އަމިއްލަ ގޭގައި ހުރެގެން ފާޅުކުރާ ހިޔާލަކުން އާންމު މަސްލަހަތު ނުގެއްލޭނެ ކަމަށް ރައީސް ޔާމީންގެ ވަކީލުން ހައިކޯޓުގައި މިއަދު ބުނެފިއެވެ.
ކުރީގެ ރައީސް އަބްދުﷲ ޔާމީން ދިރިއުޅުއްވާ ހ. ދޫވެހީގައި ދަމާފައިހުރި "އިންޑިއާ އައުޓް" ބެނާ ނެގުމަށް ކްރިމިނަލް ކޯޓުން ނެރުނު ކޯޓުއަމުރު ބާތިލު ކޮށްދިނުމަށް އެދި ރައީސް ޔާމީންގެ ފަރާތްޕުޅުން އެއަމުރު ހައިކޯޓުގައިވަނީ އިސްތިޢުނާފު ކޮށްފައެވެ. އެކަމާގުޅިގެން ހައިކޯޓުން މިއަދުވަނީ އެ މައްސަލައިގެ އިސްތިޢުނާފް އަޑުއެހުމެއް ކުރިއަށް ގެންގޮސްފައެވެ.
އެއަމުރު ހައިކޯޓުގައި އިސްތިޢުނާފް ކޮށްފައިވަނީ ކްރިމިނަލް ކޯޓުން އަމުރު ނެރެދީފައިވަނީ ގާނޫނާ ހިލާފަށް ކަމަށާއި ފުލުހުން ބެނާ ނެގުމުގައި އަމަލުކޮށްފައިވަނީވެސް ގާނޫނާ ހިލާފަށް ކަމަށް ބުނެއެވެ. ކޯޓު އަމުރުގައި ތުހުމަތުކޮށްފައި އޮތް ކުށަކީ އާންމު މަސްލަހަތަށް ގެއްލުން ދިނުމުގެ ކުށެވެ. ކޯޓު އަމުރުގައި ފުލުހުން ހަވާލާދީފައިވާ މާއްދާގައި ވަނީ ޖާއިޒު މަގުސަދެއް ހާސިލުނުވާނެ އަމަލަކުން ނުރައްކާތެރި ނުވަތަ މާއްދީ ގޮތުން ހުތުރު ނުވަތަ މީހުން ބިރުގަންނަ ފަދަ ހާލަތެއް އުފެއްދުމަކީ ކުށެއް ކަމަށެވެ.
ހައިކޯޓުގައި މިއަދު ކުރިއަށް ގެންދިޔަ އަޑުއެހުމުގައި ރައީސް ޔާމީންގެ ފަރާތްޕުޅުން ވަކީލު އަބްދުﷲ ޝިޔާޒު ބުނެފައިވަނީ ގާނޫނުން ކޮންމެ ރައްޔިތަކަށް ލިބިދީފައިވާ ހިޔާލުފާޅުކުރުމުގެ މިނިވަންކަމުގެ ދަށުން އަމިއްލަ ގޭގައި ހުރެގެން ފާޅުކުރާ ހިޔާލަކީ އާންމު ތަނެއްގައި ހުރެ ފާޅުކުރި އަދި އާންމު މަސްލަހަތު ގެއްލޭ ކަމެއް ކަމަށް ނުބެލެވޭނެ ކަމަށެވެ. އަދި އެފަދަ އަމުރުތައް ނެރެން ފުރުސަތު ދީފިނަމަ ކުރިއަށް އޮތް ތަނުގައި ފުލުހުން ރައްޔިތުންގެ އަތާއި ފަޔާއި ދޫ ވެސް ގެންގޮސްފާނެ ކަމަށް ރައީސް ޔާމީންގެ ވަކީލުން ވަނީ ބުނެފައެވެ.
އޭގެ އިތުރުން ކޯޓު އަމުރެއް ނެރެގެން ޙުރުމަތްތެރިވެގެންވާ އަމިއްލަ މުދަލުގައި ދަމާފައި ހުރި ބެނާއެއް ގެންދެވޭނެ ކަމަށް ގަބޫލުނުކުރައްވާ ކަމަށްވެސް ރައީސް ޔާމީންގެ ވަކީލުން ވަނީ ބުނެފައެވެ. ހަމައެއާއެކު އެ ބެނާގެ ސަބަބުން އާއްމު މަސްލަޙަތަށް ނުރައްކާވަނީ ކޮންގޮތަކުންކަން ފުލުހުންނަށް ބުނެދެވިފައި ނުވާކަމަށްވެސް ރައީސް ޔާމީންގެ ވަކީލުން ބުނެފައިވެއެވެ.
އަދި ފުލުހުން ހަވާލާދޭ ކުށުގެ މާއްދާތަކުގައިވާ ކަންކަމާއި ރައީސް ޔާމީން ކުރެއްވި ކަމަށް ބުނާ އަމަލާ ގުޅުމެއް ނެތް ކަމަށް ވަކީލުން ވަނީ ބުނެފައެވެ. އެހެންކަމުންއެ އަމުރު ބާތިލުކޮށްދިނުމަށް ރައީސް ޔާމީންގެ ފަރާތުން ހައިކޯޓުގައި ވަނީ އެދިފައެވެ.
