ކުޑަކުއްޖަކާ ބެހުނު މީހަކު 15 އަހަރަށް ޖަލަށްލުމަށް ކްރިމިނަލް ކޯޓުން ޙުކުމް ކޮށްފިއެވެ.
ކްރިމިނަލް ކޯޓުން އިއްޔެ ޙުކުމްކޮށްފައިވަނީ އދ.ދިއްދޫ / ރޯޝަނީވިލާ، ޝާމިލް އާދަމްގެ މައްޗަށް ދަޢުލަތުން ކޮށްފައިވާ ކުޑަކުއްޖަކު އިތުބާރުކުރަންޖެހޭ މަޤާމެއްގައިހުރި މީހަކު އެކުއްޖާއާއެކު ޖިންސީ ޢަމަލެއް ހިންގުމުގެ ކުށުގެ ދަޢުވާ ސާބިތުވާ ކަމަށެވެ.
ދަޢުލަތުން ކޮށްފައިވާ ދަޢުވާއަށް ޝާމިލް އާދަމް ވަނީ ޝަރީޢަތުގެ މަޖިލީހުގައި އިންކާރުކޮށްފައެވެ. އެހެންނަމަވެސް މައްސަލަ ބެއްލެވި ކްރިމިނަލް ކޯޓުގެ ޤާޝީ ނިންމަވާފައިވަނީ މައްސަލަ ސާބިތުކުރުމަށް ދައުލަތުން ހުށަހަޅާފައިވާ އެންމެހައި ހެއްކާއި ޤަރީނާއަށް ބަލާއިރު، މިއީ ދިވެހިރާއްޖޭގެ ޤާނޫނުއަސާސީގެ 51 ވަނަ މާއްދާގެ (އ) ގައި ބަޔާންކުރާ އެކަށީގެންވާ ޝައްކެއްނެތް މިންވަރަށް ޝަރީޢަތަށް ސާބިތުވާ މައްސަލައެއް ކަމަށެވެ.
އެހެންކަމުން ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުސޫލުތަކަކަށް ޢަމަލުކުރުމުގެ ޤާނޫނުގެ 9 ވަނަ މާއްދާގެ (ހ) އާ ޙަވާލާދީ، އެ މާއްދާގެ (ށ) ގެ ދަށުން، ކުޑައްޖަކު އިތުބާރުކުރަންޖެހޭ މަޤާމެއްގައިހުރި މީހަކު އެކުއްޖާއާއެކު ޖިންސީ ޢަމަލެއް ހިންގުމުގެ ކުށުން ޝާމިލް އާދަމް ކުށްވެރިވެއްޖެކަމަށް އެކޯޓުން ވަނީ ކަނޑައަޅުއްވާފައެވެ.
އަދި މި ކުށުގެ އުޤޫބާތެއްގެ ގޮތުން ޝާމިލް އާދަމް 15 (ފަނަރަ) އަހަރަށް ޖަލަށްލުމަށް ކޯޓުން ޙުކުމްކޮށްފައިވެއެވެ.
ނަމަވެސް މި މައްސަލައާ ގުޅިގެން ތަޙުޤީޤު މަރުޙަލާގައާއި ޝަރީޢަތުގެ މަރުޙަލާގައި ޝާމިލް އާދަމް 03 (ތިނެއް) އަހަރާއި 03 (ތިނެއް) މަހާއި 13 (ތޭރަ) ދުވަސް ބަންދުގައި ހޭދަކޮށްފައިވާތީ، ބަންދުގައި ހުރި މުއްދަތު ޙުކުމުގެ މުއްދަތުން އުނިކުރުމުން ދަޢުވާއާ ގުޅިގެން ތަންފީޒުކުރަންޖެހޭ އަދަބަކީ 11 (އެގާރަ) އަހަރާއި 8 (އަށެއް) މަހާއި 17 (ސަތާރަ) ދުވަސްކަމަށް ކޯޓުން ވަނީ ނިންމަވާފައެވެ.
ދަޢުލަތުން ކޮށްފައިވާ ދަޢުވާއަށް ޝާމިލް އާދަމް ވަނީ ޝަރީޢަތުގެ މަޖިލީހުގައި އިންކާރުކޮށްފައެވެ. އެހެންނަމަވެސް މައްސަލަ ބެއްލެވި ކްރިމިނަލް ކޯޓުގެ ޤާޝީ ނިންމަވާފައިވަނީ މައްސަލަ ސާބިތުކުރުމަށް ދައުލަތުން ހުށަހަޅާފައިވާ އެންމެހައި ހެއްކާއި ޤަރީނާއަށް ބަލާއިރު، މިއީ ދިވެހިރާއްޖޭގެ ޤާނޫނުއަސާސީގެ 51 ވަނަ މާއްދާގެ (އ) ގައި ބަޔާންކުރާ އެކަށީގެންވާ ޝައްކެއްނެތް މިންވަރަށް ޝަރީޢަތަށް ސާބިތުވާ މައްސަލައެއް ކަމަށެވެ.
އެހެންކަމުން ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުސޫލުތަކަކަށް ޢަމަލުކުރުމުގެ ޤާނޫނުގެ 9 ވަނަ މާއްދާގެ (ހ) އާ ޙަވާލާދީ، އެ މާއްދާގެ (ށ) ގެ ދަށުން، ކުޑައްޖަކު އިތުބާރުކުރަންޖެހޭ މަޤާމެއްގައިހުރި މީހަކު އެކުއްޖާއާއެކު ޖިންސީ ޢަމަލެއް ހިންގުމުގެ ކުށުން ޝާމިލް އާދަމް ކުށްވެރިވެއްޖެކަމަށް އެކޯޓުން ވަނީ ކަނޑައަޅުއްވާފައެވެ.
ނަމަވެސް މި މައްސަލައާ ގުޅިގެން ތަޙުޤީޤު މަރުޙަލާގައާއި ޝަރީޢަތުގެ މަރުޙަލާގައި ޝާމިލް އާދަމް 03 (ތިނެއް) އަހަރާއި 03 (ތިނެއް) މަހާއި 13 (ތޭރަ) ދުވަސް ބަންދުގައި ހޭދަކޮށްފައިވާތީ، ބަންދުގައި ހުރި މުއްދަތު ޙުކުމުގެ މުއްދަތުން އުނިކުރުމުން ދަޢުވާއާ ގުޅިގެން ތަންފީޒުކުރަންޖެހޭ އަދަބަކީ 11 (އެގާރަ) އަހަރާއި 8 (އަށެއް) މަހާއި 17 (ސަތާރަ) ދުވަސްކަމަށް ކޯޓުން ވަނީ ނިންމަވާފައެވެ.
ކިޔުންތެރިންގެ ހިޔާލު