ރާއްޖޭގެ އެންމެ ބޮޑު ދެ ފުޓްބޯޅަ ކްލަބްކަމަށްވާ ވިކްޓަރީ އާއި ނިއުރޭޑިއަންޓް ސްޕޯޓްސް ކްލަބްގެ ސަސްޕެންޝަން އުވާލުމަކީ ކުޅިވަރަށް ލޯބިކުރާ އެތައް ބަޔަކަށް ލިބުނު ބޮޑު ހިތްހަމަޖެހުމެއްކަމަށް ހުޅުމާލެ ދާއިރާގެ މެންބަރު އަލީ ނިޔާޒު ވިދާޅުވެއްޖެއެވެ.
ކުޅިވަރުގެ ކަންކަމުގައިވެސް މަސްއޫލުވެ އުޅުއްވާ އަލީ ނިޔާޒު މިހެން ވިދާޅުވެފައި މިވަނީ ރާއްޖޭގެ އެކިއެކި ކުޅިވަރު މުބާރާތްތަކުގައި މިހާތަނަށް އެންމެ ބޮޑެތި ކާމިޔާބީތައް ހާސިލުކޮށްފައިވާ ނިއުރޭޑިއަންޓް އާއި ވިކްޓަރީ ސަސްޕެންޑްކޮށްފައި އޮތްއޮތުން ނިމުމަކަށް ގެނައުމާއި ގުޅިގެނެވެ.
ދެ ކްލަބްގެ ސަސްޕެންޝަން އުވާލުމާގުޅިގެން މަރުހަބާ ދަންނަވައި ރާއްޖޭގެ ކުޅިވަރު ކަންކަމުގައިވެސް މަސްއޫލުވެ އުޅުއްވާ އަލީ ނިޔާޒު ވިދާޅުވީ ބޮޑު ދެ ކްލަބް އަލުން އަނބުރާ ކުޅިވަރު ދަނޑުތަކަށް އައުމަށް އެހީތެރިވި އެންމެހާ ފަރާތްތަކަށް ފަށްފަށުން ޝުކުރު ދަންނަވާކަމަށެވެ. އަދި މިއީ ކުޅިވަރަށް ލޯބިކުރާ އެތައް ބަޔަކަށް ލިބުނު ހިތްހަމަޖެހުމެއްކަމަށް އަލީ ނިޔާޒު ވިދާޅުވިއެވެ.
ވިކްޓަރީ އާއި ނިއުރޭޑިއަންޓް ސަސްޕެންޑްކޮށްފައި އޮތީ ކުޅުންތެރިންނަށް ދޭންޖެހޭ ފައިސާތަކެއް ނުދީގެނެވެ. ނަމަވެސް އެ ދެ ކްލަބުގެ ހިންގުމާއި އައު މެނޭޖްމަންޓްތަކުން ހަވާލުވެ، ކްލަބްގެ ދަރަނިތައް ދައްކާ ވަނީ ހަލާސްކޮށްފައެވެ. އަދި އެ ކްލަބްތަކުން މިިހާރު ދަނީ ކުރިއަށް އޮތް ފުޓްބޯޅަ ސީޒަނަށް ތައްޔާރުވުމުގެ މަސައްކަތްތައް ކުރަމުންނެވެ.
ކުޅިވަރުގެ ދަނޑުތައް ފުރާލުމަކީ ރައީސް ޞާލިޙްގެ ރިޔާސީ ވަޢުދުފުޅެކެވެ. މިވަޢުދުފުޅާ އެއްގޮތަށް ރާއްޖޭގެ އެންމެ ދުވަސްވީ ދެކްލަބް ކަމަށްވާ ނިއުރޭޑިއަންޓް ސްޕޯޓްސް ކްލަބާއި، ވިކްޓަރީ ސްޕޯޓްސް ކްލަބް މުހިންމު ދައުރެއް އަދާކުރާނެ ކަމަށް ރައީސް ޞާލިޙް ދެކެވަޑައިގަންނަވައެވެ. އެގޮތުން ވިކްޓްރީ ގެ އިތުރުން ނިއުރޭޑިއަންޓްވެސް އަލުން އަނބުރާ ދަނޑަށް ގެނައުމަށްޓަކައި ރައީސް އިބްރާހީމް މުހައްމަދު ސޯލިހް އިސްދައުރެއް އަދާ ކުރައްވާފައިވާކަމަށް ނިއުރޭޑިއަންޓްގެ މިހާރުގެ ޗެއަރމަން އަހުމަދު ވާސިފުވެސް ވަނީ މީގެ ކުރިން ފާހަގަ ކުރައްވާފައެވެ.
ދެ ކްލަބްގެ ސަސްޕެންޝަން އުވާލުމާގުޅިގެން މަރުހަބާ ދަންނަވައި ރާއްޖޭގެ ކުޅިވަރު ކަންކަމުގައިވެސް މަސްއޫލުވެ އުޅުއްވާ އަލީ ނިޔާޒު ވިދާޅުވީ ބޮޑު ދެ ކްލަބް އަލުން އަނބުރާ ކުޅިވަރު ދަނޑުތަކަށް އައުމަށް އެހީތެރިވި އެންމެހާ ފަރާތްތަކަށް ފަށްފަށުން ޝުކުރު ދަންނަވާކަމަށެވެ. އަދި މިއީ ކުޅިވަރަށް ލޯބިކުރާ އެތައް ބަޔަކަށް ލިބުނު ހިތްހަމަޖެހުމެއްކަމަށް އަލީ ނިޔާޒު ވިދާޅުވިއެވެ.
މަރުޙަބާ! ކުޅިވަރަށް ލޯބިކުރާ އެތައް ބަޔަކަށް ލިބުނު ހިތްހަމަޖެހުމެއް. އަލުން އަނބުރާ ކުޅިވަރު ދަނޑުތަކަށް އައުމަށް އެހީތެރިވި އެންމެހާ ފަރާތްތަކަށް ފަށްފަށުން ޝުކުރު @OfficialVscMv @nrsc_mv pic.twitter.com/p7FNP0MBUI
— Ali Niyaz 🎈 (@ali_niya) July 2, 2022
ކުޅިވަރުގެ ދަނޑުތައް ފުރާލުމަކީ ރައީސް ޞާލިޙްގެ ރިޔާސީ ވަޢުދުފުޅެކެވެ. މިވަޢުދުފުޅާ އެއްގޮތަށް ރާއްޖޭގެ އެންމެ ދުވަސްވީ ދެކްލަބް ކަމަށްވާ ނިއުރޭޑިއަންޓް ސްޕޯޓްސް ކްލަބާއި، ވިކްޓަރީ ސްޕޯޓްސް ކްލަބް މުހިންމު ދައުރެއް އަދާކުރާނެ ކަމަށް ރައީސް ޞާލިޙް ދެކެވަޑައިގަންނަވައެވެ. އެގޮތުން ވިކްޓްރީ ގެ އިތުރުން ނިއުރޭޑިއަންޓްވެސް އަލުން އަނބުރާ ދަނޑަށް ގެނައުމަށްޓަކައި ރައީސް އިބްރާހީމް މުހައްމަދު ސޯލިހް އިސްދައުރެއް އަދާ ކުރައްވާފައިވާކަމަށް ނިއުރޭޑިއަންޓްގެ މިހާރުގެ ޗެއަރމަން އަހުމަދު ވާސިފުވެސް ވަނީ މީގެ ކުރިން ފާހަގަ ކުރައްވާފައެވެ.
ކިޔުންތެރިންގެ ހިޔާލު