ބޮޑަށް އިތުރުވެފައެވެ.
ދެ ކެންޑިޑޭޓުންގެ ތެރެއިން ސަރުކާރުގެ ގިނަ އިސްބޭފުޅުންނާއި ރައްޔިތުންގެ މަޖިލީހުގެ މެޖޯރިޓީ މެންބަރުން ވަނީ ފައްޔާޒަށް ތާއީދު ކުރައްވާކަން ހާމަ ކުރައްވާފައެވެ.
ކިޔުންތެރިންގެ ހިޔާލު