މިއަދުގެ އަޑުއެހުމަށް ކަނޑައަޅާފައިވާ ވަގުތު ހަމަވުމުން ދެން އޮންނަ އަޑުއެހުމެއްގައި ފުލުހުންނަށް ފުރުސަތު ދޭނެކަމަށްބުނެ ފަނޑިޔާރުންގެ ބެންޗުން ވަނީ އަޑުއެހުން ނިންމާލާފައެވެ. ހައި ކޯޓުގައި މި މައްސަލަ ބައްލަވާ ބެންޗުގައި ތިއްބަވަނީ، ފަނޑިޔާރު ހަސަން ޝަފީއު އާއި، ފަނޑިޔާރު މުހައްމަދު ނިޔާޒު އަދި ފަނޑިޔާރު ހުސެއިން ޝަހީދެވެ.
ފުލުހުން ކޯޓު އަމުރާއެކު ދޫވެއްސާއި ޕީޕީއެމްގެ އިދާރީ އޮފީސް ހުންނަ ހުރަފާގެއަށް ވަދެ ބެނާތައް ތިރިކޮށްފައިވަނީ މިދިޔަ މަހުގެ 21 ވަނަ ދުވަހުއެވެ.
އެއަމުރު ހައިކޯޓުގައި އިސްތިޢުނާފް ކޮށްފައިވަނީ ކްރިމިނަލް ކޯޓުން އަމުރު ނެރެދީފައިވަނީ ގާނޫނާ ހިލާފަށް ކަމަށާއި ފުލުހުން ބެނާ ނެގުމުގައި އަމަލުކޮށްފައިވަނީވެސް ގާނޫނާ ހިލާފަށް ކަމަށް ބުނެއެވެ. ކޯޓު އަމުރުގައި ތުހުމަތުކޮށްފައި އޮތް ކުށަކީ އާންމު މަސްލަހަތަށް ގެއްލުން ދިނުމުގެ ކުށެވެ. ކޯޓު އަމުރުގައި ފުލުހުން ހަވާލާދީފައިވާ މާއްދާގައި ވަނީ ޖާއިޒު މަގުސަދެއް ހާސިލުނުވާނެ އަމަލަކުން ނުރައްކާތެރި ނުވަތަ މާއްދީ ގޮތުން ހުތުރު ނުވަތަ މީހުން ބިރުގަންނަ ފަދަ ހާލަތެއް އުފެއްދުމަކީ ކުށެއް ކަމަށެވެ.
ހައިކޯޓުގައި މިއަދު ކުރިއަށް ގެންދިޔަ އަޑުއެހުމުގައި ރައީސް ޔާމީންގެ ފަރާތްޕުޅުން ވަކީލު އަބްދުﷲ ޝިޔާޒު ބުނެފައިވަނީ ގާނޫނުން ކޮންމެ ރައްޔިތަކަށް ލިބިދީފައިވާ ހިޔާލުފާޅުކުރުމުގެ މިނިވަންކަމުގެ ދަށުން އަމިއްލަ ގޭގައި ހުރެގެން ފާޅުކުރާ ހިޔާލަކީ އާންމު ތަނެއްގައި ހުރެ ފާޅުކުރި އަދި އާންމު މަސްލަހަތު ގެއްލޭ ކަމެއް ކަމަށް ނުބެލެވޭނެ ކަމަށެވެ. އަދި އެފަދަ އަމުރުތައް ނެރެން ފުރުސަތު ދީފިނަމަ ކުރިއަށް އޮތް ތަނުގައި ފުލުހުން ރައްޔިތުންގެ އަތާއި ފަޔާއި ދޫ ވެސް ގެންގޮސްފާނެ ކަމަށް ރައީސް ޔާމީންގެ ވަކީލުން ވަނީ ބުނެފައެވެ.
އޭގެ އިތުރުން ކޯޓު އަމުރެއް ނެރެގެން ޙުރުމަތްތެރިވެގެންވާ އަމިއްލަ މުދަލުގައި ދަމާފައި ހުރި ބެނާއެއް ގެންދެވޭނެ ކަމަށް ގަބޫލުނުކުރައްވާ ކަމަށްވެސް ރައީސް ޔާމީންގެ ވަކީލުން ވަނީ ބުނެފައެވެ. ހަމައެއާއެކު އެ ބެނާގެ ސަބަބުން އާއްމު މަސްލަޙަތަށް ނުރައްކާވަނީ ކޮންގޮތަކުންކަން ފުލުހުންނަށް ބުނެދެވިފައި ނުވާކަމަށްވެސް ރައީސް ޔާމީންގެ ވަކީލުން ބުނެފައިވެއެވެ.
އަދި ފުލުހުން ހަވާލާދޭ ކުށުގެ މާއްދާތަކުގައިވާ ކަންކަމާއި ރައީސް ޔާމީން ކުރެއްވި ކަމަށް ބުނާ އަމަލާ ގުޅުމެއް ނެތް ކަމަށް ވަކީލުން ވަނީ ބުނެފައެވެ. އެހެންކަމުންއެ އަމުރު ބާތިލުކޮށްދިނުމަށް ރައީސް ޔާމީންގެ ފަރާތުން ހައިކޯޓުގައި ވަނީ އެދިފައެވެ.
ފުލުހުން ކޯޓު އަމުރާއެކު ދޫވެއްސާއި ޕީޕީއެމްގެ އިދާރީ އޮފީސް ހުންނަ ހުރަފާގެއަށް ވަދެ ބެނާތައް ތިރިކޮށްފައިވަނީ މިދިޔަ މަހުގެ 21 ވަނަ ދުވަހުއެވެ.
ކިޔުންތެރިންގެ ހިޔާލު