ސަރުކާރުން ފ. މަގޫދޫގައި ތަރައްގީ ކުރަން ނިންމާފައިވާ އެއަރޕޯޓު އެޅުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއި ހަވާލުކޮށްފިއެވެ.

މި މަޝްރޫއުގެ އެއްބަސްވުމުގައި ސޮއި ކުރުން އޮތީ މިއަދު ޕްލޭނިންގ މިނިސްޓްރީގައެވެ.

މި މަޝްރޫއު އެ ކުންފުންޏާއި ހަވާލު ކޮށްފައިވަނީ، 231،548،936.94 ރުފިޔާ އަށް 550 ދުވަހުގެ ތެރޭގައި މަސައްކަތް ނިންމާ ގޮތަށެވެ.

މި މަޝްރޫއުގެ ދަށުން 1500 މީޓަރު ދިގު، 30 މީޓަރު ފުޅާ ރަންވޭއަކާއި، ޕެސެންޖާ ޓާމިނަލް އިމާރާތެއް ހަދާނެއެވެ. އޭގެ އިތުރުން، ކޮންޓްރޯލް ޓަވަރާއެކު ފަޔަ ސްޓޭޝަނަކާއި، ސަލާމަތީ ވަސީލަތްތައް ގާއިމުކުރުމާއި އަދި ނެވިގޭޝަނަށް ބޭނުންވާ ތަކެތި ފޯރުކޮށްދީ، އިންސްޓޯލު ކުރުން ވެސް ހިމެނޭކަމަށް އެމްޓީސީސީން ބުނެއެވެ.