މާލޭގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތުގެ ދަށުން ސޯސަންމަގާއި ޗާންދަނީ މަގާއެކު 15 މަގެއްގައި ތާރު އެޅުމަށް ނިންމާފައިވާކަމަށް ރޯޑް ޑިވެލޮޕްމަންޓް ކޯޕަރޭޝަން، އާރުޑީސީން ބުނެފިއެވެ.

މާލޭގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތުގެ ތެރެއިން 15 މަގުގައި ތާރު އެޅުމަށް ހަމަޖެހިފައިވާއިރު މީގެތެރޭގައި މާލޭގެ އެންމެ ބޮޑެތި މަގުތައްވެސް ހިމެނޭކަމަށް އާރުޑީސީން ބުނެއެވެ.

އާރުޑީސީން ބުނީ މި މަގުތަކުގެ ތެރެއިން ފުޅާ މިނުގައި 5 މީޓަރާއި 10 މީޓަރުގެ ފުޅާމިނަށް ތާރު އެޅުމަށް ހަމަޖެހިފައިވާކަމަށެވެ.

ތާރު އެޅުމަށް ހަމަޖެހިފައިވާ މަގުތަކަކީ،

ކަނބާ އައިސަ ރަނި ހިނގުން - 10.5 މީޓަރ ފުޅާމިނަށް ތާރު އަޅާނެ

އަމީނީ މަގު - 10.2 މީޓަރ ފުޅާމިނަށް ތާރު އަޅާނެ

ޝަހީދު އަލީ ހިނގުން - 6 މީޓަރ ފުޅާމިނަށް ތާރު އަޅާނެ

ޢިއްޒުއްދީން މަގު- 7.5 މީޓަރ ފުޅާމިނަށް ތާރު އަޅާނެ

ހަނދުވަރީ ހިނގުން - 6.4 މީޓަރ ފުޅާމިނަށް ތާރު އަޅާނެ

މުރަނގަ މަގު - 7.5 މީޓަރ ފުޅާމިނަށް ތާރު އަޅާނެ

ހަވީރީ ހިނގުން - 5.6 މީޓަރ ފުޅާމިނަށް ތާރު އަޅާނެ

މާވެޔޮ މަގު - 7.8 މީޓަރ ފުޅާމިނަށް ތާރު އަޅާނެ

މުއިވެޔޮ މަގު - 7.5 މީޓަރ ފުޅާމިނަށް ތާރު އަޅާނެ

ޗާންދަނީ މަގު - 6.4 މީޓަރ ފުޅާމިނަށް ތާރު އަޅާނެ

ރަތްދެބައި މަގު - 5 މީޓަރ ފުޅާމިނަށް ތާރު އަޅާނެ

ލިލީ މަގު - 6.8 މީޓަރ ފުޅާމިނަށް ތާރު އަޅާނެ

އަލިކިލޭގެ ފާނުމަގު - 7.5 މީޓަރ ފުޅާމިނަށް ތާރު އަޅާނެ

ލޮނުޒިޔާރަތް މަގު - 5.4 މީޓަރ ފުޅާމިނަށް ތާރު އަޅާނެ

ސޯސަން މަގު - 11.9 މީޓަރ މީޓަރ ފުޅާމިނަށް ތާރު އަޅާނެ

މާލޭގެ 15 މަގެއްގައި ތާރު އަޅައިގެން ތަރައްޤީކުރުމުގެ މަސައްކަތް އާރްޑީސީއާ މާލޭ ސިޓީ ކައުންސިލުން ހަވާލުކުރައްވާފައިވަނީ މިދިޔަ އަހަރުގެ އޮކްޓޯބަރުމަހު 11 ވަނަ ދުވަހުއެވެ.

މި އެއްބަސްވުމަކީ މާލޭ ސިޓީގެ ކުރީގެ ކައުންސިލުން އާރް.ޑީ.ސީއާއެކު ޢަމަލީ މަސައްކަތް ފަށާފައިވާ "މާލޭ ސްޓްރީޓް ސްކޭޕިންގ ޕްރޮޖެކްޓް"ގެ މަޝްރޫޢުގެ ސްކޯޕަށް ބޮޑެތި ބަދަލުތަކެއް ގެނައުމަށްފަހު އަލުން އެކުންފުންޏާއެކު ވެފައިވާ އެއްބަސްވުމެކެވެ.

މި މަޝްރޫޢުގެ ދަށުން މާލޭގެ 105 މަގެއް ހިމެނޭހެން 18 ކިލޯމީޓަރުގެ މަގު ޒަމާނީ ފެންވަރަށް ތަރައްޤީކުރުމަށް ވަނީ ނިންމާފައެވެ. މި މަޝްރޫޢު އާރުޑީސީއާ ޙަވާލުކޮށްފައިވަނީ 2 އަހަރު ދުވަހުން ޢަމަލީ މަސައްކަތް ނިންމާގޮތަށެވެ.