ތިލަފުށީ ފަޅުތެރޭގައި ހުރި ގިނަ އަދަދެއްގެ ކުނި އޮޔާދާތީ އެސަރަޙައްދުން ދަތުރުކުރާ ފަރާތްތަކުން ސަމާލުވުމަށް ވެމްކޯއިން އިލްތިމާސްކޮށްފިއެވެ.

ވޭސްޓް މެނޭޖްމަންޓް ކޯޕަރޭޝަން، ވެމްކޯއިން ބުނީ އަދި މިދުވަސްވަރު އޮއި ހުރި ގޮތުން ކުނިތައް ފަޅުތެރެއިން ބޭރުވެ، އޮޔާދާކަމަށެވެ. އެސަރަހައްދުގެ ކަނޑަށް ކުނި ބޭރުވުމުގެ ފުރުސަތު ކުޑަކޮށް، ކުނިތައް ސާފުކުރުމުގެ މަސައްކަތް ކުރަމުންދާކަމަށްވެސް ވެމްކޯއިން ބުނެއެވެ.

📢📢: We have noticed that a large amount of waste in the inner parts of the lagoon has been moved out of the lagoon due to change in Thilafushi lagoon water current system. Please bear with us while we try to clean up the dispersed waste in the lagoon at the earliest we can. pic.twitter.com/Htds2N02GL

— Waste Management Corporation Limited (WAMCO) (@WAMCOmv) November 30, 2022

ތިލަފުށްޓަކީ މާލެ ސަރަހައްދާއި މާލެ ސަރަހައްދުގެ ރިސޯޓްތަކާއި އަދި އެހެން ބައެއް ރަށްރަށުގައި އުފެދޭ ކުނި ޖަމާކުރާ ސިނާއީ ރަށެކެވެ. އެގޮތުން ތިލަފުއްޓަށް ދުވާލަކު 500 ޓަނާއި 700 ޓަނާ ދެމެދުގެ އަދަދަކަށް ކުނި މާލެއާއި އެކި ސަރަހައްދުތަކުން ޖަމާކުރެއެވެ. މިގޮތަށް ތިލަފުށްޓަށް ޖަމާކުރާ ކުނި އެރަށު ފަޅުތެރޭގައި ހުރެއެވެ.