ވޭމަންޑޫ އާއި ކިނބިދޫ ގުޅާލުމަށް 522 މިލިޔަން ރުފިޔާ ހަރަދުވާނެ ކަމަށާއި އެވަރުގެ ބަޖެޓެއް މިވަގުތު ނެތްކަމަށް މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އަލްފާޟިލް މުޙައްމަދު އަސްލަމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ތިމަރަފުށި ދާއިރާގެ މެންބަރު ޢަބްދުالله ރިޔާޟް، މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އަލްފާޟިލް މުޙައްމަދު އަސްލަމްއާ ކުރެއްވި ސުވާލަށް ޖަވާބު ދެއްވަމުން މިނިސްޓަރ ވިދާޅުވީ ތ.ވޭމަންޑޫ އާއި ކިނބިދޫ ކޯޒްވޭއަކުން ގުޅާލުމަށް ކުރިއަށްގެންދާ މަސައްކަތަށް 522 މިލިޔަން ރުފިޔާ ހަރަދުވާނެ ކަމަށް ލަފާކުރެވޭ ކަމަށެވެ. އަސްލަމް ވިދާޅުވީ މި އަހަރުގެ ބަޖެޓްގައިވެސް އެމަސައްކަތަށް ކަނޑައެޅިފައި އޮތީ، އެއް މިލިއަނެއްހާ ރުފިޔާ ކަމަށެވެ.
މިނިސްޓަރު ވިދާޅުވީ އެ މަޝްރޫއު ހިންގުމަށް ބޭނުންވާ އެހެނިހެން މަސައްކަތްތައް ނިމިފައިވީ ނަމަވެސް މަސައްކަތުގެ ބަޖެޓް ހަމަޖެހިފައިނުވާކަމަށެވެ. އެގޮތުން އެސަރަހައްދުގައި ރިސޯޓެއްގެ ގޮތުގައި ތަރަައްގީ ކުރުމަށް ކަނޑައަޅާފައިވާ ރަށެއްގެ މައްސަލަވެސް މިހާރު ޙައްލު ކުރަށްވާފައިވާކަމަށް މިނިސްޓަރ ވިދާޅުވިއެވެ. ނަމަވެސް އެކަށީގެންވާ ބަޖެޓް ހަމަނުޖެހި މަސައްކަތް ފެށޭނެ ތާރީޚެއް ދަންނަވަން އެނގިވަޑައިނުގަންނަވާ ކަމަށް މިނިސްޓަރ ވިދާޅުވިއެވެ.
ތ.ވޭމަންޑޫ އާއި ކިނބިދޫ ކޯޒްވޭއަކުން ގުޅާލުމުގެ މަސައްކަތަކީ ރައީސް ޞާލިޙްގެ ރިޔާސީ ވަޢުދުފުޅެއްކަން ފާހަގަ ކުރަށްވަމުން މިނިސްޓަރ ވިދާޅުވީ ރައީސްގެ ވަޢުދުފުޅުތައް މިދައުރުގެ ތެރޭގައި ފުއްދަވާނެކަމަށެވެ.
ތ.ވޭމަންޑޫ އާއި ކިނބިދޫ ކޯޒްވޭއަކުން ގުޅާލުމުގެ މަސައްކަތަކީ ރައީސް ޞާލިޙްގެ ރިޔާސީ ވަޢުދުފުޅެއްކަން ފާހަގަ ކުރަށްވަމުން މިނިސްޓަރ ވިދާޅުވީ ރައީސްގެ ވަޢުދުފުޅުތައް މިދައުރުގެ ތެރޭގައި ފުއްދަވާނެކަމަށެވެ.
ކިޔުންތެރިންގެ ހިޔާލު