ކުޑަކުދިންގެ ހައްގުތައް ހިމާޔަތްކޮށް އެކުދިންނަށް ރައްކާތެރިކަން ކަށަވަރުކޮށްދޭން ޖެހޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ވިދާޅުވެއްޖެ އެވެ.

މިއަދު ފާހަގަކުރަމުންދާ ބައިނަލްއަޤުވާމީ ކުޑަކުދިންގެ ދުވަހާއި ގުޅިގެން ރައީސް ޞާލިޙް ވަނީ ރާއްޖޭގެ ހުރިހާ ކުޑަކުދިންނަށް ތަހުނިޔާ ފޮނުއްވާފައެވެ.

ހަމައެއާއެކު ރައީސް ވިދާޅުވީ ކުޑަކުދިންގެ ދުވަސް ފާހަގަކުރާއިރު ކުޑަކުދިންނަށް ރައްކާތެރިކަމާއި، އަޅާލުމާއި، ލޯބި ލިބޭ މާހައުލެއްގައި ބޮޑުވުމަށް މަގުފަހިކޮށްދޭން މަސައްކަތް ކުރަން ޖެހޭ ކަމަށެވެ.

ހަމައެއާއެކު ކޮންމެ ކުއްޖަކީވެސް މުޖުތަމައުގައި އެކުއްޖަކަށް ކުރިއަށްދެވޭނެ އެންމެ ބޮޑަށް ކުރިއެރުމަށް މަގުފަހިވެފައިވާ ކުއްޖަކަށް ހެދުމަށް މަސައްކަތް ކުރަންޖެހޭކަމަށްވެސް ރައީސް ވިދާޅުވިއެވެ.

“މުޖުތަމައުއަކީ އަނިޔާއިން ރައްކާތެރި, ކުޑަކުދިންގެ ހައްގުތައް ހިމާޔަތްކޮށްފައިވާ މުޖުތަމައެއްކަން ކަށަވަރު ކުރުމަކީ އެންމެންގެ ޒިންމާއެއް.” ރައީސް ވިދާޅުވެފައިވެއެވެ.

Happy #WorldChildrensDay to all children. As we celebrate our children, we are ever mindful of our duty to ensure that every child realizes their full potential in a society that is inclusive, free of violence and harm and where their rights are fully protected.

— Ibrahim Mohamed Solih (@ibusolih) November 20, 2022

ކޮންމެ އަހަރެއްގެވެސް ނޮވެމްބަރު 20 ވަނަ ދުވަހަކީ ބައިނަލްއަގުވާމީ ގޮތުން ފާހަގަކުރާ ކުޑަކުދިންގެ ދުވަހެވެ.