ހުޅުމާލޭ ފޭސް އެކެއްގައި އިއްޔެ ހިނގި އަލިފާނުގެ ހާދިސާގައި، ގެއްލުން ލިބުނު އާއިލާއަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީން ވަގުތީ ބޯހިޔާވަވަހިކަން ހަމަޖައްސަދީފިއެވެ.
އެންޑީއެމްއޭ އިން ބުނީ އަލިފާނުގެ ހާދިސާ ހިނގާފައިވަނީ ދެމަފިރިއަކާއި ތިން ކުޑަކުދިން ދިރިއުޅެމުން ދިޔަ ދެކޮޓަރީގެ އެޕާޓްމަންޓެއްގައި ކަމަށެވެ. އެހެންކަމުން އެ ޢާއިލާއަށް ހަތް ދުވަހަށް ކެއިންބުއިމުގެ ޚަރަދާއި، ވަގުތީ ބޯހިޔާވަހިކަން ހަމަޖައްސައިދީފައިވާކަމަށް އެންޑީއެމްއޭ އިން ވަނީ ބުނެފައެވެ.
އެމްއެންޑީއެފުން އިއްޔެ ބުނީ ހުޅުމާލޭ ފޭސް އެކެއްގެ ގެއެއްގެ ބަދިގޭގައި އުދާފައި ހުރި ތެއްޔެއްގައި ރޯވި އަލިފާން އެމްއެންޑީއެފް ހުޅުމާލޭ ފަޔަރ ސްޓޭޝަންގެ ސިފައިން ނިއްވާލި ކަމަށެވެ.
މި ހާދިސާގެ ރިޕޯޓް އިއްޔެ މެންދުރުފަހު 14:09 ހާއިރު އެމްއެންޑީފް ފަޔަރ އެންޑް ރެސްކިޔު ސަރވިސްއަށް ލިބުމާއެކު އެމްއެންޑީއެފް ހުޅުމާލޭ ފަޔަރ ސްޓޭޝަންގެ ފަޔަމަނުން ހަރަކާތްތެރިވެ، ބަދިގޭގައި އުދާފައި ހުރި ތެލީގައި ރޯވި އަލިފާން ނިއްވާލީ 14:21 ހާއިރުއެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވެއެވެ.
އެމްއެންޑީއެފުން އިއްޔެ ބުނީ ހުޅުމާލޭ ފޭސް އެކެއްގެ ގެއެއްގެ ބަދިގޭގައި އުދާފައި ހުރި ތެއްޔެއްގައި ރޯވި އަލިފާން އެމްއެންޑީއެފް ހުޅުމާލޭ ފަޔަރ ސްޓޭޝަންގެ ސިފައިން ނިއްވާލި ކަމަށެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވެއެވެ.
ކިޔުންތެރިންގެ ހިޔާލު