ވިލިމާލޭގައި ޕިކްނިކް އޭރިއާއެއް ހެދުމުުގެ މަސައްކަތް ކުރަމުންދާކަމަށް މާލޭސިޓީގެ މޭޔަރު ޑރ. މުޙައްމަދު މުއިއްޒު ވިދާޅުވެއްޖެއެވެ.
މާލޭ ސިޓީ ރައްޔިތުންގެ ބައްދަލުވުމުގައި ރޭ ވާހަކަފުޅު ދައްކަވަމުން މޭޔަރު މުއިއްޒު ވިދާޅުވީ ވިލިމާލޭގައި ޕިކްނިކް އޭރިއާއެއް ގާއިމްކުރަން ނިންމާފައިވަނީ މިހާރުވެސް މޫދަށްއެރުމަށް ބޭނުންކުރާ ސަރަހައްދުގައި ކަމަށެވެ. އެގޮތުން ބާބަކިއު ސަރަހައްދަކާއި، ދެޖިންސަށް ވަކިން ފާޚާނާ ބަރިއަކާއި، ދަތުރުދާ މީހުންގެ ފަސޭހައަށް 10 ކޮޓަރިވެސް ހަދާނެ ކަމަށް މޭޔަރު ވިދާޅުވިއެވެ.
މުއިއްޒު ވިދާޅުވީ އެ ސަރަހައްދުގައި ޚާއްސައެހީއަށް ބޭނުންވާ މީހުނަށް މޫދަށް އެރެން ޚާއްސަކޮށް ރޭމްޕެއް ވެސް ގާއިމްކުރާނެ ކަމަށެވެ. ރޭމްޕް ތަރައްޤީ ކުރާނީ ވޯޓަރ ތެރަޕީއަށް ބޭނުންކުރެވޭ ގޮތަށް ކަމަށްވެސް މުއިއްޒު ވިދާޅުވިއެވެ.
މުއިއްޒު ވިދާޅުވީ ކައުންސިލްގެ އަމާޒަކީ ހަ މަސްދުވަހުގެ ތެރޭގައި ޕިކްނިކް އޭރިއާ ގާއިމްކޮށް ނިންމުން ކަމަށެވެ.
ރޭގެ ޖަލްސާގައި ވަނީ މާލެސިޓީ "ސްޕެޝަލް ކޮންސިޓިބިއުލަރީ"ގެ ހިދުމަތް އިފްތިތާހު ކޮށްފައެވެ. ހަމައެއާއެކު މާލެސިޓީ ކައުންސިލުން ފޯރުކޮށްދެމުންދާ ޚިދުމަތްތަކަށް އޮންލައިންކޮށް އެދެވޭގޮތަށް ފަރުމާކޮށްފައިވާ މާލެސިޓީ ކައުންސިލްގެ ޑިޖިޓަލް ޕޯޓަލް "މާވެހި" ވެސް އިފްތިތާޙް ކޮށްފައިވެއެވެ.
މުއިއްޒު ވިދާޅުވީ އެ ސަރަހައްދުގައި ޚާއްސައެހީއަށް ބޭނުންވާ މީހުނަށް މޫދަށް އެރެން ޚާއްސަކޮށް ރޭމްޕެއް ވެސް ގާއިމްކުރާނެ ކަމަށެވެ. ރޭމްޕް ތަރައްޤީ ކުރާނީ ވޯޓަރ ތެރަޕީއަށް ބޭނުންކުރެވޭ ގޮތަށް ކަމަށްވެސް މުއިއްޒު ވިދާޅުވިއެވެ.
ރޭގެ ޖަލްސާގައި ވަނީ މާލެސިޓީ "ސްޕެޝަލް ކޮންސިޓިބިއުލަރީ"ގެ ހިދުމަތް އިފްތިތާހު ކޮށްފައެވެ. ހަމައެއާއެކު މާލެސިޓީ ކައުންސިލުން ފޯރުކޮށްދެމުންދާ ޚިދުމަތްތަކަށް އޮންލައިންކޮށް އެދެވޭގޮތަށް ފަރުމާކޮށްފައިވާ މާލެސިޓީ ކައުންސިލްގެ ޑިޖިޓަލް ޕޯޓަލް "މާވެހި" ވެސް އިފްތިތާޙް ކޮށްފައިވެއެވެ.
ކިޔުންތެރިންގެ ހިޔާލު