ރިސޯޓު ކުއްޔަކީ ސިޔާސީ ހަތިޔާރަކަށް ނުހަދާނެ ކަމަށާއި އެންމެންވެސް ކަނޑައެޅިފައިވާ ކުލި ދަޢުލަތަށް ދައްކަންޖެހޭނެ ކަމަށް ފަތުރުވެރިކަމާބެހޭ ވަޒީރު ޑރ. ޢަބްދުالله މައުސޫމް ވިދާޅުވެއްޖެއެވެ.
މިއަދު ކުރިއަށްދާ ރައްޔިތުންގެ މަޖިލީހުގެ ޖަލްސާގައި ވާހަކަ ދައްކަވަމުން ފަތުރުވެރިކަމާބެހޭ ވަޒީރު ޑރ. ޢަބްދުالله މައުސޫމް ވިދާޅުވީ ކުލި ހޯދުމަށް ކުރަންޖެހޭ މަސައްކަތްތައް ފަތުރުވެރިކަމާ ބެހޭ ވުޒާރާއިން ކުރަމުންގެންދާ ކަމަށެވެ. އަދި އެކަމުގައި ދޫނުދެއްވާނެ ކަމަށް ޑރ. މައުސޫމް ވިދާޅުވިއެވެ.
އެމޭރުމުން ވާހަކަ ކުރިއަށް ގެންދަވަމުން ޑރ. މައުސޫމް ވިދާޅުވީ މިހާރުވެސް ކުލި ނުދައްކާ 18 ރިސޯޓަކަށް ނޯޓިސް ދީފައިވާ ކަމަށެވެ. ރިސޯޓް ކުލި ނުދައްކާ ފަރާތްތަކުގެ އެގްރީމެންޓް ބާތިލު ކުރުމުގެ އިޚްތިޔާރު މިނިސްޓްރީއަށް އޮތް ނަމަވެސް އެއީ މުޅި އިޤްތިސާދަށް އެންމެ ރަނގަޅު ނިންމުމަކަށް ނުވާނެކަމަށް މިނިސްޓަރ ވިދާޅުވިއެވެ.
"މަސައްކަތް ކުރަމުންދަނީ ދެފަރާތުން ވާހަކަދައްކައިގެން އެކަމަށް ހައްލު ހޯދުމަށް." މިނިސްޓަރ މައުސޫމް މިއަދު ވިދާޅުވިއެވެ.
މިނިސްޓަރ މިއަދު ވިދާޅުވީ މިއީ ދާއިމަށް މިކަން ކުރެވޭނެ ގޮތެއް ނޫންކަމަށާއި އަދި ފަތުރުވެރިކަން ސިޔާސީ ހަތިޔާރެއްގެ ގޮތުގައި ބޭނުމެއް ނުކުރާނެ ކަމަށެވެ.
މީރާއިން ޢާއްމުކޮށްފައިވާ ތަފާސްހިސާބުތައް ދައްކާގޮތުން 12 ރިސޯޓަކުން މިހާރުވެސް ދަޢުލަތަށް 665 މިލިއަން ރުފިޔާ ނުދައްކާ އެބައޮތެވެ.
އެމޭރުމުން ވާހަކަ ކުރިއަށް ގެންދަވަމުން ޑރ. މައުސޫމް ވިދާޅުވީ މިހާރުވެސް ކުލި ނުދައްކާ 18 ރިސޯޓަކަށް ނޯޓިސް ދީފައިވާ ކަމަށެވެ. ރިސޯޓް ކުލި ނުދައްކާ ފަރާތްތަކުގެ އެގްރީމެންޓް ބާތިލު ކުރުމުގެ އިޚްތިޔާރު މިނިސްޓްރީއަށް އޮތް ނަމަވެސް އެއީ މުޅި އިޤްތިސާދަށް އެންމެ ރަނގަޅު ނިންމުމަކަށް ނުވާނެކަމަށް މިނިސްޓަރ ވިދާޅުވިއެވެ.
"މަސައްކަތް ކުރަމުންދަނީ ދެފަރާތުން ވާހަކަދައްކައިގެން އެކަމަށް ހައްލު ހޯދުމަށް." މިނިސްޓަރ މައުސޫމް މިއަދު ވިދާޅުވިއެވެ.
މީރާއިން ޢާއްމުކޮށްފައިވާ ތަފާސްހިސާބުތައް ދައްކާގޮތުން 12 ރިސޯޓަކުން މިހާރުވެސް ދަޢުލަތަށް 665 މިލިއަން ރުފިޔާ ނުދައްކާ އެބައޮތެވެ.
ކިޔުންތެރިންގެ ހިޔާލު