މިއަހަރުގެ ޤައުމީ ދުވަހުގެ ރަސްމީ ޖަލްސާ ހއ. އުތީމުގައި ބޭއްވެވުމަށް ނިންމަވާފައިވާކަމަށް ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިންގެ ސުވާލުތަކަށް ޖަވާބު ދެއްވަމުން މިއުވާން ވިދާޅުވީ މިއަހަރުގެ ޤައުމީ ދުވަހުގެ ރަސްމީ ޖަލްސާ މިމަހުގެ 27 ވަނަ ދުވަހު އުތީމުގައި ބޭއްވުމަށް ސަރުކާރުން ނިންމަވާފައިވާ ކަމަށެވެ.
އަދި ގައުމީ އިނާމު ދިނުމުގެ ޖަލްސާ ބާއްވާނީ މާލޭގައި ކަމަށް މިއުވާން މިއަދު ވިދާޅުވިއެވެ. އެ ޖަލްސާ އޮންނާނީ މިއަހަރުގެ އޮކްޓޫބަރުގެ ތެރޭގައެވެ.
ޤައުމީ ދުވަސް ފާހަގަކުރަނީ އުތީމު ބޮޑުތަކުރުފާނު ޕޯޗްގީޒު އިސްތިއުމާރުން ދިވެހި ގައުމުގެ ދީނާއި ދިވެހި ގައުމުގެ މިނިވަންކަމާއި ރައްޔިތުން ސަލާމަތްކޮށް ދެއްވި ހާދިސާގެ ޒިކުރާ އާކުރުމުގެ ގޮތުންނެވެ. ތާރީޚުގައި ލިޔެފައިވާ ގޮތުން އެހާދިސާ ހިނގާފައިވަނީ 981 ވަނަ އަހަރު ރަބީއުލްއައްވަލް މަހުގެ 1 ވަނަ ދުވަހުއެވެ.
ޤައުމީ ދުވަސް ފާހަގަކުރަނީ އުތީމު ބޮޑުތަކުރުފާނު ޕޯޗްގީޒު އިސްތިއުމާރުން ދިވެހި ގައުމުގެ ދީނާއި ދިވެހި ގައުމުގެ މިނިވަންކަމާއި ރައްޔިތުން ސަލާމަތްކޮށް ދެއްވި ހާދިސާގެ ޒިކުރާ އާކުރުމުގެ ގޮތުންނެވެ. ތާރީޚުގައި ލިޔެފައިވާ ގޮތުން އެހާދިސާ ހިނގާފައިވަނީ 981 ވަނަ އަހަރު ރަބީއުލްއައްވަލް މަހުގެ 1 ވަނަ ދުވަހުއެވެ.
ކިޔުންތެރިންގެ ހިޔާލު