ދިރާސާވެރިންގެ ނަޒާހަތްތެރިކަމާއި އިތުބާރު ދެމެހެއްޓުމަށް ޚާއްސަ ސަމާލުކަމެއް ދެއްވުމަށް ހަޔަރ އެޑިއުކޭޝަން މިނިސްޓަރު ޑރ. އިބްރާހިމް ހަސަން ގޮވާލައްވައިފިއެވެ.
މިނިސްޓަރ އިބްރާހިމް ޙަސަން މިމޭރުމުން ގޮވާލައްވާފައިވަނީ އިސްލާމިކް ޔުނިވަރސިޓީގައި ކުރިއަށްދާ 35 ވަނަ ކޮންފަރެންސް "މޮޑާން ސްޓްރެޓަޖީސް ފޯ އިންޓަނޭޝަނަލް ރިސާޗާސް" ގައި ދެއްކެވި ވާހަކަފުޅުގައެވެ. މިނިސްޓަރ ވިދާޅުވީ ދިރާސާވެރިއެއްގެ ގޮތުގައި ތިމާގެ ނަޒާހަތްތެރިކަމާއި އިތުބާރު ދެމެހެއްޓުމަކީ މުހިއްމު ކަމެއް ކަމަށެވެ.
މި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު ވިދާޅުވީ ގިނަ ޢިލްމީ ދިރާސާވެރިންނަށް، ދިރާސާތަކާއި ކަރުދާސް ޝާއިޢުކުރުމަކީ އެމީހުންގެ ކެރިއަރުގެ ކުރިމަގަށްޓަކައި ވަރަށް މުހިއްމު ކަމެއް ކަމަށެވެ. އަދި އެކަމުގައި ޔުނިވަރސިޓީތަކާއި އިންސްޓްޓިއުޓްތަކުގެ އެހީތެރިކަމާއި ދައުރު ބޮޑު ކަމަށް މިނިސްޓަރު ވިދާޅުވިއެވެ. ހަމައެއާއެކު ކޮލިޓީ ކަށަވަރުކުރުމުގައި ޔުނިވާސިޓީތަކާއި އިންސްޓިޓިއުޓްތަކުގެ ދައުރުގެ މައްޗަށް މިނިސްޓަރ އަލިއަޅުއްވާލެއްވިއެވެ.
އިންޓަނޭޝަނަލް ޔުނިއަން އޮފް ޔުނިވަރސިޓީސްއާއި އިސްލާމިކް ޔުނިވަރސިޓީ އޮފް މޯލްޑިވްސްއާއި ގުޅިގެން ބާއްވާ މި ކޮންފަރެންސްގެ ސަބަބުން އިތުރަށް އުނގެނުމަށް މަގުފަހިކޮށްދީ އާ އުފެއްދުންތަކާއި އާ ހެކިތައް ބިނާކޮށް ނިންމުންތައް ނިންމުމުގައި ފަސޭހަ ވެގެން ދާނެކަމަށް އުންމީދު ކުރަށްވާކަމަށް މިނިސްޓަރ ވިދާޅުވިއެވެ.
އިންޓަނޭޝަނަލް ޔުނިއަން އޮފް ޔުނިވަރސިޓީސްއާއި އިސްލާމިކް ޔުނިވަރސިޓީ އޮފް މޯލްޑިވްސްއާއި ގުޅިގެން ބާއްވާ މި ކޮންފަރެންސްގެ ސަބަބުން އިތުރަށް އުނގެނުމަށް މަގުފަހިކޮށްދީ އާ އުފެއްދުންތަކާއި އާ ހެކިތައް ބިނާކޮށް ނިންމުންތައް ނިންމުމުގައި ފަސޭހަ ވެގެން ދާނެކަމަށް އުންމީދު ކުރަށްވާކަމަށް މިނިސްޓަރ ވިދާޅުވިއެވެ.
ކިޔުންތެރިންގެ ހިޔާލު