ސްރީލަންކާއަށް މިހާރު ކުރިމަތިވެފައިވާ އިގުތިސާދީ ކާރިސާއާ ގުޅިގެން އެގައުމަށް ބޭރުގެ އެހީ ހޯދައިދިނުމަށް މެދުވެރިއެއްގެ ދައުރު އަދާކޮށްދެއްވުމަށާއި އެހީ ހޯދުމުގެ ކަންކަން ވިލަރެސް ކުރުމަށް ރާއްޖޭގެ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، މުޙައްމަދު ނަޝީދު ހަމަޖެއްސެވުމާއި ގުޅިގެން އދ. ގެ އާންމު މަޖިލީހުގެ ރައީސް އަދި ރާއްޖޭގެ ފޮރިން މިނިސްޓަރު ޢަބްދުﷲ ޝާހިދު އެމަނިކުފާނަށް މަރުހަބާ ވިދާޅުވެއްޖެއެވެ.
ރައީސް ނަޝީދަށް މި މަސްއޫލިއްޔަތު ހަވާލު ކުރައްވާފައިވަނީ ލަންކާގެ ބޮޑުވަޒީރު ރަނިލް ވިކްރަމަސިންހައެވެ. ލަންކާއަށް މިހާރު ދިމާވެފައިވާ ހާލަތާއި ގުޅިގެން ރަނިލްއާއި ރައީސް ނަޝީދާއި ދެމެދު މަޝްވަރާތަކެއް މިއަދު ކުރިއަށް ގެންގޮސްފައިވާއިރު މި މަޝްވަރާތަކުގައި ލަންކާއަށް ބޭރު ގައުމުތަކުގެ އެހީ ހޯދައިދިނުމަށް ކުރެވޭ މަސައްކަތުގައި އެހީތެރިކަން ފޯރުކޮށްދޭން ރައީސް ނަޝީދު ވަނީ ހުށަހަޅުއްވާފައެވެ. އެ ހުށަހެޅުން ބޮޑުވަޒީރު ރަނިލް ގަބޫލުކުރައްވައި އޭގެ އިތުރަށް ރަނިލް ވަނީ، އެގައުމަށް އެހީ ހޯދުމަށް ކުރެވޭ މަސައްކަތް ވިލަރެސް ކުރުމަށް ރައީސް ނަޝީދު ހަމަޖައްސަވާފައެވެ.
މިކަން ފާހަގަ ކުރަށްވައި ޢަބްދުﷲ ޝާހިދު މިރޭ ވިދާޅުވީ، ސްރީލަންކާއަށް ދިމާވެފައިވާ ހާލަތުން އަރައިގަތުމަށް ބައިނަލްއަގުވާމީ އެހީތެރިކަން ހޯދުމުގެ މަސައްކަތުގެ ވިލަރެސްވެރިޔަކަށް ރައީސް ނަޝީދު ހަމަޖައްސަވާފައިވާތީ އެކަމަށްޓަކައި އެމަނިކުފާނަށް މަރުހަބާ ދަންނަވާކަމަށެވެ.
ޝާހިދު އިތުރަށް ވިދާޅުވީ، ރާއްޖެއާއި ސްރީލަންކާއަކީ ޒަމާންވީ އެކުވެރި ރަހުމަތްތެރި ދެ ގައުމު ކަމަށާއި އެހެންކަމުން، ދިމާވާ ދަތި އުނދަގޫ ހާލަތްތަކުގައި އެހީތެރިވެދެވެންއޮތް ކޮންމެ ގޮތަކުންވެސް އެހީތެރިވެދިނުމަށް ރާއްޖެއިން ތައްޔާރަށް އޮތްކަމަށެވެ.
ރައީސް ނަޝީދަށް ޝާހިދު މަރުހަބާ ދަންނަވާފައިވާއިރު މިކަމާއި ގުޅިގެން، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވެސް މިރޭ ވަނީ ރައީސް ނަޝީދަށް މަރުހަބާ ވިދާޅުވެފައެވެ.
