ޤަވާއިދާ ޚިލާފަށް މުދާ ބަރުކޮށްގެން، ދަތުރުކުރަމުންދިޔަ ބޯޓެއް ހުއްޓުވައި މާލޭ ފަޅަށް ވައްދައިފިއެވެ.
މެރިން ޕޮލިހުން ބުނީ 'ސައުތު ލައިން' ނަމަކަށް ކިޔާ އެ ބޯޓު ގަވާއިދާ ހިލާފަށް މުދާ ބަރުކޮށްފައި ވާތީ ބޯޓު ހުއްޓުވައި، މިހާރު މާލެ ވައްދާފައިވާ ކަމަށެވެ. އެބޯޓު ދަތުރުކުރަމުން ދިޔައީ މާލެއިން ފުރައިގެން ރާއްޖޭގެ ދެކުނަށެވެ.
ޤަވާއިދާ އެއްގޮތަށް މުދާ ބަރުކޮށްގެން ނޫނީ އިތުރަށް ދަތުރު ނުކުރުމަށް އެ ބޯޓަށް ވަނީ އަންގާފައެވެ. އަދި މި ދުވަސްވަރަކީ މުޅިރާއްޖެއަށްވެސް މޫސުން ގޯސް ދުވަސްވަރަކަށް ވާތީ ދަތުރުފަތުރު ކުރާ ފަރާތްތަކުން މޫސުމަށް ސަމާލުވުމަށްވެސް މެރިން ޕޮލިހުން ވަނީ އިލްތިމާސްކޮށްފަ އެވެ.
މޫސުން ގޯސްވުމުގެ ސަބަބުން މެޓްއޮފީހުންވަނީ މުޅި ރާއްޖެއަށް ހުދު ސަމާލު ނެރެފައެވެ. އެގޮތުން މިއަދު ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވެ، ކަނޑުތައް ގަދަވާނެ ކަމަށް މެޓް އޮފީހުން ލަފާކޮށްފައިވެއެވެ.
މޫސުން ގޯސްވުމުގެ ސަބަބުން މެޓްއޮފީހުންވަނީ މުޅި ރާއްޖެއަށް ހުދު ސަމާލު ނެރެފައެވެ. އެގޮތުން މިއަދު ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވެ، ކަނޑުތައް ގަދަވާނެ ކަމަށް މެޓް އޮފީހުން ލަފާކޮށްފައިވެއެވެ.
ކިޔުންތެރިންގެ ހިޔާލު