ތިލަމާލެ ބްރިޖް ހިލޭ އަޅައިދޭނެކަމަށް އެމަނިކުފާނުގެ ވެރިކަމުގައި ޗައިނާ ސަރުކާރުން ބުނި ކަމަށް އިދިކޮޅު ލީޑަރު އަދި ކުރީގެ ރައީސް ޔާމީން އަބްދުލްގައްޔޫމް ވިދާޅުވެއްޖެއެވެ.
ޕީޕީއެމުން މިރޭ ބޭއްވި "މަވެސް ޕީޕީއެމް" ޖަލްސާގައި ބުރިޖާ ގުޅޭގޮތުން ވާހަކަ ދައްކަވަމުން ރައީސް ޔާމީން ވިދާޅުވީ ރައީސް އިބްރާހިމް މުޙައްމަދު ޞާލިޙްގެ ސަރުކާރުން، ނެތް ވަރުން ތިލަމާލެ ބްރިޖް އެޅުމަށް މަސައްކަތް ކުރަނީ އެމަނިކުފާނުގެ ޒައާމަތުގައި ސިނަމާލެ ބްރިޖް އެޅުމުން އެކަމުގެ ވާދައިގައި ކަމަށެވެ. އެކަމަކު އެހެން އެކަން ކޮށްގެން ނުވާނެކަން ފާހަގަކުރައްވައި އެމަނިކުފާނު ވަނީ އެ ބުރިޖުގެ މަސައްކަތާއި، ކުރާ ހަރަދާ ނުބައްދަލުކަމަށް ވިދާޅުވެފައެވެ.
"ރައީސް ޔާމީން ދެވަނަ ދައުރަކަށް އިންތިހާބުވި ނަމަ ޗައިނާގެ ރައީސް ޝީ ޖިންޕިން ވަނީ އެ ބުރިޖު ހިލޭ އަޅައިދޭނެ ކަމަށް ވިދާޅުވެފަ." ރައީސް ޔާމީން ވިދާޅުވިއެވެ.
އެމަނިކުފާނު ވިދާޅުވީ، މި ވަގުތު ރައްޔިތުން އެދެނީ އިތުރު ބްރިޖަކަށް ނޫން ކަމަށާއި، ރައްޔިތުން އެދެނީ ފުދުންތެރި ދިރިއުޅުމަކަށް ކަމަށެވެ. އަދި ތިލަމާލެ ބްރިޖަކީ ރައްޔިތުންގެ ލާބައަށް އަޅާ ބްރިޖެއް ނޫން ކަމަށާއި، އެއީ ސިޔާސީ މަންފާއަށް ހިންގާ މަޝްރޫއެއް ކަމަށް ވިދާޅުވިއެވެ.
ރާއްޖޭގެ އިގުތިސާދީ ހާލަތާއި ގުޅޭގޮތުން ވާހަކަފުޅު ދައްކަވަމުން އެ މަނިކުފާނުގެ ދައުރުގައި ރާއްޖޭގެ އިގްތިސޯދު އޮތް ހާލަތަށް އަލިއަޅުއްވާލައްވަމުން ވިދާޅުވީ އޭރު ރާއްޖެ އަކީ ސަލާން ޖަހާ ގައުމެއް ނޫން ކަމަށެވެ. އެކަމަކު މިހާރު މި ސަރުކާރުގައި ރާއްޖެ އަކީ ސަލާމް ޖަހާ ގައުމަކަށް ވެފައިވާކަމަށް ރައީސް ޔާމީން ވިދާޅުވިއެވެ.
"ރައީސް ޔާމީން ދެވަނަ ދައުރަކަށް އިންތިހާބުވި ނަމަ ޗައިނާގެ ރައީސް ޝީ ޖިންޕިން ވަނީ އެ ބުރިޖު ހިލޭ އަޅައިދޭނެ ކަމަށް ވިދާޅުވެފަ." ރައީސް ޔާމީން ވިދާޅުވިއެވެ.
ރާއްޖޭގެ އިގުތިސާދީ ހާލަތާއި ގުޅޭގޮތުން ވާހަކަފުޅު ދައްކަވަމުން އެ މަނިކުފާނުގެ ދައުރުގައި ރާއްޖޭގެ އިގްތިސޯދު އޮތް ހާލަތަށް އަލިއަޅުއްވާލައްވަމުން ވިދާޅުވީ އޭރު ރާއްޖެ އަކީ ސަލާން ޖަހާ ގައުމެއް ނޫން ކަމަށެވެ. އެކަމަކު މިހާރު މި ސަރުކާރުގައި ރާއްޖެ އަކީ ސަލާމް ޖަހާ ގައުމަކަށް ވެފައިވާކަމަށް ރައީސް ޔާމީން ވިދާޅުވިއެވެ.
ކިޔުންތެރިންގެ ހިޔާލު