ލަންކާއަށް ކުރިމަތިވެފައިވާ މި އިގްތިސާދީ ހާލަތާއެކު އެ ގައުމުގެ ސިޔާސީ މަޝްރަހަށް ވެސް ވަނީ ނުތަނަވަސްކަން ވެރިވެފައެވެ. އެއާއެކު ސަރުކާރަށް ވެސް ބޮޑެތި ބަދަލުތަކެއް ދަނީ އަންނަމުންނެވެ. ލަންކާ އިގުތިސާދު ބޮޑު އަނދަވަޅަކަށް ވެއްޓި، ރައްޔިތުން ހާލުގައި ޖެހިފައިވާތީ ރައްޔިތުން އަންނަނީ މަގުތަކަށް ނުކުމެ ސަރުކާރާ ދެކޮޅަށް އަޑުއުފުލަމުންނެވެ. އަދި ދިމާވެފައިވާ އިގުތިސާދީ ކާރިސާއިން އަރައިގަތުމަށް އެގައުމުގެ އާ ބޮޑުވަޒީރު ވަނީ ބައިނަލްއަގުވާމީ ފަރާތްތަކުގެ އެހީތެރިކަމަށް އެދިވަޑައިގެންފައެވެ.
ލަންކާއަށް ބައިނަލްއަގުވާމީ އެހީ ހޯދުމުގެ ވިލަރެސްވެރިޔަކަށް ލަންކާ ސަރުކާރުން، ރައީސް ނަޝީދު ހަމަޖައްސަވާފައިވާއިރު، އެމަނިކުފާނަކީ ބައިނަލްއަގުވާމީ ދުނިޔެއާއި ވަރަށް ރަހުމަތްތެރި ބޭފުޅެކެވެ. ހާއްސަކޮށް އެމަނިކުފާނުގެ ތަގުރީރުތަކަކީ ބައިނަލްއަގުވާމީ ދުނިޔެއިން ވަރަށް ބޮޑަށް ބަލައިގަންނަ ތަގުރީރުތަކެއްކަން ފާހަގަކޮށްލެވެއެވެ.
މިކަން ފާހަގަ ކުރަށްވައި ޢަބްދުﷲ ޝާހިދު މިރޭ ވިދާޅުވީ، ސްރީލަންކާއަށް ދިމާވެފައިވާ ހާލަތުން އަރައިގަތުމަށް ބައިނަލްއަގުވާމީ އެހީތެރިކަން ހޯދުމުގެ މަސައްކަތުގެ ވިލަރެސްވެރިޔަކަށް ރައީސް ނަޝީދު ހަމަޖައްސަވާފައިވާތީ އެކަމަށްޓަކައި އެމަނިކުފާނަށް މަރުހަބާ ދަންނަވާކަމަށެވެ.
ޝާހިދު އިތުރަށް ވިދާޅުވީ، ރާއްޖެއާއި ސްރީލަންކާއަކީ ޒަމާންވީ އެކުވެރި ރަހުމަތްތެރި ދެ ގައުމު ކަމަށާއި އެހެންކަމުން، ދިމާވާ ދަތި އުނދަގޫ ހާލަތްތަކުގައި އެހީތެރިވެދެވެންއޮތް ކޮންމެ ގޮތަކުންވެސް އެހީތެރިވެދިނުމަށް ރާއްޖެއިން ތައްޔާރަށް އޮތްކަމަށެވެ.
ރައީސް ނަޝީދަށް ޝާހިދު މަރުހަބާ ދަންނަވާފައިވާއިރު މިކަމާއި ގުޅިގެން، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވެސް މިރޭ ވަނީ ރައީސް ނަޝީދަށް މަރުހަބާ ވިދާޅުވެފައެވެ.
The #Maldives and #SriLanka are long standing friends, neighbours and partners. As such we are always ready to support in anyway possible.
— Abdulla Shahid (@abdulla_shahid) May 19, 2022
Welcome President @MohamedNasheed’s appointment by
PM @RW_UNP to coordinate international relief efforts for Sri Lanka.
ލަންކާއަށް ބައިނަލްއަގުވާމީ އެހީ ހޯދުމުގެ ވިލަރެސްވެރިޔަކަށް ލަންކާ ސަރުކާރުން، ރައީސް ނަޝީދު ހަމަޖައްސަވާފައިވާއިރު، އެމަނިކުފާނަކީ ބައިނަލްއަގުވާމީ ދުނިޔެއާއި ވަރަށް ރަހުމަތްތެރި ބޭފުޅެކެވެ. ހާއްސަކޮށް އެމަނިކުފާނުގެ ތަގުރީރުތަކަކީ ބައިނަލްއަގުވާމީ ދުނިޔެއިން ވަރަށް ބޮޑަށް ބަލައިގަންނަ ތަގުރީރުތަކެއްކަން ފާހަގަކޮށްލެވެއެވެ.
ކިޔުންތެރިންގެ ހިޔާލު