ރާއްޖޭގެ ބްރޯޑްކާސްޓިން ދާއިރާގެ ތަޖުރިބާކާރެއްކަމަށްވާ މުހައްމަދު އާސިފް (މޮންދު)، ޕަބްލިކް ސާވިސް މީޑިއާ (ޕީއެސްއެމް)ގެ ބޯޑުން އިސްތިއުފާ ދެއްވައިފި އެވެ.
މިދިޔަ އަހަރުގެ ނޮވެމްބަރު މަހު ޕީއެސްއެމްގެ ބޯޑަށް އައްޔަންކުރެއްވި މޮންދު އެ މަޤާމުން އިސްތިޢުފާދެއްވި ސަބަބު ސާފުވެފައެއްނުވެއެވެ. ނަމަވެސް މަޢުލޫމާތު ލިބިފައިވާ ގޮތުގައި މޮންދު ވަރަށް އަވަހަށް ރާއްޖޭގެ އަމިއްލަ ޓީވީ ސްޓޭޝަނަކާ ގުޅިވަޑައިގަންނަވާނެއެވެ.
އެނގިފައިވާ ގޮތުގައި މޮންދު ދެން ގުޅިވަޑައިގަންނަވާނީ ސަން މީޑިއާ ގުރޫޕުގެ ދަށުން ހިންގާ ސަން ޓީވީއާ އެވެ. ސަން ޓީވީ އަލުން ފެށުމަށް ތައްޔާރުވަމުން އަންނައިރު ތަޖުރިބާކާރު ބައެއް ބޭފުޅުންދަނީ އެޓީވީއާ ގުޅިވަޑައިގަންނަވަމުންނެވެ. އެގޮތުން ޕީއެސްއެމްގެ ކުރީގެ މެނޭޖިން ޑިރެކްޓަރު އިބްރާހިމް ޚަލީލުވެސް ދާދިފަހުން ވަނީ ސަން ޓީވީއާ ގުޅިވަޑައިގެންފައެވެ.
1991 ވަނަ އަހަރު މީޑިއާގައި މަސައްކަތް ކުރައްވަން ފެއްޓެވި މޮންދު ވަނީ ޓީވީއެމްގައި 23 އަހަރު ހިދުމަތް ކުރައްވާފައެވެ. އޭގެ އިތުރުން ވީމީޑިއާގައި ހަތް އަހަރު ޚިދުމަތްކުރެއްވިއެވެ،
1991 ވަނަ އަހަރު މީޑިއާގައި މަސައްކަތް ކުރައްވަން ފެއްޓެވި މޮންދު ވަނީ ޓީވީއެމްގައި 23 އަހަރު ހިދުމަތް ކުރައްވާފައެވެ. އޭގެ އިތުރުން ވީމީޑިއާގައި ހަތް އަހަރު ޚިދުމަތްކުރެއްވިއެވެ،
ކިޔުންތެރިންގެ ހިޔާލު