ދިވެހިންނަކީ މިނިވަންކަން ދަމަހައްޓަން ގުރުބާންވާ ބައެއްކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.

މިނިވަން ދުވަހުގެ ތަހުނިޔާ ފޮނުވަމުން އެމަނިކުފާނު ކުރެއްވި ޓްވީޓެއްގައި މިއަދު ވިދާޅުވީ، ދިވެހީންނަކީ އަބަދުމެ މިނިވަންކަމަށް ލޯބިކުރާ ބައެއް ކަމަށެވެ. އަދި ދިވެހީންނަކީ އެ މިނިވަންކަން ހޯދުމަށާ މިނިވަންކަން ދެމެހެއްޓުމަށް ގުރުބާންވާ ބައެއް ކަމަށް ވެސް އެމަނިކުފާނު ވަނީ ވިދާޅުވެފައެވެ.

ރައީސް ނަޝީދު ވިދާޅުވީ، މިނިވަންކަމާމެދު ދިވެހީން ހިފަހައްޓާ އެ ގޮތްތައް ދިވެހީން ދޫ ނުކުރާނެކަމަށެވެ. މިފަދައިން ވިދާޅުވުމަށްފަހު އެމަނިކުފާނުވަނީ، ދިވެހި ރައްޔިތުންނަށް ރާއްޖޭގެ މިނިވަން ދުވަހުގެ މުނާސަބަތުގައި ތަހުނިޔާ ފޮނުއްވާފައެވެ.

Dhivehinakee abadhume minivankamah loabi kuraa baeh. E minivankan hoadhumah adhi dhemehettumah gurubaanvaa baeh. Mi goiy alhugadumen Dhivehin dhuleh nukuraane. Enme Dhivehinnah minivan dhuvahuge thahniya

— Mohamed Nasheed (@MohamedNasheed) July 26, 2022

މިއަދަކީ ރާއްޖޭގެ މިނިވަންކަމަށް 57 އަހަރު ފުރުން ފާހަގަ ކުރާ ދުވަހެވެ. މިއަދުގެ މުނާސަބަތުގައި މާލެއާއި އަތޮޅު ތަކުގައި މީހުން ދިރިއުޅޭ ހުރިހާ ރަށެއްގައި ވެސް މިއަދުވަނީ ދިދަ ނެގުމުގެ ހާއްސަ ރަސްމިއްޔާތެއް ބާއްވާފައެވެ.