މި ހިނގާ ޖުލައި މަހުގެ 28 ވަނަ ދުވަހަކީ ބަންދު ދުވަހެއް ކަމަށާއި ދެން ސަރުކާރުގެ އޮފީސްތައް ހުޅުވޭނީ މިމަހު 31 ގައި ކަމަށް ރައީސް އޮފީހުން ބުނެފިއެވެ.
ރައީސް އޮފީހުން މިއަދު ބުނީ، ކުރިން ވެސް ހަމަޖައްސާފައިވާ ގޮތަށް، ޖުލައި މަހުގެ 28 ވަނަ ދުވަހަކީ، ރާއްޖޭގެ މިނިވަން ދުވަހާއި ގުޅުވައިގެން އެ މުނާސަބަތަށް ބަންދު ކޮށްފައިވާ ދުވަހެއް ކަމަށެވެ. އެހެންކަމުން މިނިވަން ދުވަހާ ގުޅިގެން ލިބޭ ޗުއްޓީ ދުވަސްތަކަށް ފަހު ދެން ސަރުކާރުގެ އިދާރާތައް ހުޅުވޭނީ ޖުލައި 31 ވާ އާދިއްތަ ދުވަހު ކަމަށް ރައީސް އޮފީހުން ވަނީ ބުނެފައެވެ.
ނަމަވެސް، ޖުލައި މަހުގެ 24 ވަނަ ދުވަހާއި 25 ވަނަ ދުވަހު ސަރުކާރު ބަންދުކުރާގޮތަށް ހަމަޖެހިފައި ނުވާކަމަށް އެ އޮފީހުންވަނީ ބުނެފައެވެ.
އެ އޮފީހުން މިފަދައިން ބުނެފައި މިވަނީ، މިނިވަން ދުވަހާ ގުޅުވައިގެން ސަރުކާރު ބަންދުކުރި ދުވަސްތައް އޮޅޭގޮތަށް މީސް މީޑިއާގައި ބައެއް ފަރާތްތަކުން ވާހަކަތައް ފަތުރަމުން ދަނިކޮށެވެ.
އެ އޮފީހުން މިފަދައިން ބުނެފައި މިވަނީ، މިނިވަން ދުވަހާ ގުޅުވައިގެން ސަރުކާރު ބަންދުކުރި ދުވަސްތައް އޮޅޭގޮތަށް މީސް މީޑިއާގައި ބައެއް ފަރާތްތަކުން ވާހަކަތައް ފަތުރަމުން ދަނިކޮށެވެ.
ކިޔުންތެރިންގެ ހިޔާލު